Published: Saturday, 27 June 2026, at 10:58 am| Dubai | Edited: Saturday, 27 June 2026, at 10:59 am
ന്യൂഡൽഹി: ഇന്ത്യൻ പാസ്പോർട്ട് നിരക്കുകളിലെ മാറ്റങ്ങൾ (India Passport Fee Changes), അന്താരാഷ്ട്ര യാത്രക്കാർക്കുള്ള പുതിയ നിബന്ധനകൾ, വിദേശികൾക്കായുള്ള ഇമിഗ്രേഷൻ നിയമങ്ങൾ എന്നിവയെക്കുറിച്ച് കേന്ദ്ര സർക്കാർ പുറപ്പെടുവിച്ച പുതിയ നിയമങ്ങളെ പറ്റി അറിയാം..
ALSO READ:
- യുഎഇയിലെ ഇന്ത്യൻ പാസ്പോർട്ട് സേവനങ്ങൾ ഇനി മലയാളി കമ്പനിയായ അൽ ഹിന്ദിന്; പുതിയ കേന്ദ്രങ്ങൾ എവിടെയൊക്കെയെന്നറിയാം…
- ഇന്ത്യൻ പാസ്പോർട്ട് പൗരത്വ രേഖയല്ലെന്നു വിദേശകാര്യ മന്ത്രാലയം: അങ്ങനെയങ്കിൽ നമ്മുടെ പൗരത്വം തെളിയിക്കാൻ ഇനി ഈ രേഖകളും കയ്യിലുണ്ടാവണം
- ഇന്ത്യൻ പാസ്പോർട്ട് സേവനങ്ങൾക്ക് യുഎഇയിൽ 5 ദിവസത്തേക്ക് നിയന്ത്രണം: പ്രവാസികൾ ശ്രദ്ധിക്കുക..
14 വർഷത്തിന് ശേഷം ഇന്ത്യൻ പാസ്പോർട്ട് നിരക്കുകൾ വർധിപ്പിച്ചു
കേന്ദ്ര വിദേശകാര്യ മന്ത്രാലയത്തിന്റെ ഔദ്യോഗിക റിപ്പോർട്ടുകൾ പ്രകാരം, 1980-ലെ പാസ്പോർട്ട് നിയമ ഭേദഗതിയോടെ രാജ്യത്തെ പാസ്പോർട്ട് അപേക്ഷാ പുതുക്കൽ ഫീസുകൾ ഗണ്യമായി വർധിപ്പിച്ചു. നീണ്ട 14 വർഷങ്ങൾക്ക് ശേഷമാണ് രാജ്യം ഇത്തരമൊരു നിരക്ക് വർധനവ് നടപ്പിലാക്കുന്നത്.
പുതുക്കിയ നിരക്കുകൾ 2026 ജൂലൈ 1 മുതൽ പ്രാബല്യത്തിൽ വരുമെന്ന് സർക്കാർ വിജ്ഞാപനത്തിൽ വ്യക്തമാക്കുന്നു. നാട്ടിലുള്ളവർക്ക് പുറമെ യുഎഇ ഉൾപ്പെടെയുള്ള വിദേശ രാജ്യങ്ങളിലെ ഇന്ത്യൻ എംബസികൾ വഴിയും കോൺസുലേറ്റുകൾ വഴിയും പാസ്പോർട്ട് പുതുക്കുന്ന പ്രവാസികൾക്കും ഈ നിരക്കുകൾ ബാധകമായിരിക്കും.
