Published: Monday, 22 June 2026, at 4:33 pm| Dubai | Edited: Monday, 22 June 2026, at 4:37 pm
അബുദാബി/മുംബൈ: നവി മുംബൈ രാജ്യാന്തര വിമാനത്താവളത്തിൽനിന്ന് അബുദാബിയിലേക്കുള്ള എയർ ഇന്ത്യ എക്സ്പ്രസിന്റെ ആദ്യ നേരിട്ടുള്ള വിമാന സർവീസ് ജൂലൈ 15 മുതൽ ആരംഭിക്കും (Navi Mumbai to Abu Dhabi flights). ഗൾഫ് മലയാളികൾക്കും മുംബൈ വഴി കണക്റ്റിങ് വിമാനങ്ങളിൽ യാത്ര ചെയ്യുന്നവർക്കും ഏറെ ആശ്വാസകരമാകുന്ന ഈ പുതിയ റൂട്ടിനെക്കുറിച്ചുള്ള വിവരങ്ങൾ അറിയാം..
ALSO READ:
- എയർ ഇന്ത്യ എക്സ്പ്രസ്: അഞ്ചു കിലോ അധിക ബാഗേജ് ഓഫറുമായി എയർ ഇന്ത്യ
- ഇന്ത്യൻ പാസ്പോർട്ട് സേവനങ്ങൾക്ക് യുഎഇയിൽ 5 ദിവസത്തേക്ക് നിയന്ത്രണം: പ്രവാസികൾ ശ്രദ്ധിക്കുക..
ഗൾഫ് മലയാളികൾക്ക് ആശ്വാസമായി പുത്തൻ സർവീസ്; ബുക്കിങ് ആരംഭിച്ചു
ഇന്ത്യയിലെ സാമ്പത്തിക തലസ്ഥാനമായ മുംബൈയിൽ നിന്നും യുഎഇയുടെ തലസ്ഥാന നഗരിയിലേക്കുള്ള യാത്രാ ക്ലേശത്തിന് വലിയൊരു പരിഹാരമാവുകയാണ് ഈ പുതിയ റൂട്ട്. പ്രമുഖ ഇന്ത്യൻ മാധ്യമങ്ങൾ റിപ്പോർട്ട് ചെയ്യുന്നതനുസരിച്ച്, തുടക്കത്തിൽ ആഴ്ചയിൽ രണ്ട് ദിവസങ്ങളിലായിരിക്കും എയർ ഇന്ത്യ എക്സ്പ്രസ് നവി മുംബൈയിൽ നിന്ന് അബുദാബിയിലേക്ക് സർവീസ് നടത്തുക.
എന്നാൽ തിരക്ക് പരിഗണിച്ച് ജൂലൈ അവസാനത്തോടെ തന്നെ സർവീസുകളുടെ എണ്ണം വർദ്ധിപ്പിക്കാനും എയർലൈൻ ആലോചിക്കുന്നുണ്ട്. എയർ ഇന്ത്യ എക്സ്പ്രസിന്റെ ഔദ്യോഗിക വെബ്സൈറ്റ്, മൊബൈൽ ആപ്പ് എന്നിവ വഴിയും മറ്റ് പ്രമുഖ ട്രാവൽ ബുക്കിങ് പ്ലാറ്റ്ഫോമുകൾ വഴിയും പ്രവാസികൾക്ക് ഇപ്പോൾ തന്നെ ടിക്കറ്റുകൾ ലഭ്യമായി തുടങ്ങിയിട്ടുണ്ട്.
കണക്റ്റിങ് യാത്രക്കാർക്കും ഗൾഫ് മലയാളികൾക്കും വലിയ നേട്ടം
ഗൾഫ് മലയാളികൾക്ക്, പ്രത്യേകിച്ച് അബുദാബിയിലും പരിസര പ്രദേശങ്ങളിലും ജോലി ചെയ്യുന്നവർക്ക് നാട്ടിലേക്കുള്ള യാത്ര കുറച്ചുകൂടി എളുപ്പമാക്കാൻ ഈ സർവീസ് സഹായിക്കും. നേരിട്ട് കേരളത്തിലേക്ക് ടിക്കറ്റ് കിട്ടാത്ത സീസണുകളിൽ മുംബൈ വഴി കണക്ഷൻ ഫ്ലൈറ്റുകളെ ആശ്രയിക്കുന്ന ഒട്ടനവധി മലയാളികൾക്ക് ഈ പുതിയ രാജ്യാന്തര വിമാനത്താവളം മികച്ചൊരു ഓപ്ഷനായിരിക്കും.
അബുദാബിക്ക് പുറമേ, ഇന്ത്യയിലെ മറ്റ് പ്രധാന നഗരങ്ങളായ ബെംഗളൂരു, ഡൽഹി എന്നിവിടങ്ങളിലേക്കും നവി മുംബൈയിൽ നിന്ന് എയർ ഇന്ത്യ എക്സ്പ്രസ് ഉടൻ തന്നെ സർവീസുകൾ വ്യാപിപ്പിക്കുന്നുണ്ട്. ഇതോടെ വരാനിരിക്കുന്ന യുഎഇയിൽ നിന്നും ഇന്ത്യയുടെ വിവിധ ഭാഗങ്ങളിലേക്ക് യാത്ര പ്ലാൻ ചെയ്യുന്ന പ്രവാസികൾക്ക് യാത്രാച്ചെലവിലും സമയത്തിലും വലിയ ലാഭം ഉണ്ടാക്കാൻ സാധിക്കും.
ALSO READ:
- യുഎഇയിൽ ജോലി ചെയ്യുന്നവരാണോ?: എന്തൊക്കെയാണ് നിങ്ങളുടെ അവകാശങ്ങൾ, ആനുകൂല്യങ്ങൾ? അറിയാം
- ഇന്ധനവില: യുഎഇ മലയാളികൾക്ക് സന്തോഷവാർത്തയെത്തുന്നു
English Summary: Air India Express will launch direct Navi Mumbai to Abu Dhabi flights starting July 15, initially operating twice a week. This new service offers enhanced connectivity and travel convenience for Gulf expats and connecting passengers, with ticket bookings now open on official platforms.