Published: Friday, 28 August 2026, at 10:58 pm| Dubai | Edited: Friday, 28 August 2026, at 10:59 pm

അബുദാബി: ഇലോൺ മസ്‌കിന്റെ ‘സ്റ്റാർലിങ്ക്’ (Starlink) യുഎഇയിൽ ഔദ്യോഗികമായി പ്രവർത്തനം ആരംഭിക്കാൻ ഒരുങ്ങുന്നു. ടെലികമ്മ്യൂണിക്കേഷൻസ് ആൻഡ് ഡിജിറ്റൽ ഗവൺമെന്റ് റെഗുലേറ്ററി അതോറിറ്റി (TDRA) 10 വർഷത്തെ ലൈസൻസ് നൽകിയതോടെ, പ്രവാസി മലയാളികൾക്കും മറ്റ് താമസക്കാർക്കും ഇനി അതിവേഗ സാറ്റലൈറ്റ് ഇന്റർനെറ്റിനായി പ്രീ-ഓർഡർ ചെയ്യാം. എങ്ങനെ ഓർഡർ ചെയ്യാം? നിരക്കുകൾ എത്രയാണ്? എല്ലാമറിയാം(How to Get Starlink in UAE)..

ALSO READ:

• നിസാരമെന്ന് കരുതുന്ന ഈ 3 ശീലങ്ങൾ നിങ്ങളെ അപകടത്തിലാക്കും: സൈബർ മുന്നറിയിപ്പുമായി അബുദാബി
• ഒരു വാച്ചിന് ജീവൻ രക്ഷിക്കാനാവുമോ? ഗൂഗിളിന്റെ പുതിയ ‘പിക്സൽ വാച്ച് 5’-നെ കുറിച്ചറിയാം..
• ദുബൈയിൽ കെട്ടിട നിർമാണ അനുമതിക്കായി പുതിയ എഐ സംവിധാനം; നടപടിക്രമങ്ങൾ ഇനി അതിവേഗം

സ്റ്റാർലിങ്ക് വിപ്ലവത്തിനൊരുങ്ങി യുഎഇ

യുഎഇയിലെ ഏഴ് എമിറേറ്റുകളിലും കരയിലും കടലിലും വിമാനങ്ങളിലും ഒരുപോലെ സേവനം നൽകാനാണ് TDRA സ്റ്റാർലിങ്കിന് ലൈസൻസ് നൽകിയിരിക്കുന്നത്. ലൈസൻസിന്റെ കൂടുതൽ വിവരങ്ങൾ അറിയാം..

• 10 വർഷത്തെ ലൈസൻസ്: യുഎഇയിൽ ദീർഘകാലത്തേക്ക് പ്രവർത്തനം നടത്താനുള്ള ഔദ്യോഗിക അനുമതി സ്റ്റാർലിങ്കിന് ലഭിച്ചു.
• എല്ലായിടത്തും കണക്റ്റിവിറ്റി: മരുഭൂമിയിലെ ഫാമുകൾ, ഒഴിഞ്ഞ സ്ഥലങ്ങൾ, യാച്ചുകൾ എന്നിവിടങ്ങളിലെല്ലാം അതിവേഗ ഇന്റർനെറ്റ് ലഭ്യമാകും.
• ഫൈബർ ഒപ്റ്റിക്സിന് പകരം: നിലവിലുള്ള കേബിൾ ഇന്റർനെറ്റിന് പുറമെ സാറ്റലൈറ്റ് മാർഗ്ഗത്തിലൂടെയുള്ള മികച്ചൊരു ബദലാണിത്.

പ്ലാനുകളും നിരക്കുകളും (Starlink UAE price)

യുഎഇ നിവാസികൾക്കായി പ്രഖ്യാപിച്ചിട്ടുള്ള നിരക്കുകളും ചെലവുകളും താഴെ പറയുന്നവയാണ്.

ഇന്റർനെറ്റ് വേഗതയും പ്രത്യേകതകളും (Starlink speed UAE)

മികച്ച കണക്റ്റിവിറ്റിയും ഉയർന്ന വേഗതയുമാണ് സ്റ്റാർലിങ്ക് വാഗ്ദാനം ചെയ്യുന്നത്.

