Published: Saturday, 25 July 2026, at 11:04 pm| Dubai | Edited: Saturday, 25 July 2026, at 11:09 pm

റിയാദ്: മക്കയിലെയും മദീനയിലെയും വിശുദ്ധ ഹറമുകളിൽ എത്തുന്ന ലക്ഷക്കണക്കിന് ഉംറ തീർത്ഥാടകർക്കായി സൗദി ഹജ്ജ്-ഉംറ മന്ത്രാലയം പുതിയ ചില സുപ്രധാന നിർദ്ദേശങ്ങൾ പുറപ്പെടുവിച്ചിരിക്കുകയാണ്. പ്രധാനമായും സംസം വെള്ളത്തിന്റെ കാര്യത്തിലാണ് ഈ നിർദേശങ്ങൾ (Zamzam water rules for Umrah pilgrims). ഇരുഹറമുകളിലെയും സൗകര്യങ്ങൾ എല്ലാവർക്കും ഒരുപോലെ പ്രയോജനപ്പെടാൻ സഹായിക്കുന്ന ഈ പുതിയ അറിയിപ്പിനെക്കുറിച്ച് കൂടുതലറിയാം.

ALSO READ:

• ഉംറ തീർത്ഥാടകർക്ക് സന്തോഷ സമ്മാനവുമായി സൗദി: ഒരു വർഷത്തെ മൾട്ടിപ്പിൾ എൻട്രി വിസ പ്രാബല്യത്തിൽ, 90 ദിവസം വരെ തങ്ങാം…
• ഹജ്ജ്-ഉംറ തീർത്ഥാടകർക്കായി സൗദി അറേബ്യ ബഹുഭാഷാ ഹോട്ട്‌ലൈൻ ആരംഭിച്ചു (11 ഭാഷകളിൽ 24/7 സേവനം)
• ഇന്ത്യ ഉൾപ്പെടെ 7 രാജ്യങ്ങൾക്ക് സൗദിയുടെ പുതിയ പാക്കേജ് വിസ: നിബന്ധനകളും അപേക്ഷിക്കേണ്ട രീതിയും അറിയാം

സംസം വെള്ളം കുടിക്കാൻ മാത്രം ഉപയോഗിക്കണം: ഉംറ തീർത്ഥാടകർക്ക് നിർദ്ദേശവുമായി മന്ത്രാലയം (Saudi Hajj Ministry Zamzam guidelines)

വിശുദ്ധ ഹറമുകളിൽ സ്ഥാപിച്ചിട്ടുള്ള കണ്ടെയ്നറുകളിലെ സംസം വെള്ളം കുടിക്കാൻ വേണ്ടി മാത്രമായി ഉപയോഗിക്കണമെന്ന് റിയാദിൽ നിന്ന് ഹജ്ജ്-ഉംറ മന്ത്രാലയം തീർത്ഥാടകരോട് അഭ്യർത്ഥിച്ചു. ലോകത്തിന്റെ വിവിധ ഭാഗങ്ങളിൽ നിന്നുമെത്തുന്ന ദശലക്ഷക്കണക്കിന് ആളുകൾക്ക് യാതൊരു തടസ്സവുമില്ലാതെ സംസം വെള്ളം ലഭ്യമാക്കുന്നതിന്റെ ഭാഗമായാണ് അധികൃതർ ഇത്തരമൊരു ബോധവൽക്കരണം നടത്തുന്നത്. തീർത്ഥാടകർക്ക് ശാന്തവും സമാധാനപരവുമായ അന്തരീക്ഷത്തിൽ കർമ്മങ്ങൾ പൂർത്തിയാക്കാൻ ഇത് സഹായിക്കും.

ഉംറ തീർത്ഥാടകർ ശ്രദ്ധിക്കേണ്ട കാര്യങ്ങൾ (Umrah pilgrim guidelines Makkah Madinah)

വിശുദ്ധ ഹറമുകളിലെ തിരക്കേറിയ സമയങ്ങളിൽ പോലും എല്ലാവർക്കും തടസ്സമില്ലാതെ കുടിവെള്ളം ലഭ്യമാക്കുന്നതിന് തീർത്ഥാടകരുടെ ഭാഗത്തുനിന്നുള്ള പൂർണ്ണ സഹകരണം അത്യന്താപേക്ഷിതമാണ്. അതിനാൽ മന്ത്രാലയം നൽകിയ നിർദ്ദേശങ്ങൾ പാലിക്കുക. നിർദേശങ്ങൾ താഴെ പറയുന്നവയാണ്

• വുളൂഅ് ചെയ്യരുത്: ഹറമുകളിൽ വെച്ചിരിക്കുന്ന കണ്ടെയ്നറുകളിലെ വെള്ളം ഉപയോഗിച്ച് വുളൂഅ് ചെയ്യാൻ പാടില്ല. (വുളൂഅ് ചെയ്യാനായി പ്രത്യേകം സജ്ജമാക്കിയ സ്ഥലങ്ങൾ ഉപയോഗിക്കുക.)
• കുപ്പികളിൽ ശേഖരിക്കരുത്: കണ്ടെയ്നറുകളിൽ നിന്ന് വെള്ളമെടുത്ത് കുപ്പികളിൽ നിറച്ച് കൊണ്ടുപോകരുത്.
• കുടിക്കാൻ മാത്രം ഉപയോഗിക്കുക: കണ്ടെയ്നറിലെ വെള്ളം ദാഹശമനത്തിനും കുടിക്കുന്നതിനും മാത്രമായി പരിമിതപ്പെടുത്തുക.