വ്യത്യസ്ത കാറ്റഗറികളിലെ പഴയ നിരക്കുകളും പുതുക്കിയ പുതിയ നിരക്കുകളും (India Passport Fee Changes)
| പാസ്പോർട്ട് തരം & സർവീസ് | പഴയ നിരക്ക് (INR) | പുതിയ നിരക്ക് (INR) |
| 36-പേജ് ബുക്ക്ലെറ്റ് (Normal) | ₹1,500 | ₹2,500 |
| 36-പേജ് ബുക്ക്ലെറ്റ് (Tatkaal) | ₹3,500 | ₹5,000 |
| 60-പേജ് ബുക്ക്ലെറ്റ് (Normal) | ₹2,000 | ₹3,500 |
| 60-പേജ് ബുക്ക്ലെറ്റ് (Tatkaal) | ₹4,000 | ₹6,000 |
| നഷ്ടപ്പെട്ടത്/കേടുപാടുകൾ (36-Page Normal) | ₹3,000 | ₹5,000 |
| നഷ്ടപ്പെട്ടത്/കേടുപാടുകൾ (36-Page Tatkaal) | ₹5,000 | ₹7,500 |
| നഷ്ടപ്പെട്ടത്/കേടുപാടുകൾ (60-Page Normal) | ₹3,500 | ₹6,000 |
| നഷ്ടപ്പെട്ടത്/കേടുപാടുകൾ (60-Page Tatkaal) | ₹5,500 | ₹8,500 |
| മൈനർ പാസ്പോർട്ട് (Normal) | ₹1,000 | ₹1,750 |
| മൈനർ പാസ്പോർട്ട് (Tatkaal) | ₹3,000 | ₹4,250 |
പാസ്പോർട്ട് കേവലം യാത്രാരേഖ
പാസ്പോർട്ട് ഫീസ് വർധനയ്ക്ക് പുറമെ, വിദേശകാര്യ മന്ത്രാലയത്തിൽ നിന്നുള്ള മറ്റൊരു പ്രസ്താവന വലിയ ചർച്ചകൾക്ക് വഴിവെച്ചിട്ടുണ്ട്. പാസ്പോർട്ട് എന്നത് കേവലം ഒരു യാത്രാരേഖ മാത്രമാണെന്നും, അത് പൗരത്വത്തിനുള്ള സമ്പൂർണ്ണ തെളിവല്ലെന്നുമാണ് മന്ത്രാലയം വ്യക്തമാക്കിയത്.
അതേസമയം, പ്രവാസി യാത്രകൾ കൂടുതൽ സുരക്ഷിതമാക്കുന്നതിന്റെ ഭാഗമായി റേഡിയോ ഫ്രീക്വൻസി ഐഡന്റിഫിക്കേഷൻ (RFID) ചിപ്പും എംബഡഡ് ആന്റിനയുമുള്ള 14.7 മില്യൺ ഇ-പാസ്പോർട്ടുകൾ രാജ്യം ഇതിനകം വിജയകരമായി വിതരണം ചെയ്തതായും റിപ്പോർട്ടുകൾ വ്യക്തമാക്കുന്നു.
അന്താരാഷ്ട്ര യാത്രക്കാർക്ക് ‘എയർ സുവിധ 2.0’
സിവിൽ ഏവിയേഷൻ അതോറിറ്റിയുടെ ഔദ്യോഗിക അറിയിപ്പ് പ്രകാരം, ഇനി മുതൽ ഇന്ത്യയിലേക്ക് വരുന്ന എല്ലാ അന്താരാഷ്ട്ര യാത്രക്കാർക്കും പുതിയ ഹെൽത്ത് സെൽഫ് ഡിക്ലറേഷൻ പോർട്ടൽ നിർബന്ധമാക്കിയിട്ടുണ്ട്. ആഗോളതലത്തിലെ എബോള രോഗബാധയുടെ പശ്ചാത്തലത്തിലാണ് ‘എയർ സുവിധ 2.0’ പോർട്ടൽ വീണ്ടും നിർബന്ധമാക്കിയത്.
ഗൾഫിൽ നിന്നും നാട്ടിലേക്ക് പോകുന്നവർ ശ്രദ്ധിക്കേണ്ട പ്രധാന കാര്യങ്ങൾ
- യാത്ര തിരിക്കുന്നതിന് 21 ദിവസം മുൻപ് വരെയുള്ള യാത്രാ ചരിത്രം, സമ്പർക്ക വിവരങ്ങൾ, രോഗലക്ഷണങ്ങൾ എന്നിവ ഫോമിൽ കൃത്യമായി രേഖപ്പെടുത്തണം.
- ഇന്ത്യയിലേക്കുള്ള യാത്ര ആരംഭിക്കുന്നതിന് 24 മണിക്കൂറിനുള്ളിൽ ഓൺലൈനായി ഈ ഫോം പൂരിപ്പിച്ച് ഡൗൺലോഡ് ചെയ്യേണ്ടതാണ്.