• വേഗത: സെക്കൻഡിൽ 400+ Mbps വരെയുള്ള ഡൗൺലോഡ് വേഗത ലഭിക്കും.
• ആധുനിക റൂട്ടർ: മികച്ച കവറേജിനായി Gen 3 Wi-Fi 6 റൂട്ടറാണ് കിറ്റിൽ വരുന്നത്.
• ഡാറ്റ ലിമിറ്റ് ഇല്ല: വേഗത കുറയാത്ത അൺലിമിറ്റഡ് ഇന്റർനെറ്റ് ഉപയോഗം സാധ്യമാണ്.

ALSO READ: ​

• 5 ദിർഹമിന് അത്യാധുനിക യാത്ര! ദുബായിലെ ഡ്രൈവറില്ലാ ടാക്സി ബുക്ക് ചെയ്യേണ്ടത് ഇങ്ങനെ.
• ഈ ആപ്പുകൾ ഫോണിലുണ്ടോ? എങ്കിൽ എട്ടിന്റെ പണി കിട്ടും: മുന്നറിയിപ്പുമായി ദുബായ് പൊലീസ്

എങ്ങനെ പ്രീ- ഓർഡർ ചെയ്യാം? (Starlink UAE pre order)

സ്റ്റാർലിങ്ക് വെബ്‌സൈറ്റ് വഴി എളുപ്പത്തിൽ പ്രീ-ഓർഡർ പൂർത്തിയാക്കാം. അതിനായി താഴെ പറയുന്ന പ്രക്രിയകൾ പൂർത്തിയാക്കുക.

• Starlink UAE ഔദ്യോഗിക വെബ്‌സൈറ്റ് സന്ദർശിച്ച് ‘Get Started’ ക്ലിക്ക് ചെയ്യുക.
• നിങ്ങളുടെ കൃത്യമായ ലൊക്കേഷൻ അല്ലെങ്കിൽ അഡ്രസ് നൽകുക.
• വിവരങ്ങളും കിറ്റും പരിശോധിച്ച ശേഷം ‘Checkout’ കൊടുക്കുക.
• പേര്, അഡ്രസ്, പേയ്‌മെന്റ് വിവരങ്ങൾ നൽകുക.
• AED 285.71 ഡെപ്പോസിറ്റ് തുക അടച്ച് ബുക്കിംഗ് പൂർത്തിയാക്കുക.

ശ്രദ്ധിക്കേണ്ട പ്രധാന കാര്യങ്ങൾ

കിറ്റ് ബുക്ക് ചെയ്യുന്നതിന് മുൻപ് പ്രവാസികൾ അറിഞ്ഞിരിക്കേണ്ട വിവരങ്ങൾ അറിയാം..

• തുറസ്സായ സ്ഥലം: ആകാശത്തേക്ക് തടസ്സങ്ങളില്ലാത്ത കാഴ്ചയുള്ള ബാൽക്കണിയോ റൂഫ് ടോപ്പോ ഉണ്ടായിരിക്കണം.
• റിഫണ്ടബിൾ ഡെപ്പോസിറ്റ്: പ്രീ-ഓർഡർ റദ്ദാക്കുകയാണെങ്കിൽ അടച്ച ഡെപ്പോസിറ്റ് തുക തിരികെ ലഭിക്കും.
• സ്വയം ഇൻസ്റ്റാൾ ചെയ്യാം: ടെക്നീഷ്യന്റെ സഹായമില്ലാതെ സ്റ്റാർലിങ്ക് മൊബൈൽ ആപ്പ് വഴി സ്വയം സെറ്റ് ചെയ്യാം.

മേൽപറഞ്ഞ നടപടികൾ പൂർത്തിയാക്കുകയും വിവരങ്ങൾ കൃത്യമായി അറിഞ്ഞിരിക്കലൂം വഴി നിങ്ങൾക്ക് വേഗതയുടെ പുതിയ സാറ്റലെറ്റ് ഇന്റർനെറ്റ് സേവനം ആസ്വദിച്ച് തുടങ്ങാം..

പോക്കറ്റ് ഫ്രണ്ട്‌ലി vs ഫൈബർ ഇന്റർനെറ്റ് (Starlink vs Traditional Fiber)

സ്റ്റാർലിങ്ക് കണക്ഷൻ എടുക്കുന്നതിന് മുൻപ് നിലവിലുള്ള ഹോം ഇന്റർനെറ്റുമായി ഇതിനെ താരതമ്യം ചെയ്യുന്നത് അനുയോജ്യമായിരിക്കും.

