Published:Wednesday, 22 April 2026, at 7:56 pm |Dubai | Edited:Wednesday, 22 April 2026 at 8:56 pm
ഇന്ത്യൻ ക്രിക്കറ്റിലെ പുതിയ താരോദയമായ വൈഭവ് സൂര്യവംശിയുടെ കുതിപ്പിന് തടയിട്ട് ലഖ്നൗ സൂപ്പർ ജയന്റ്സ് താരം മൊഹ്സിൻ ഖാൻ (Mohsin Khan). പതിനഞ്ചുകാരനായ വൈഭവിന്റെ ഐപിഎൽ കരിയറിലെ ആദ്യ മെയ്ഡൻ ഓവർ എറിഞ്ഞാണ് ഈ ഇടങ്കയ്യൻ പേസർ താരമായത്. അതിവേഗത്തിൽ റൺസ് കണ്ടെത്താൻ കെൽപ്പുള്ള വൈഭവിനെ ഒരു റൺ പോലും എടുക്കാൻ അനുവദിക്കാതെ സമ്മർദ്ദത്തിലാക്കിയ മൊഹ്സിൻ ഖാൻ, തന്റെ ഓവറിലെ അവസാന പന്തിൽ വൈഭാവിനെ പുറത്താക്കിയതോട് കൂടി വീണ്ടും ആരാധക ശ്രദ്ധ നേടുകയായിരുന്നു.
ALSO READ: കോഹ്ലിയുടെ ഒരൊറ്റ ലൈക്ക്; ജർമൻ സുന്ദരിയുടെ ജീവിതം മാറി മറിഞ്ഞു
റൊണാൾഡോയുടെ സ്വപ്നം യാഥാർത്ഥ്യമാകുന്നു; അൽ-നസറിന് കിരീടമുയർത്താൻ മൂന്ന് വഴികൾ
പവർപ്ലേയിലെ സമ്മർദ്ദം
അഞ്ച് പന്തിൽ രണ്ട് ഫോറുകൾ ഉൾപ്പെടെ എട്ട് റൺസുമായി മികച്ച തുടക്കം വൈഭവിന് ലഭിച്ചിരുന്നു. എന്നാൽ നാലാം ഓവർ എറിയാൻ എത്തിയ മൊഹ്സിൻ ഖാൻ കൃത്യമായ ലെങ്തിൽ പന്തെറിഞ്ഞതോടെ വൈഭവിന് പിഴയ്ക്കാൻ തുടങ്ങി. മൊഹ്സിന്റെ ഓവറിൽ ഒറ്റ റൺസ് എടുക്കാൻ പോലും വൈഭവിന് സാധിച്ചില്ല എന്ന് മാത്രമല്ല, മൊഹ്സിന്റെ അവസാന പന്തിൽ താരം പുറത്താവുകയും ചെയ്തു, ഇതോടെ 11 പന്തിൽ 8 റൺസുമായി താരത്തിന് മടങ്ങേണ്ടി വന്നു.
വിക്കറ്റ് നേട്ടം ഇങ്ങനെ
മൊഹ്സിൻ ഖാൻ എറിഞ്ഞ ആറ് പന്തുകളും വൈഭവിനെ സംബന്ധിച്ചിടത്തോളം വലിയ വെല്ലുവിളിയായിരുന്നു. ആ ഓവറിലെ ആദ്യ അഞ്ച് പന്തുകളിലും റൺസ് ഒന്നും നേടാൻ കഴിയാതിരുന്ന വൈഭവ് വലിയൊരു ഷോട്ടിന് ശ്രമിക്കാൻ നിർബന്ധിതനായി. വിക്കറ്റിന് കാരണമായി.
ഓവറിലെ അവസാന പന്തിൽ വൈഭവ് സൂര്യവംശി ലെഗ് സൈഡിലേക്ക് ഷോട്ടിന് മുതിർന്നുവെങ്കിലും പന്ത് ബാറ്റിന്റെ അറ്റത്ത് തട്ടി ഉയർന്നു പൊങ്ങി. ഇതോടെ ലഖ്നൗ താരം ഡിഗ്വേഷ് സിംഗ് റാഠി അനായാസമായ ഒരു ക്യാച്ചിലൂടെ വൈഭവിനെ പുറത്താക്കി.
സോഷ്യൽ മീഡിയയിലെ പ്രതികരണങ്ങൾ
മൊഹ്സിൻ ഖാൻ എറിഞ്ഞ ഈ മെയ്ഡൻ ഓവർ ആരാധകർക്കിടയിൽ വലിയ ചർച്ചയായി മാറിയിരിക്കുകയാണ്. വൈഭവിനെപ്പോലെയുള്ള ഒരു വെടിക്കെട്ട് ബാറ്റ്സ്മാനെ പവർപ്ലേയിൽ ഇത്രയും കൃത്യമായി പൂട്ടാൻ കഴിയുന്നത് ഒരു ബൗളറുടെ മികവായാണ് ക്രിക്കറ്റ് പ്രേമികൾ വിലയിരുത്തുന്നത്. സമ്മർദ്ദം എങ്ങനെ വിക്കറ്റാക്കി മാറ്റാം എന്നതിന്റെ മികച്ച ഉദാഹരണമാണ് ഈ പ്രകടനമെന്ന് പലരും അഭിപ്രായപ്പെട്ടു.
മൊഹ്സിൻ ഖാൻ എറിഞ്ഞ ഓരോ പന്തിന്റെയും ദൃശ്യങ്ങൾ സാമൂഹിക മാധ്യമങ്ങളിൽ അതിവേഗം പ്രചരിക്കുന്നുണ്ട്. പവർപ്ലേയിൽ ബാറ്റ്സ്മാൻമാർ ആധിപത്യം പുലർത്തുന്ന ഇന്നത്തെ ക്രിക്കറ്റിൽ ഒരു മെയ്ഡൻ ഓവർ വിക്കറ്റോടു കൂടി പൂർത്തിയാക്കുന്നത് വലിയ നേട്ടമാണ്. വരും മത്സരങ്ങളിലും ലഖ്നൗവിന്റെ കുതിപ്പിൽ ഈ ഇടങ്കയ്യൻ പേസർ വലിയ പങ്കു വഹിക്കുമെന്നാണ് ആരാധകർ പ്രതീക്ഷിക്കുന്നത്.
ALSO READ: ആദ്യ ഓവറിൽ മൂന്ന് വിക്കറ്റ്: ആരാണ് ഐപിഎല്ലിനെ ഞെട്ടിച്ച പ്രഫുൽ ഹിംഗേ?
IPL 2026: ‘ക്യാപ്റ്റനായതുകൊണ്ട് മാത്രമാണ് അവൻ ടീമിലുള്ളത്’; രൂക്ഷവിമർശനവുമായി ശ്രീകാന്ത്
English Summary: In the 2026 IPL clash between LSG and RR, Mohsin Khan delivered a stunning masterclass by bowling a maiden over against teenage sensation Vaibhav Sooryavanshi. The disciplined spell culminated in a crucial wicket on the final ball, providing Lucknow Super Giants with a massive breakthrough and shifting the match momentum.