Published: Wednesday, 1 July 2026, at 9:39 am| Dubai | Edited: Wednesday, 1 July 2026, at 9:47 am
റിയാദ്: സൗദി അറേബ്യയിലെ എൻജിനീയറിങ് മേഖലയിൽ ജോലി ചെയ്യുന്ന പ്രവാസികൾക്ക് അൽപം നിരാശ നൽകുന്ന ഒരു വാർത്തയാണ് ഇന്ന് പുറത്ത് വന്നിരിക്കുന്നത്. എൻജിനീയറിങ് മേഖലയിൽ 30% സ്വദേശിവൽക്കരണം പ്രാബല്യത്തിൽ വരുകയാണ് (Saudi Engineering Saudization). പുതിയ സ്വദേശിവൽക്കരണ നിയമങ്ങളെക്കുറിച്ചും അതിന്റെ വിശദാംശങ്ങളെക്കുറിച്ചും കൂടുതൽ അറിയാം.
ALSO READ:
- വർക്ക് പെർമിറ്റ് പുതുക്കാനുള്ള ഇളവുകാലാവധി ദീർഘിപ്പിച്ച് സൗദി: പ്രവാസികൾക്ക് ആശ്വാസം
- ലഗേജിൽ എത്ര സ്വർണ്ണവും പണവും കരുതാം? സൗദിയിൽ പുതിയ പരിഷ്കാരം, സ്വർണത്തിന് പരിധി: പുതിയ നിയമം അറിയാം…
- സൗദിയിൽ എങ്ങനെ ജോലി നേടാം?: ഒഴിവുകൾ എവിടെയൊക്കെ, എങ്ങനെ അപേക്ഷിക്കാം? പ്രവാസികൾക്കായുള്ള സമ്പൂർണ ഗൈഡ്- 2026
സൗദിയിൽ എൻജിനീയറിങ് മേഖലയിൽ 30% സ്വദേശിവൽക്കരണം പ്രാബല്യത്തിൽ
സൗദി അറേബ്യയിൽ എൻജിനീയറിങ് തസ്തികകളിൽ സ്വദേശിവൽക്കരണം 30% ആയി ഉയർത്തിയുള്ള മന്ത്രാലയത്തിന്റെ തീരുമാനം പ്രാബല്യത്തിൽ വന്നു. മാനവശേഷി-സാമൂഹിക വികസന മന്ത്രാലയവും നഗരസഭ-ഭവനകാര്യ മന്ത്രാലയവും സംയുക്തമായാണ് ഈ പരിഷ്കാരം നടപ്പിലാക്കുന്നത്. ഇതോടെ ഈ മേഖലയിൽ ജോലി ചെയ്യുന്ന ആയിരക്കണക്കിന് മലയാളി എൻജിനീയർമാർ ഉൾപ്പെടെയുള്ള വിദേശികൾക്ക് പുതിയ തീരുമാനം കടുത്ത വെല്ലുവിളിയാകും. അഞ്ചോ അതിലധികമോ എൻജിനീയർമാർ ജോലി ചെയ്യുന്ന എല്ലാ കമ്പനികൾക്കും ഈ നിയമം ബാധകമാണ്.
ആർക്കിടെക്റ്റ്, സിവിൽ, ഇലക്ട്രിക്കൽ, മെക്കാനിക്കൽ, ഇലക്ട്രോണിക്സ്, ഓട്ടോമോട്ടീവ്, മറൈൻ, ഓയിൽ ആൻഡ് ഗ്യാസ്, റിസർച്ച് ആൻഡ് ഡെവലപ്മെന്റ് തുടങ്ങി 46 ഓളം പ്രധാന എൻജിനീയറിങ് പ്രഫഷനുകളെയാണ് ഇതിൽ ഉൾപ്പെടുത്തിയിരിക്കുന്നത്. സൗദിയിൽ എൻജിനീയറിങ് മേഖലയിൽ ജോലി ചെയ്യുന്നവർക്ക് സൗദി കൗൺസിൽ ഓഫ് എൻജിനീയേഴ്സിന്റെ പ്രഫഷനൽ അക്രെഡിറ്റേഷൻ ഉണ്ടായിരിക്കണമെന്നത് നിർബന്ധമാക്കിയിട്ടുണ്ട്.
