Published: Monday, 24 August 2026, at 4:09 pm| Dubai | Edited: Monday, 24 August 2026, at 4:21 pm

അബുദാബി: നാട്ടിലില്ല എന്ന് കരുതി ഓണത്തിന്റെ വൈബ് കുറയ്‌ക്കേണ്ട..യുഎഇയിൽ ഇത്തവണയും വിപുലമായ പരിപാടികളോടെയാണ് ഓണത്തെ വരവേൽക്കുന്നത്(Onam celebration in UAE 2026). യുഎഇയിൽ ഓണസദ്യ ലഭിക്കുന്ന പ്രധാന സ്പോട്ടുകൾ, ഓണപരിപാടികൾ നടക്കുന്ന സ്ഥലങ്ങൾ എന്നിവ അറിയാം..

ALSO READ:

• ​’എറ്റിയോ’ എത്തുന്നു; അജ്മാനിലെ 50 സ്വകാര്യ സ്കൂളുകളിൽ പുതിയ മാറ്റത്തിന് കളമൊരുങ്ങുന്നു
• നിസാരമെന്ന് കരുതുന്ന ഈ 3 ശീലങ്ങൾ നിങ്ങളെ അപകടത്തിലാക്കും: സൈബർ മുന്നറിയിപ്പുമായി അബുദാബി
• യുഎഇ വിസ നിയമങ്ങളിൽ വൻ മാറ്റം: ഇന്ത്യ ഉൾപ്പെടെയുള്ള രാജ്യങ്ങൾക്ക് പോലീസ് ക്ലിയറൻസ് സർട്ടിഫിക്കറ്റ് നിർബന്ധമാക്കി; അറിയേണ്ട കാര്യങ്ങൾ

നാവിലൂറുന്ന ഓണസദ്യ

ഓണമെന്നു കേൾക്കുമ്പോൾ തന്നെ ഏതൊരു മലയാളിയുടെയും മനസ്സിലേക്ക് ആദ്യമെത്തുന്നത് വാഴയിലയിൽ വിളമ്പുന്ന വിഭവസമൃദ്ധമായ സദ്യയാണ്. സാംബാർ, അവിയൽ, ഓലൻ, എരിശ്ശേരി, കാളൻ, തോരൻ, രസം, ഇഞ്ചിപ്പുളി, ശർക്കരയുപ്പേരി, പാലക്കാടൻ മട്ടച്ചോറ് തുടങ്ങി 33-ഓളം വിഭവങ്ങളും നല്ല മധുരമുള്ള പായസവും അടങ്ങിയതാണ് ഈ വിരുന്ന്.

ദുബായിലെ പ്രധാന സദ്യ സ്പോട്ടുകൾ (Onasadya in UAE)

നാടൻ രുചിയോടെ സദ്യ ഒരുക്കുന്ന ദുബായിലെ പ്രധാന റസ്റ്റോറന്റുകളുടെ വിവരങ്ങൾ ഇതാ:

ALSO READ:

• റോഡ് നിയമം ലംഘിച്ചാൽ വൻ പിഴയും തടവും: അബുദബി പോലീസ്
• പെട്രോൾ സ്റ്റേഷൻ ജീവനക്കാരനെ മർദ്ധിച്ചു: പ്രതികൾക്ക് വ്യത്യസ്തമായ ശിക്ഷവിധിച്ച് കോടതി: ‘ഇതാണ് യുഎഇ മാതൃക’

പാഴ്സൽ, ബജറ്റ് സദ്യകൾ

വീട്ടിലിരുന്ന് സുഖമായി കഴിക്കാനും പോക്കറ്റിന് ഇണങ്ങുന്ന നിരക്കിലും ധാരാളം ഓപ്ഷനുകളുണ്ട്

