Published: Tuesday, 8 September 2026, at 3:33 pm| Dubai | Edited: Tuesday, 8 September 2026, at 3:42 pm

മസ്കത്ത്: ഒമാനിലെ നാഷനൽ സെന്റർ ഫോർ സ്റ്റാറ്റിസ്റ്റിക്‌സ് ആൻഡ് ഇൻഫർമേഷൻ (NCSI) പ്രവാസികളുടെ ജീവിതച്ചെലവിനെയും വരുമാനത്തെയും കുറിച്ച് പുറത്തുവിട്ട ഏറ്റവും പുതിയ സർവേ റിപ്പോർട്ട് വായിക്കുകയുണ്ടായി(Oman Expat Household Income and Expenditure). ഈ റിപ്പോർട്ട് പ്രകാരം ഒമാനിൽ കഴിയുന്ന ഒരു പ്രവാസി കുടുംബത്തിന്റെ ശരാശരി പ്രതിമാസ വരുമാനം 717.15 ഒമാനി റിയാലാണ്. ഈ സർവേയെ കുറിച്ച് കൂടുതലറിയാം…

ALSO READ:

• ഈ നോട്ടുകൾ കൈയ്യിലുണ്ടോ? ഉടൻ മാറ്റുക: ഒമാനിൽ പഴയ നോട്ടുകൾ മാറ്റിയെടുക്കാനുള്ള സമയപരിധി അവസാനിക്കുന്നു
• പ്രവാസികളെ ലക്ഷ്യമാക്കി ഒമാനിൽ വൻ സൈബർ തട്ടിപ്പ്: സുരക്ഷാ മുന്നറിയിപ്പുമായി പോലീസ്
• വിമാനം വൈകിയോ? സൗജന്യ ഹോട്ടൽ താമസവും നഷ്ടപരിഹാരവും: ഒമാനിലെ പുതിയ നിയമങ്ങൾ അറിയാം

പ്രവാസി കുടുംബങ്ങളുടെ പ്രതിമാസ വരുമാനവും ചെലവും

ഒമാനിൽ ഒരു പ്രവാസിയുടെ ശരാശരി പ്രതിമാസ ആളോഹരി വരുമാനം 172 റിയാലാണെന്നാണ് സർവേ പറയുന്നത്. ഇതിന് അനുസരിച്ചാണ് കുടുംബങ്ങളുടെ പ്രതിമാസ ചെലവുകൾ ക്രമീകരിക്കപ്പെടുന്നത്.

• ശരാശരി ചെലവ്: ഒമാനിലെ ഒരു പ്രവാസി കുടുംബത്തിന്റെ ശരാശരി പ്രതിമാസ ചെലവ് 402.48 റിയാലാണ്.
• താമസച്ചെലവുകൾ (48%): പ്രവാസികളുടെ ആകെ ചെലവിന്റെ പകുതിയോളവും (48%) ഭവനം, വെള്ളം, വൈദ്യുതി, ഗ്യാസ് എന്നിവയ്ക്കാണ് മാറ്റിവെക്കുന്നത്.
• ഭക്ഷണവും പാനീയങ്ങളും (16.5%): വരുമാനത്തിന്റെ 16.5 ശതമാനം തുകയാണ് ഭക്ഷണത്തിനും പാനീയങ്ങൾക്കുമായി ചെലവഴിക്കുന്നത്.
• മറ്റ് പ്രധാന ചെലവുകൾ: ഗതാഗത ആവശ്യങ്ങൾക്കായി 6.6 ശതമാനവും വിദ്യാഭ്യാസ സേനങ്ങൾക്കായി 5.2 ശതമാനവും നമ്മൾ ചെലവഴിക്കുന്നു.

ഗവൺമെന്റ്-പ്രൈവറ്റ് മേഖലകളിലെ ശമ്പള വ്യത്യാസം

സർക്കാർ മേഖലയിലും സ്വകാര്യ മേഖലയിലും ജോലി ചെയ്യുന്ന പ്രവാസികളുടെ ശമ്പളത്തിൽ വലിയൊരു അന്തരം ഉള്ളതായി ഈ റിപ്പോർട്ടിൽ വ്യക്തമാകുന്നുണ്ട്.

• സർക്കാർ മേഖല: ഒമാൻ ഗവൺമെന്റ് മേഖലയിൽ ജോലി ചെയ്യുന്ന 39,627 പ്രവാസികളുടെ ശരാശരി വരുമാനം 1,667.97 റിയാലാണ്.
• സ്വകാര്യ മേഖല: നമ്മളിൽ ഭൂരിഭാഗവും ഉൾപ്പെടുന്ന സ്വകാര്യ മേഖലയിലെ (14,06,283 പ്രവാസികൾ) ശരാശരി വരുമാനം 687.58 റിയാലാണ്.