നിയമം കൃത്യമായി പാലിക്കപ്പെടുന്നുണ്ടെന്ന് ഉറപ്പാക്കാൻ മന്ത്രാലയത്തിന്റെ മോണിറ്ററിങ് ടീമുകൾ പരിശോധന ശക്തമാക്കിയിട്ടുണ്ട്. സ്വദേശിവൽക്കരണ നിരക്ക് പാലിക്കാത്ത സ്ഥാപനങ്ങൾക്കെതിരെ കടുത്ത നിയമനടപടികളും പിഴയും ചുമത്തുമെന്ന് മന്ത്രാലയം മുന്നറിയിപ്പ് നൽകി.
എന്ത് കൊണ്ട് സൗദി സ്വദേശിവൽക്കരണം ഈ മേഖലയിൽ നടപ്പിലാക്കുന്നു?
സ്വദേശി യുവാക്കൾക്ക് കൂടുതൽ സ്ഥിരതയുള്ള തൊഴിലവസരങ്ങൾ ഉറപ്പാക്കാനും തൊഴിൽ വിപണിയിലെ തദ്ദേശീയ പങ്കാളിത്തം വർധിപ്പിക്കാനുമുള്ള സൗദി സർക്കാരിന്റെ ദീർഘകാല പദ്ധതികളുടെ ഭാഗമായാണ് ഈ പുതിയ നടപടി.
പ്രവാസികളെ ഇത് ബാധിക്കുമോ? എങ്ങനെ?
തീർച്ചയായും, സൗദിയിൽ എൻജിനീയറിങ് മേഖലയിൽ ജോലി ചെയ്യുന്ന ആയിരക്കണക്കിന് മലയാളി എൻജിനീയർമാർ ഉൾപ്പെടെയുള്ള വിദേശികൾക്ക് പുതിയ തീരുമാനം കടുത്ത വെല്ലുവിളിയാകും.
- 46 ഓളം പ്രധാന എൻജിനീയറിങ് പ്രഫഷനുകളിൽ സ്വദേശികളെ നിയമിക്കേണ്ടി വരുന്നതിനാൽ പ്രവാസികളുടെ നിലവിലെ തൊഴിൽ അവസരങ്ങൾ കുറയാൻ ഇത് കാരണമാകും.
- സൗദി കൗൺസിൽ ഓഫ് എൻജിനീയേഴ്സിന്റെ പ്രഫഷനൽ അക്രെഡിറ്റേഷൻ ഇല്ലാത്ത വിദേശികൾക്ക് ഈ മേഖലയിൽ ജോലി തുടരാൻ സാധിക്കില്ല.
- മന്ത്രാലയത്തിന്റെ പരിശോധനകൾ കർശനമാക്കിയതിനാൽ സ്വദേശിവൽക്കരണ നിരക്ക് പാലിക്കാത്ത സ്ഥാപനങ്ങളിലുള്ള പ്രവാസികളുടെ ജോലി സുരക്ഷിതമല്ലാതായി മാറും.
ALSO READ:
- സൗദി അറേബ്യയിൽ പ്രീമിയം റെസിഡൻസി ഉടമകൾക്ക് നിർബന്ധിത വർക്ക് പെർമിറ്റ്: പുതിയ നിയമം ഇങ്ങനെ
- സൗദിയിൽ ഇനി പ്രവാസികൾക്ക് ഭൂമിയും വീടും സ്വന്തമാക്കാം: അനുവദനീയമായ പ്രദേശങ്ങളിൽ മാത്രം, ചരിത്രപരമായ തീരുമാനം
- സൗദി തൊഴിൽ മേഖലയിൽ കടുത്ത നിയന്ത്രണങ്ങൾ : പുതിയ നിയമങ്ങൾ അറിയാം…
English Summary: The Ministry of Human Resources has officially enforced the Saudi Engineering Saudization 30 Percent 2026 rule for firms with five or more engineers. Affecting 46 major professions, this long term initiative aims to secure jobs for citizens, creating significant compliance and employment challenges for expatriate engineers.