ദുബൈയിലെ യാത്രകൾ ഇനി പോക്കറ്റ് ഫ്രണ്ട്‌ലിയാക്കാം; വിനോദസഞ്ചാരികൾക്കായി ആർടിഎയുടെ നോൾ ട്രാവൽ കാർഡ്- അറിയേണ്ടതെല്ലാം

Published: Monday, 9 August 2026, 8:17 am | Edited: Monday, 9 August 2026, at 10:09 am

ദുബൈ സന്ദർശിക്കുന്ന വിനോദസഞ്ചാരികൾക്ക് യാത്രാച്ചെലവുകൾ ഗണ്യമായി കുറയ്ക്കാൻ സഹായിക്കുന്ന പുതിയ പദ്ധതിയുമായി റോഡ്‌സ് ആൻഡ് ട്രാൻസ്‌പോർട്ട് അതോറിറ്റി (RTA). നഗരത്തിലെ പൊതുഗതാഗത സംവിധാനങ്ങൾ കൂടുതൽ ബജറ്റ് സൗഹൃദമാക്കുന്നതിനൊപ്പം, പ്രമുഖ വിനോദകേന്ദ്രങ്ങളിലും ഹോട്ടലുകളിലും വൻ ഡിസ്‌കൗണ്ടുകൾ കൂടി ഉറപ്പുനൽകുന്ന പ്രത്യേക Dubai Nol Travel Card പാക്കേജാണ് ആർടിഎ പുറത്തിറക്കിയിരിക്കുന്നത്.

Also Read: യുഎഇയിൽ നബിദിന പൊതു അവധി പ്രഖ്യാപിച്ചു: വരുന്നത് നീണ്ട വാരാന്ത്യം

ദുബായ് സ്കൂളുകളിൽ പ്രായം മാത്രം മാനദണ്ഡമാക്കി പ്രവേശനം; കുട്ടികളെ താഴ്ന്ന ക്ലാസുകളിലേക്ക് മാറ്റുന്ന രീതി നിരോധിച്ച് കെഎച്ച്ഡിഎ

ഒമാനിൽ പ്രവാസികളുടെ ഗ്രാറ്റ്വിറ്റി തുക എങ്ങനെ കണക്കാക്കാം? തൊഴിൽ മന്ത്രാലയത്തിന്റെ പുതിയ മാർഗ്ഗനിർദ്ദേശങ്ങൾ അറിയാം..

എന്താണ് നോൾ കാർഡ്?

ദുബൈയിലെ പൊതുഗതാഗത സംവിധാനങ്ങൾക്കായി റോഡ്‌സ് ആൻഡ് ട്രാൻസ്‌പോർട്ട് അതോറിറ്റി (RTA) പുറത്തിറക്കിയ റീചാർജ് ചെയ്യാവുന്ന സ്മാർട്ട് കാർഡാണ് Dubai Nol Travel Card. ഇതൊരു ഒരു അത്യാധുനിക സ്മാർട്ട് ഇലക്ട്രോണിക് പേയ്‌മെന്റ് കാർഡാണ്. ദുബൈ മെട്രോ, ബസുകൾ, ട്രാം, മറൈൻ ട്രാൻസ്‌പോർട്ട് എന്നിവയിലെല്ലാം ഈ ഒറ്റ കാർഡ് ഉപയോഗിച്ച് വളരെ എളുപ്പത്തിൽ യാത്ര ചെയ്യാൻ സാധിക്കും. ടിക്കറ്റുകൾക്കായി ക്യൂ നിൽക്കാതെ യാത്ര ചെയ്യാം എന്നതാണ് ഇതിന്റെ പ്രധാന പ്രത്യേകത.