ALSO READ:

• പ്രവാസികൾക്ക് വൻ ആശ്വാസം: വിസ നടപടികൾ ലളിതമാക്കാൻ ഏകീകൃത പ്ലാറ്റ്‌ഫോമുമായി സൗദി
• മക്ക പ്രവേശന വിലക്ക് 2026: വിസിറ്റ് വിസക്കാർക്ക് 4 പ്രധാന സുരക്ഷാ നിർദ്ദേശങ്ങളുമായി സൗദി; ലംഘിച്ചാൽ വൻ പിഴയും നാടുകടത്തലും!

മികച്ച സേവനവും തീർത്ഥാടകരുടെ സഹകരണവും

ഹറമുകളിലെ സൗകര്യങ്ങൾ ശരിയായ രീതിയിൽ ഉപയോഗിക്കുന്നത് തീർത്ഥാടകരുടെ നല്ല പെരുമാറ്റത്തെയാണ് കാണിക്കുന്നത്. തീർത്ഥാടകരിൽ നിന്നുള്ള ഇത്തരം സഹകരണം എല്ലാവർക്കും മികച്ച രീതിയിൽ സേവനങ്ങൾ എത്തിക്കാൻ അധികൃതരെ ഏറെ സഹായിക്കും. കൂടാതെ, തിരക്കേറിയ സമയങ്ങളിൽ പോലും വെള്ളത്തിനായി ക്യൂ നിൽക്കാതെ എല്ലാവർക്കും എളുപ്പത്തിൽ സംസം വെള്ളം ലഭിക്കാൻ ഇത് വഴിമറൊരുക്കും.

കുപ്പികളിൽ സംസം കൊണ്ടുപോകാൻ ആഗ്രഹിക്കുന്നവർ അറിയാൻ

കണ്ടെയ്നറുകളിൽ നിന്ന് നേരിട്ട് കുപ്പികളിലേക്ക് വെള്ളം പകരുന്നത് വിലക്കിയിട്ടുണ്ടെങ്കിലും, ഹറമുകളിൽ ഇതിനായി പ്രത്യേക സംവിധാനങ്ങൾ ഒരുക്കിയിട്ടുണ്ട്. തീർത്ഥാടകർ താഴെ പറയുന്ന രീതി ഉപയോഗിക്കാവുന്നതാണ്

• നിശ്ചിത ടാപ്പുകൾ ഉപയോഗിക്കുക: ഹറമുകൾക്ക് പുറത്തും വുളൂഅ് ചെയ്യുന്ന സ്ഥലങ്ങൾക്ക് സമീപത്തുമായി വലിയ തോതിൽ വെള്ളം ശേഖരിക്കാൻ അനുമതിയുള്ള ടാപ്പുകൾ സജ്ജീകരിച്ചിട്ടുണ്ട്. കുപ്പികളിൽ വെള്ളം നിറയ്ക്കാൻ ഈ ടാപ്പുകൾ മാത്രം ഉപയോഗിക്കുക.
• സ്മാർട്ട് ബോട്ടിലുകൾ ഉപയോഗിക്കുക: ഹറമിനുള്ളിൽ നടക്കുന്ന സമയത്ത് കുടിക്കാൻ മാത്രം ആവശ്യമായ ചെറിയ ബോട്ടിലുകളിൽ കുറഞ്ഞ അളവിൽ വെള്ളം കരുതാം, എന്നാൽ വലിയ കണ്ടെയ്നറുകൾ ദുരുപയോഗം ചെയ്യരുത്.

ALSO READ:

• കുഞ്ഞുങ്ങളുടെ കാര്യമോർത്ത് ഇനി പേടിക്കേണ്ട: സൗദിയിൽ ഓഫീസുകൾക്കുള്ളിൽ തന്നെ നഴ്സറികൾ വരുന്നു
• ​സൗദി തീർത്ഥാടകർക്കുള്ള മെഡിസിൻ ഗൈഡ്: മരുന്നുകൾ കൊണ്ടുവരുമ്പോൾ ശ്രദ്ധിക്കേണ്ട കാര്യങ്ങൾ

FAQs

ഹറമുകളിലെ കണ്ടെയ്നർ വെള്ളം വുളൂഅ് ചെയ്യാൻ ഉപയോഗിക്കാമോ?

ഇല്ല, കണ്ടെയ്നറുകളിലെ വെള്ളം കുടിക്കാൻ വേണ്ടി മാത്രമാണ് ഉപയോഗിക്കേണ്ടത്.

കണ്ടെയ്നറുകളിൽ നിന്ന് കുപ്പികളിലേക്ക് വെള്ളം നിറച്ച് കൊണ്ടുപോകാമോ?

പാടില്ല, കുപ്പികളിൽ നിറച്ചു കൊണ്ടുപോകുന്നത് മന്ത്രാലയം വിലക്കിയിട്ടുണ്ട്.

എന്തുകൊണ്ടാണ് മന്ത്രാലയം ഈ നിയന്ത്രണം ഏർപ്പെടുത്തിയത്?

തിരക്കുള്ള സമയത്തും എല്ലാവർക്കും തടസ്സമില്ലാതെ കുടിക്കാൻ സംസം വെള്ളം ലഭിക്കുന്നതിനാണ് ഈ നിർദ്ദേശം.

English Summary: The Saudi Ministry of Hajj and Umrah issued new Zamzam water rules for Umrah pilgrims at the Two Holy Mosques. Pilgrims are advised to use container water solely for drinking, prohibiting its use for Wudu or filling personal bottles to maintain seamless availability for everyone.