യുഎഇയിൽ ഇനി പന്തയം വെച്ച് കാശ് വാരാം: ആദ്യത്തെ ലീഗൽ ബെറ്റിങ് ആപ്പ് പുറത്തിറങ്ങി, നിയമങ്ങൾ, പ്രായപരിധി, എല്ലാമറിയാം..

Published: Sunday, 7 June 2026, at 5:32 am| Dubai | Edited:Sunday, 7 June 2026, at 5:37 am

അബുദാബി: 2026 ലെ ഫിഫ ലോകകപ്പ് ആവേശത്തിലേക്ക് കടക്കുന്ന ഫുട്ബോൾ പ്രേമികൾക്ക് സന്തോഷവാർത്ത. യുഎഇയിൽ ആദ്യമായി നിയമപരമായ രീതിയിൽ സ്‌പോർട്‌സ് ബെറ്റിംഗിന് അവസരമൊരുങ്ങുന്നു. ജനറൽ കൊമേഴ്സ്യൽ ഗെയിമിങ് റെഗുലേറ്ററി അതോറിറ്റിയുടെ അംഗീകാരത്തോടെയുള്ള ‘പ്ലേ 971’ എന്ന പ്ലാറ്റ്‌ഫോമിലൂടെ ആരാധകർക്ക് തങ്ങളുടെ പ്രിയപ്പെട്ട ടീമുകൾക്കായി പന്തയം വയ്ക്കാം (Play971 Sports Betting).

ALSO READ: ഹിജ്‌റ പുതുവർഷം: യുഎഇയിൽ 3 ദിവസത്തെ പൊതുഅവധി പ്രഖ്യാപിച്ചു

സർവീസുകൾ വെട്ടിക്കുറച്ച് വിമാനക്കമ്പനികൾ, വില ഇനി കുതിച്ചുയരും: പ്രവാസികളുടെ വേനലവധി ആശങ്കയിൽ

പന്തയം വെക്കാം, നിയമപരമായ സുരക്ഷയോടെ

ഫിഫ ലോകകപ്പ് മത്സരങ്ങൾക്കൊപ്പം മറ്റ് പ്രാദേശിക, അന്തർദേശീയ ലീഗുകളിലും ഈ പ്ലാറ്റ്‌ഫോം വഴി വെയ്ജറിംഗ് നടത്താൻ സാധിക്കുമെന്ന് പ്ലേ 971 ഐഗെയിമിംഗ് കൊമേഴ്സ്യൽ ഡയറക്ടർ ഫിലിപ്പ ബോവ്‌ലാൻഡ് വ്യക്തമാക്കി. മത്സരങ്ങളിലെ വിജയികൾക്ക് പുറമെ ഗോൾ എണ്ണം, കോർണറുകൾ, ടോപ്പ് സ്കോറർമാർ തുടങ്ങി കളിയിലെ വിവിധ ഘടകങ്ങളിലും ഉപയോക്താക്കൾക്ക് പ്രവചനങ്ങൾ നടത്താനുള്ള സൗകര്യം ഇതിലുണ്ട്.

നിയമങ്ങൾ

ഈ പ്ലാറ്റ്‌ഫോം ഉപയോഗിക്കുന്നതിനായി കർശനമായ ചില നിബന്ധനകൾ കമ്പനി മുന്നോട്ടുവെച്ചിട്ടുണ്ട്. സുരക്ഷയും നിയമപാലനവും ഉറപ്പാക്കാൻ താഴെ പറയുന്ന കാര്യങ്ങൾ ഉപയോക്താക്കൾ ശ്രദ്ധിക്കണം

• രജിസ്റ്റർ ചെയ്യുന്നതിനും പന്തയങ്ങളിൽ പങ്കെടുക്കുന്നതിനും ഉപയോക്താക്കൾക്ക് കുറഞ്ഞത് 21 വയസ്സ് പ്രായമുണ്ടായിരിക്കണം.
• KYC വെരിഫിക്കേഷന്റെ ഭാഗമായി സാധുവായ എമിറേറ്റ്‌സ് ഐഡി സമർപ്പിക്കുന്നത് നിർബന്ധമാണ്.
• വിപിഎൻ (VPN) വഴിയോ മറ്റ് മാർഗ്ഗങ്ങളിലൂടെയോ ലൊക്കേഷൻ മറച്ചുവെക്കാൻ ശ്രമിക്കുന്നത് കർശനമായി വിലക്കുന്നു.

ദുബായിൽ ലഭ്യമല്ല

യുഎഇയിൽ സേവനം ലഭ്യമാണെങ്കിലും, ദുബായിൽ താമസിക്കുന്നവർക്ക് നിലവിൽ ഈ വെബ്സൈറ്റ് ഉപയോഗിക്കാൻ സാധിക്കില്ല. ഓരോ എമിറേറ്റിലെയും പ്രാദേശിക നിയമങ്ങൾക്കനുസരിച്ചാണ് പ്ലാറ്റ്‌ഫോമിന്റെ ലഭ്യത തീരുമാനിക്കുന്നത്. ലൈസൻസുള്ള ഓപ്പറേറ്റർമാർക്ക് മാത്രമേ യുഎഇയിൽ വാണിജ്യ ഗെയിമിങ് പ്രവർത്തനങ്ങൾ നടത്താൻ അനുമതിയുള്ളൂ എന്നും, അനധികൃത പ്രവർത്തനങ്ങളിൽ ഏർപ്പെട്ടാൽ പിഴ ലഭിക്കുമെന്നും ജനറൽ കൊമേഴ്സ്യൽ ഗെയിമിങ് റെഗുലേറ്ററി അതോറിറ്റി മുന്നറിയിപ്പ് നൽകിയിട്ടുണ്ട്.

ALSO READ: മൂന്ന് രാജ്യങ്ങളിൽ നിന്നുള്ളവർക്ക് വീസ വിലക്കേർപ്പെടുത്തി യുഎഇ

Pledge UAE സർട്ടിഫിക്കറ്റ് ഇനി ഓൺലൈനായി; നടപടിക്രമങ്ങൾ അറിയാം

English Summary: Play971 has launched as the UAE’s first licensed internet gaming and sports wagering platform, regulated by the General Commercial Gaming Regulatory Authority (GCGRA). It allows users aged 21 and older to legally place bets on major sporting events like the FIFA World Cup. Registration requires a valid Emirates ID, and the service is currently restricted in Dubai based on local regulations.