• ലുലു ദി കിച്ചൻ: പാചക വിദഗ്ദ്ധൻ പഴയിടം മോഹനൻ നമ്പൂതിരി ഒരുക്കുന്ന 24 വിഭവങ്ങളുള്ള വാഴയില സദ്യ ബോക്സ് ഓഗസ്റ്റ് 26 മുതൽ 30 വരെ 38.90 ദിർഹമിന് യുഎഇയിലെ എല്ലാ ലുലു സ്റ്റോറുകളിലും ലഭിക്കും.
• ഇന്ത്യൻ കോഫി ഹൗസ് (ബർ ദുബായ്): ഓഗസ്റ്റ് 23, 24, 25, 28 തീയതികളിൽ മിനി സദ്യയും (Dh37 ഡൈൻ-ഇൻ / Dh39 ടേക്ക് എവേ), 26, 27 തീയതികളിൽ ഗ്രാൻഡ് സദ്യയും (Dh44 ഡൈൻ-ഇൻ / Dh47 ടേക്ക് എവേ) ഒരുക്കുന്നു.
• പാപ്പിയോൺ റസ്റ്റോറന്റ് (ദേര): ഓഗസ്റ്റ് 26, 28 തീയതികളിൽ 30 വിഭവങ്ങളുള്ള സദ്യ ലഭിക്കും (Dh39 ഡൈൻ-ഇൻ / Dh45 ടേക്ക് എവേ). Noon, Keeta ആപ്പുകൾ വഴി വീടുകളിലേക്കും ഓർഡർ ചെയ്യാം.
• റസം (ഡിസ്കവറി ഗാർഡൻസ്): ഓഗസ്റ്റ് 31 വരെ 30-ലധികം വിഭവങ്ങളുള്ള സദ്യ നൽകുന്നു (നിരക്ക്: Dh65 മുതൽ).
• സുജാസ് കിച്ചൻ: ഓഗസ്റ്റ് 20 മുതൽ 30 വരെ 26 വിഭവങ്ങളുള്ള നാടൻ സദ്യ ബോക്സ് Dh52-ന് ലഭ്യമാക്കുന്നു.
• തറവാട് (ഖുസൈസ്) & മലബാർ ടിഫിൻ ഹൗസ് (കരാമ): Dh45 നിരക്കിൽ വീട്ടിലെ രുചിയുള്ള 25-ലധികം വിഭവങ്ങൾ ഒരുക്കുന്നു.
• ആരാമം റസ്റ്റോറന്റ് (കരാമ, ബർ ദുബായ്): Dh35 മുതൽ ആരംഭിക്കുന്ന സദ്യയിൽ ഇഷ്ടംപോലെ പായസം കുടിക്കാം.

ആഘോഷങ്ങളും ഓണം ഷോപ്പിംഗും (Onam events UAE 2026 & Onam shopping UAE)

രുചികരമായ സദ്യകൾക്ക് പുറമെ വർണ്ണാഭമായ കലാപരിപാടികളും ഷോപ്പിംഗ് വിശേഷങ്ങളും യുഎഇയിലുണ്ട്

• ബർജുമാൻ മോൾ (ദുബായ്): ഓഗസ്റ്റ് 29 വരെ ഓണം ബസാർ, പൂക്കള മത്സരം, തിരുവാതിരക്കളി, മോഹിനിയാട്ടം, ചെണ്ടമേളം എന്നിവ നടക്കും.
• മദ്രാസ് ബീറ്റ്സ് (കരാമ, ദുബായ്): ഓഗസ്റ്റ് 28-ന് ആവേശകരമായ ചെണ്ടമേളം, സംഗീത കച്ചേരി, ഡിജെ, ഓണസദ്യ എന്നിവ നടക്കുന്നു (നിരക്ക്: Dh65 മുതൽ).
• ഓണം ഇൻ ദി ഡാർക്ക് 2.0 (അബുദാബി): ഓഗസ്റ്റ് 29-ന് സ്കോർപിയോ സ്റ്റിംഗ് റസ്റ്റോറന്റിൽ മാവേലിയും പുലികളിയും ഡിജെ സംഗീതവും ഒരുക്കുന്നു (വനിതകൾക്ക് 12 AM വരെ പ്രവേശനം സൗജന്യം).
• ഓണമാമങ്കം സീസൺ 5 (ഷാർജ എക്സ്പോ സെന്റർ): സെപ്റ്റംബർ 6-ന് 8,000-ത്തിലധികം പ്രവാസികൾ പങ്കെടുക്കുന്ന ഗൾഫിലെ ഏറ്റവും വലിയ ഓണാഘോഷം നടക്കും. ചലച്ചിത്ര താരം കുഞ്ചാക്കോ ബോബൻ, ശ്വേത മോഹൻ, വേടൻ, ശബരീഷ് പ്രഭാകർ, സുധീർ പറവൂർ എന്നിവർ എത്തും.
• ഓണക്കോടികൾ: ബർ ദുബായ്, കരാമ, മീന ബസാർ, ലുലു, നെസ്റ്റോ എന്നിവിടങ്ങളിൽ മനോഹരമായ കസവ വസ്ത്രങ്ങൾ ലഭ്യമാണ്. ബുർജ് ഖലീഫ, മ്യൂസിയം ഓഫ് ദി ഫ്യൂച്ചർ എന്നിവ പതിപ്പിച്ച പ്രത്യേക ഓണവസ്ത്രങ്ങളും ഇത്തവണത്തെ ആ ആകർഷണമാണ്.