നോൾ ട്രാവൽ കാർഡിന്റെ പ്രധാന ആനുകൂല്യങ്ങൾ (Key Benefits)

വിനോദസഞ്ചാരികളെയും ദുബൈ സന്ദർശിക്കുന്നവരെയും ലക്ഷ്യമിട്ട് ആർടിഎ പുറത്തിറക്കിയ പുതിയ ‘നോൾ ട്രാവൽ കാർഡ്’ പാക്കേജ് യാത്രകൾക്കപ്പുറം വലിയ സാമ്പത്തിക ലാഭമാണ് നൽകുന്നത്.

1. വിപുലമായ യാത്രാ സൗകര്യം

ഈ ഒറ്റ കാർഡ് ഉപയോഗിച്ച് ദുബൈയിലെ പ്രധാനപ്പെട്ട എല്ലാ പൊതുഗതാഗത സംവിധാനങ്ങളിലും യാത്ര ചെയ്യാം:

• ദുബൈ മെട്രോ: നഗരത്തിലെ ട്രാഫിക്കിൽ പെടാതെ വേഗത്തിൽ യാത്ര ചെയ്യാം.
• പബ്ലിക് ബസുകൾ: ദുബൈയിലെ എല്ലാ പ്രധാന റൂട്ടുകളിലേക്കുമുള്ള ബസ് സർവീസുകൾ.
• ദുബൈ ട്രാം: ദുബൈ മറീന, അൽ സൂഫൂഹ് ഭാഗങ്ങളിലെ യാത്രയ്ക്ക്.
• ആർടിഎ ടാക്സികൾ: ടാക്സി ഫീസുകൾ കാർഡ് പഞ്ച് ചെയ്ത് അടയ്ക്കാം.
• വാട്ടർ ട്രാൻസ്‌പോർട്ട്: വാട്ടർ ബസ്, ഫെറി, അബ്ര ബോട്ട് സർവീസുകൾ.

2. വൻതോതിലുള്ള സാമ്പത്തിക ലാഭം

യാത്രയ്ക്ക് പുറമെ വിനോദസഞ്ചാരികളുടെ പോക്കറ്റ് ചോരാതെ സൂക്ഷിക്കാൻ ഈ കാർഡിന് സാധിക്കും:

• 17,000 ദിർഹത്തിലധികം മൂല്യം: കാർഡ് ഉടമകൾക്ക് വിവിധ സേവനങ്ങളിലൂടെ ആകെ 17,000 ദിർഹത്തിലധികം മൂല്യമുള്ള ഇളവുകൾ ആസ്വദിക്കാം.
• 10% മുതൽ 50% വരെ കിഴിവ്: ദുബൈയിലെ 50 പ്രമുഖ ബ്രാൻഡുകളുടെ 65-ലധികം ഔട്ട്‌ലെറ്റുകളിൽ ഈ കാർഡ് കാണിച്ചാൽ വലിയ ഡിസ്‌കൗണ്ടുകൾ ലഭിക്കും.
• പ്രയോജനപ്പെടുന്ന മേഖലകൾ: പ്രമുഖ ഹോട്ടൽ താമസം, റസ്റ്റോറന്റുകൾ, സാഹസിക വിനോദകേന്ദ്രങ്ങൾ എന്നിവടങ്ങളിലെല്ലാം ഈ ഓഫറുകൾ ലഭ്യമാണ്.

3. സ്മാർട്ട് പേയ്‌മെന്റ് സംവിധാനങ്ങൾ

യാത്രയ്‌ക്ക് പുറമെ നഗരത്തിലെ ദൈനംദിന ആവശ്യങ്ങൾക്കും ഈ കാർഡ് ഡിജിറ്റൽ വാലറ്റായി ഉപയോഗിക്കാം:

• ആർടിഎ പാർക്കിംഗ്: ദുബൈയിലെ പൊതു പാർക്കിംഗ് കേന്ദ്രങ്ങളിൽ ഫീസ് അടയ്ക്കാൻ.
• പെട്രോൾ പമ്പുകൾ: ഇഎൻഒസി (ENOC) പോലെയുള്ള പ്രമുഖ പെട്രോൾ പമ്പുകളിൽ ഇന്ധനം അടിക്കുന്നതിനും സൂപ്പർമാർക്കറ്റ് പേയ്‌മെന്റുകൾക്കും.
• സൂം (ZOOM) സ്റ്റോറുകൾ: മെട്രോ സ്റ്റേഷനുകളിലും മറ്റുമുള്ള സൂം സ്റ്റോറുകളിൽ നിന്ന് സാധനങ്ങൾ വാങ്ങുമ്പോൾ പണമടയ്ക്കാൻ.