- ഡൗൺലോഡ് ചെയ്ത ഈ ഫോം ഇന്ത്യയിലെ വിമാനത്താവളങ്ങളിൽ എത്തുമ്പോൾ ഇമിഗ്രേഷൻ കൗണ്ടറിലോ ഇന്റർനാഷണൽ ട്രാവൽ ഹെൽത്ത് ഡെസ്കിലോ കാണിക്കണം.
പുതിയ ഇമിഗ്രേഷൻ നിയമങ്ങൾ
ഇന്ത്യൻ ആഭ്യന്തര മന്ത്രാലയത്തിന്റെ പുതിയ ഭേദഗതി പ്രകാരം, ഒസിഐ കാർഡുള്ളവരോ വിദേശ പാസ്പോർട്ടുള്ളവരോ ആയ പ്രവാസികൾ ഇന്ത്യയിൽ ദീർഘകാലം താമസിക്കാൻ ആഗ്രഹിക്കുന്നുവെങ്കിൽ അവരുടെ രജിസ്ട്രേഷൻ നിയമങ്ങളിലും മാറ്റം വന്നിട്ടുണ്ട്.
പുതിയ നിയമപ്രകാരം ഇത്തരക്കാർ ഇന്ത്യയിലെത്തി 180 ദിവസം പൂർത്തിയാകുന്നതിന് മുൻപായി എപ്പോൾ വേണമെങ്കിലും ഔദ്യോഗിക രജിസ്ട്രേഷൻ നടപടികൾ പൂർത്തിയാക്കാവുന്നതാണ്. മുൻപുണ്ടായിരുന്ന 180 ദിവസ കാലാവധി കഴിഞ്ഞ ശേഷമുള്ള 14 ദിവസത്തെ സമയപരിധിക്ക് പകരമായാണ് ഈ പുതിയ മാറ്റം കൊണ്ടുവന്നത്.
എങ്കിലും, 1955-ലെ സിറ്റിസൺഷിപ്പ് ആക്ട് പ്രകാരം മാതാപിതാക്കളിൽ ആരെങ്കിലും ഒരാൾ ഇന്ത്യൻ പൗരനാണെങ്കിൽ കുട്ടികൾക്ക് ഈ രജിസ്ട്രേഷൻ നിയമം ബാധകമല്ല. കൂടാതെ, ഇന്ത്യയിൽ താമസിക്കുന്നതിനിടയിൽ ഒരു കുട്ടി വിദേശ പൗരത്വം സ്വീകരിക്കുകയാണെങ്കിൽ 30 ദിവസത്തിനുള്ളിൽ മാതാപിതാക്കൾ ആ വിവരം രജിസ്ട്രേഷൻ ഓഫീസറെ അറിയിച്ചിരിക്കണമെന്നും പുതിയ നിയമം വ്യക്തമാക്കുന്നു.
ALSO READ:
- മസ്കത്ത് ഇന്ത്യൻ എംബസിയുടെ പ്രവർത്തന സമയം മാറ്റി; പ്രവാസികൾ ശ്രദ്ധിക്കാൻ നിർദ്ദേശം
- പാസ്പോർട്ട് പുതുക്കണോ?: യുഎഇയിൽ ജൂലൈ 1 മുതൽ പുതിയ മാറ്റം, പ്രവാസികൾ അറിയേണ്ട സുപ്രധാന വിവരങ്ങൾ
- ജർമ്മനിയിൽ വിമാനത്താവള ട്രാൻസിറ്റ് വിസ വേണ്ട: ഇന്ത്യൻ യാത്രക്കാർക്ക് വൻ ആശ്വാസം
English Summary: India has revised its passport fee structure effective July 1, 2026, marking the first increase in 14 years. The update introduces a new fee model based on booklet categories alongside mandatory Air Suvidha 2.0 health forms for international arrivals and updated 180 day registration rules for foreigners.
content: India Passport Fee Changes
പാസ്സ്പോർട്ടിന്റെ വില കുറച്ചു അസാധു ആക്കി പിന്നെ ആ പാസ്പോര്ട്ട് സെര്വീസിന് എന്തിനാണ് ഇത്ര ഡിമാൻഡ്? ഇനി അടുത്ത് എന്താണോ വരാൻ പോണത്?