വിഭവസമൃദ്ധമായ സദ്യകളും അടിപൊളി ആഘോഷങ്ങളുമായി പ്രവാസികൾക്ക് നാട്ടിലെ ഓർമ്മകൾ തിരികെ നൽകുകയാണ് ഈ വർഷത്തെ ഗൾഫിലെ ഓണാഘോഷങ്ങൾ.

ALSO READ:

• ദുബായിൽ ഡ്രൈവറില്ലാ ടാക്‌സികൾ കളം നിറയുന്നു: എങ്ങനെ ബുക്ക് ചെയ്യാം? അറിയാം..
• പ്രവാസികൾക്ക് അനുഗ്രഹമാകുന്ന ‘ ജയ്‌വാൻ കാർഡ്’: എന്താണ് ഗുണങ്ങൾ? എങ്ങനെ അപേക്ഷിക്കാം? എല്ലാമറിയാം

FAQ

ഈ വർഷത്തെ തിരുവോണം എന്നാണ്?
ഈ വർഷത്തെ തിരുവോണം ഓഗസ്റ്റ് 26-നാണ് ആഘോഷിക്കുന്നത്.

പഴയിടം മോഹനൻ നമ്പൂതിരി തയാറാക്കുന്ന സദ്യ എവിടെ കിട്ടും?
ഓഗസ്റ്റ് 26 മുതൽ 30 വരെ എല്ലാ ലുലു സ്റ്റോറുകളിലും ഓൺലൈനിലും 38.90 ദിർഹമിന് ലഭിക്കും.

യുഎഇയിലെ ഏറ്റവും വലിയ ഓണാഘോഷ പരിപാടി എവിടെയാണ്?
സെപ്റ്റംബർ 6-ന് ഷാർജ എക്സ്പോ സെന്ററിൽ നടക്കുന്ന ‘ഓണമാമങ്കം സീസൺ 5’ ആണ് ഏറ്റവും വലിയ ആഘോഷം.

ഓണമാമങ്കം പരിപാടിയിലെ മുഖ്യാതിഥി ആരാണ്?
നടൻ കുഞ്ചാക്കോ ബോബനാണ് പരിപാടിയിലെ മുഖ്യാതിഥി.

കസവ് സാരികളും വസ്ത്രങ്ങളും എവിടെ നിന്ന് വാങ്ങാം?
ബർ ദുബായ്, കരാമ, മീന ബസാർ, ലുലു, നെസ്റ്റോ എന്നിവിടങ്ങളിൽ നിന്ന് വാങ്ങാം.

ആപ്പുകൾ വഴി സദ്യ വീട്ടിലെത്തിക്കുന്ന റസ്റ്റോറന്റ് ഏതാണ്?
ദേരയിലെ പാപ്പിയോൺ റസ്റ്റോറന്റിന്റെ സദ്യ Noon, Keeta ആപ്പുകൾ വഴി ഓർഡർ ചെയ്യാം.

സൗജന്യമായി കാണാൻ കഴിയുന്ന ഓണം പരിപാടി ഏതാണ്?
ദുബായ് ബർജുമാൻ മോളിൽ ഓഗസ്റ്റ് 29 വരെ നടക്കുന്ന ഓണം ആഘോഷങ്ങൾ സൗജന്യമായി കാണാം.

English Summary: The Onam celebration in UAE 2026 brings grand banana leaf sadhyas, mega stage shows, and festive shopping across Dubai, Sharjah, and Abu Dhabi. With over 2,500 tonnes of fresh produce flown from Kerala, Malayali expatriates are gearing up for Thiruvonam on August 26 with authentic traditional feasts and cultural events.