ALSO READ:

• വർക്ക് പെർമിറ്റ് വിസയ്ക്ക് പ്രായപരിധി: ഒമാനിൽ ആശങ്കയിലായി പ്രവാസികൾ, പലരുടെയും അപേക്ഷകൾ നിരസിച്ചു
• ഒമാൻ പ്രവാസികളുടെ ശ്രദ്ധയ്ക്ക്: വിമാന ടിക്കറ്റ് ബുക്കിങ്ങിൽ പുതിയ നിയമം, ശ്രദ്ധിക്കുക

ഒമാനി കുടുംബങ്ങളുമായുള്ള ചെലവ് താരതമ്യം

ഒമാനിലെ സ്വദേശി കുടുംബങ്ങളുടെ ശരാശരി പ്രതിമാസ ചെലവ് 1,058.76 റിയാലാണെന്ന് സർവേ പറയുന്നു. സ്വദേശി കുടുംബങ്ങൾ തങ്ങളുടെ മൊത്തം ചെലവിന്റെ 36.4 ശതമാനം വാടക, വൈദ്യുതി, വെള്ളം എന്നിവയ്ക്കായി മാറ്റിവെക്കുമ്പോൾ, പ്രവാസികൾക്ക് ഇത് 48 ശതമാനത്തോളമാണ്.

പ്രവാസികൾക്ക് ബജറ്റ് ക്രമീകരിക്കാൻ NCSI റിപ്പോർട്ട് നൽകുന്ന പാഠങ്ങൾ

ഈ സർവേ റിപ്പോർട്ട് വിശകലനം ചെയ്യുമ്പോൾ പ്രവാസികളായ നമുക്ക് സാമ്പത്തിക ആസൂത്രണത്തിൽ വരുത്തേണ്ട ചില കാര്യങ്ങൾ വ്യക്തമാകുന്നുണ്ട്.

• താമസച്ചെലവുകൾ പരമാവധി നിയന്ത്രിക്കുക: നമ്മുടെ മൊത്തം ചെലവിന്റെ പകുതിയോളവും (48%) വാടകയിലേക്കും കറന്റ്, വെള്ളം ബില്ലുകളിലേക്കുമാണ് പോകുന്നത്. അതിനാൽ അനുയോജ്യമായ താങ്ങാനാവുന്ന താമസസ്ഥലങ്ങൾ തിരഞ്ഞെടുക്കുന്നതും വൈദ്യുതി-വെള്ളം ഉപയോഗം ശ്രദ്ധിക്കുന്നതും വലിയൊരു തുക ലാഭിക്കാൻ സഹായിക്കും.
• അടിയന്തര ഫണ്ട് (Emergency Fund) കരുതിവെക്കുക: പ്രവാസി കുടുംബത്തിന്റെ ശരാശരി പ്രതിമാസ വരുമാനം 717.15 റിയാലും ചെലവ് 402.48 റിയാലുമാണ്. വരുമാനവും ചെലവും തമ്മിലുള്ള ഈ വ്യത്യാസം മുൻനിർത്തി, ബാക്കി വരുന്ന തുക കൃത്യമായി സമ്പാദ്യത്തിലേക്കും അടിയന്തര ആവശ്യങ്ങൾക്കുള്ള ഫണ്ടിലേക്കും മാറ്റിവെക്കാൻ നമ്മൾ ശ്രദ്ധിക്കേണ്ടതുണ്ട്.

ALSO READ:

• ഫോണിലെ ‘അശ്രദ്ധയ്ക്ക്’ കർശന നടപടി; സിം കാർഡ് ഉടനടി ബ്ലോക്ക് ചെയ്യും, പുതിയ ടെലികോം ചട്ടങ്ങളുമായി ഒമാൻ
• തൊഴിലാളികളെ പിരിച്ചുവിടും മുമ്പ് പ്രകടനം മെച്ചപ്പെടുത്താൻ ആറുമാസം നൽകണം: ഒമാൻ തൊഴിൽ നിയമം

FAQs

ഒമാനിലെ പ്രവാസി കുടുംബത്തിന്റെ ശരാശരി വരുമാനം എത്രയാണ്?

പ്രവാസി കുടുംബത്തിന്റെ ശരാശരി പ്രതിമാസ വരുമാനം 717.15 ഒമാനി റിയാലാണ്.

പ്രവാസി കുടുംബങ്ങളുടെ ശരാശരി പ്രതിമാസ ചെലവ് എത്ര വരും?

ഒരു പ്രവാസി കുടുംബത്തിന്റെ ശരാശരി പ്രതിമാസ ചെലവ് 402.48 റിയാലാണ്.

പ്രവാസികളുടെ ചെലവിൽ ഏറ്റവും വലിയ പങ്ക് ഏത് മേഖലയ്ക്കാണ്?

മൊത്തം ചെലവിന്റെ 48 ശതമാനവും ഭവനം, വൈദ്യുതി, വെള്ളം, ഗ്യാസ് എന്നിവയ്ക്കാണ്.

സ്വകാര്യ മേഖലയിലെ പ്രവാസികളുടെ ശരാശരി വരുമാനം എത്രയാണ്?

സ്വകാര്യ മേഖലയിലെ പ്രവാസികളുടെ ശരാശരി പ്രതിമാസ വരുമാനം 687.58 റിയാലാണ്.

ഈ സർവേ റിപ്പോർട്ട് പുറത്തുവിട്ടത് ഏത് സ്ഥാപനമാണ്?

ഒമാൻ നാഷനൽ സെന്റർ ഫോർ സ്റ്റാറ്റിസ്റ്റിക്‌സ് ആൻഡ് ഇൻഫർമേഷനാണ് (NCSI) വിവരങ്ങൾ പുറത്തുവിട്ടത്.

English Summary: Based on the NCSI report on Oman Expat Household Income and Expenditure, the average expat family monthly income is OMR 717.15. Expat households spend an average of OMR 402.48 monthly, with housing and utilities taking up 48%, while food and beverages require 16.5% of their budget.