4. ദീർഘകാല കാലാവധിയും ഉയർന്ന റീചാർജ് പരിധിയും

• 5 വർഷത്തെ കാലാവധി: ഒരു തവണ വാങ്ങിയാൽ 5 വർഷത്തേക്ക് ഈ കാർഡിന് സാധുതയുണ്ട്. അതിനാൽ ദുബൈയിൽ വീണ്ടും സന്ദർശനം നടത്തുമ്പോഴും ഇതേ കാർഡ് ഉപയോഗിക്കാം.
• ഉയർന്ന റീചാർജ് പരിധി: പാസ്‌പോർട്ട് നൽകി രജിസ്റ്റർ ചെയ്താൽ 5,000 ദിർഹം വരെ കാർഡിൽ ബാലൻസ് സൂക്ഷിക്കാനും ആവശ്യാനുസരണം വീണ്ടും റീചാർജ് ചെയ്യാനും സാധിക്കും.

ദുബായിലെ പ്രധാന നോൾ കാർഡ് തരങ്ങൾ

ദുബൈ റോഡ്‌സ് ആൻഡ് ട്രാൻസ്‌പോർട്ട് അതോറിറ്റി (RTA) വിനോദസഞ്ചാരികൾക്കായി പ്രധാനമായും നാല് തരം കാർഡുകളാണ് നൽകുന്നത്. ദുബൈ സന്ദർശിക്കുന്ന വിനോദസഞ്ചാരികൾക്ക് അവരുടെ യാത്രാ ആവശ്യങ്ങൾക്കും ബജറ്റിനും അനുസരിച്ച് തിരഞ്ഞെടുക്കാൻ സാധിക്കുന്ന പ്രധാന നോൾ കാർഡ് തരങ്ങൾ:

1. നോൾ ട്രാവൽ കാർഡ് (Nol Travel Card)

വിനോദസഞ്ചാരികളെ മാത്രം ലക്ഷ്യമിട്ട് ആർടിഎ പുറത്തിറക്കിയ ഏറ്റവും പുതിയ പാക്കേജാണിത്. യാത്രയ്‌ക്കൊപ്പം ദുബൈ നഗരം ചുറ്റിക്കാണാൻ ആഗ്രഹിക്കുന്നവർക്ക് വലിയ സാമ്പത്തിക ലാഭം നൽകുന്നു.

• വില: 100 ദിർഹം (19 ദിർഹം യാത്രാ ബാലൻസ് ആയി ലഭിക്കും).
• കാലാവധി: 5 വർഷം.
• യാത്രാ ക്ലാസ്: റഗുലർ ക്ലാസ് (മെട്രോയിലെ സാധാരണ കമ്പാർട്ടുമെന്റുകളിൽ യാത്ര ചെയ്യാം).
• പ്രത്യേകത: യാത്രയ്ക്ക് പുറമെ ദുബൈയിലെ ഹോട്ടലുകൾ, റസ്റ്റോറന്റുകൾ, വിനോദകേന്ദ്രങ്ങൾ എന്നിവയുൾപ്പെടെ 50 പ്രമുഖ ബ്രാൻഡുകളുടെ ഔട്ട്‌ലെറ്റുകളിൽ 10% മുതൽ 50% വരെ വൻ ഡിസ്‌കൗണ്ട്സ് ഈ കാർഡിലൂടെ ലഭിക്കും. ആകെ 17,000 ദിർഹത്തിലധികം മൂല്യമുള്ള ആനുകൂല്യങ്ങൾ ഇതിലുണ്ട്.