• ആർക്കൊക്കെ അനുയോജ്യം: നഗരങ്ങളിൽ ഇതിനകം കുറഞ്ഞ നിരക്കിൽ ലഭ്യമാകുന്ന ഫൈബർ ഇന്റർനെറ്റിനേക്കാൾ, മരുഭൂമിയിലെ ഫാമുകളിൽ (Ezba) കഴിയുന്നവർക്കും, ക്യാമ്പിംഗ്, ബോട്ട് യാത്രാ പ്രേമികൾക്കും, ഫൈബർ എത്താത്തിടങ്ങളിൽ താമസിക്കുന്നവർക്കും സ്റ്റാർലിങ്ക് മികച്ചൊരു തിരഞ്ഞെടുപ്പാണ്.
• ഇനീഷ്യൽ കോസ്റ്റ്: തുടക്കത്തിൽ ഹാർഡ്‌വെയർ കിറ്റിനായി നൽകേണ്ടി വരുന്ന വലിയ തുക (AED 1,465) സാധാരണ വാടകവീടുകളിൽ താമസിക്കുന്ന പ്രവാസികൾ കണക്കിലെടുക്കേണ്ടതുണ്ട്.

ALSO READ:

• പ്രവാസികൾക്ക് ഇനി നാട്ടിൽ ‘ക്യുആർ കോഡ്’ സ്കാൻ ചെയ്യാം: പുതിയ യുപിഐ അപ്ഡേറ്റുമായി പേടിഎം
• അബുദാബി എയർപോർട്ടിൽ നിന്നും ദുബായിലേക്ക് എങ്ങനെ പോകാം? ഗൾഫ് മലയാളികൾ അറിഞ്ഞിക്കേണ്ട ബസ് സർവീസുകളും സമയക്രമവും
• യുഎഇ പ്രവാസികൾ ശ്രദ്ധിക്കുക; ട്രാഫിക് നിയമങ്ങൾ കടുപ്പിച്ചു, പിഴ അടച്ചില്ലെങ്കിൽ വാഹനം പിടിച്ചെടുക്കും!

FAQs

യുഎഇയിൽ സ്റ്റാർലിങ്കിന് ഔദ്യോഗിക അനുമതിയുണ്ടോ?

അതെ, TDRA 10 വർഷത്തെ ജനറൽ സാറ്റലൈറ്റ് സേവന ലൈസൻസ് നൽകിയിട്ടുണ്ട്.

മാസം എത്ര രൂപ വരിസംഖ്യ വരും?

പ്രതിമാസം 300 ദിർഹമാണ് അൺലിമിറ്റഡ് പ്ലാനിന്റെ നിരക്ക്.

സ്റ്റാർലിങ്കിന്റെ പ്രതീക്ഷിക്കുന്ന വേഗത എത്രയാണ്?

സെക്കൻഡിൽ 400+ Mbps വരെ വേഗത ലഭിക്കും.

പ്രീ-ഓർഡർ ഡെപ്പോസിറ്റ് തുക തിരികെ ലഭിക്കുമോ?

അതെ, കണക്ഷൻ വേണ്ടെന്ന് വെച്ചാൽ ഡെപ്പോസിറ്റ് തുക പൂർണ്ണമായി തിരികെ ലഭിക്കും.

കണക്ഷൻ ഇൻസ്റ്റാൾ ചെയ്യാൻ ടെക്നീഷ്യൻ വേണമെന്നുണ്ടോ?

ഇല്ല, മൊബൈൽ ആപ്പ് ഉപയോഗിച്ച് സ്വയം എളുപ്പത്തിൽ ഇൻസ്റ്റാൾ ചെയ്യാം.

പ്രീ-ഓർഡർ ചെയ്ത ശേഷം ലൊക്കേഷൻ മാറിയാൽ സർവീസ് ലഭിക്കുമോ?

അതെ, സ്റ്റാർലിങ്ക് ആപ്പ് വഴി പുതിയ അഡ്രസ് നൽകി സർവീസ് അപ്‌ഡേറ്റ് ചെയ്യാം.

മരുഭൂമിയിലെ ചൂടും പൊടിപടലങ്ങളും ഡിഷിനെ ബാധിക്കുമോ?

ഇല്ല, അതികഠിനമായ ചൂടിനെയും പൊടിക്കാറ്റിനെയും പ്രതിരോധിക്കാൻ ശേഷിയുള്ളതാണ് ഹാർഡ്‌വെയർ കിറ്റ്.

English Summary: Starlink received a 10 year TDRA licence in the UAE. Residents can learn How to Get Starlink in UAE by pre-ordering online for AED 300 monthly, with speeds reaching up to 400+ Mbps.