2. നോൾ സിൽവർ കാർഡ് (Nol Silver Card)

ദുബൈയിൽ കുറച്ചു ദിവസങ്ങൾ മാത്രം തങ്ങാൻ പ്ലാൻ ചെയ്യുന്ന, ഷോപ്പിംഗ് ഡിസ്‌കൗണ്ടുകളേക്കാൾ പൊതുഗതാഗത യാത്രകൾക്ക് മാത്രം മുൻഗണന നൽകുന്ന ടൂറിസ്റ്റുകൾക്ക് ഇത് അനുയോജ്യമാണ്.

• നീണ്ടകാലത്തെ ഉപയോഗത്തിനായി 5 വർഷത്തെ കാലാവധിയോടെയാണ് ഇത് വരുന്നത്, ഒപ്പം ദുബൈയിലെ എല്ലാ പൊതുഗതാഗത മാർഗ്ഗങ്ങളിലും ഈ ഒറ്റ കാർഡ് ഉപയോഗിക്കാൻ കഴിയും.
• വില: 25 ദിർഹം (ഇതിൽ 19 ദിർഹം യാത്രാ ബാലൻസ് ആയി ലഭിക്കും).
• കാലാവധി: 5 വർഷം.
• യാത്രാ ക്ലാസ്: റഗുലർ ക്ലാസ്.
• പ്രത്യേകത: മെട്രോ, ബസ്, ട്രാം, ടാക്സി എന്നിവയിലെല്ലാം വളരെ കുറഞ്ഞ നിരക്കിൽ യാത്ര ചെയ്യാം. ആവശ്യാനുസരണം റീചാർജ് ചെയ്യാൻ വളരെ എളുപ്പമാണ്.

3. നോൾ ഗോൾഡ് കാർഡ് (Nol Gold Card)

ദുബൈ മെട്രോയിലും ട്രാമിലും കൂടുതൽ സൗകര്യപ്രദമായി, തിരക്കുകളിൽ പെടാതെ പ്രീമിയം രീതിയിൽ യാത്ര ചെയ്യാൻ ആഗ്രഹിക്കുന്ന വിനോദസഞ്ചാരികൾക്ക് ഇത് തിരഞ്ഞെടുക്കാം.

• വില: 25 ദിർഹം (ഇതിൽ 19 ദിർഹം യാത്രാ ബാലൻസ് ആയി ലഭിക്കും).
• കാലാവധി: 5 വർഷം.
• യാത്രാ ക്ലാസ്: ഗോൾഡ് ക്ലാസ് (Gold Class).
• പ്രത്യേകത: ദുബൈ മെട്രോയിലെയും ട്രാമിലെയും അത്യാധുനിക സൗകര്യങ്ങളുള്ള, ലെതർ സീറ്റുകളോട് കൂടിയ ‘ഗോൾഡ് ക്ലാസ്സ്’ കമ്പാർട്ടുമെന്റുകളിൽ ഇതിലൂടെ യാത്ര ചെയ്യാം.
• സാധാരണ സിൽവർ കാർഡുകളുടെ നിരക്കുകളുമായി താരതമ്യം ചെയ്യുമ്പോൾ ഇതിന്റെ യാത്രാ നിരക്കുകൾ ഇരട്ടിയാണ്.

4. നോൾ റെഡ് ടിക്കറ്റ് (Nol Red Ticket)

ദുബൈയിൽ വെറും ഒരു ദിവസത്തെ കണക്റ്റിംഗ് ഫ്ലൈറ്റിലോ അല്ലെങ്കിൽ ഒന്നോ രണ്ടോ ദിവസത്തെ വളരെ ചുരുങ്ങിയ സന്ദർശനത്തിനോ എത്തുന്നവർക്ക് ഈ പേപ്പർ കാർഡ് ഉപയോഗിക്കാം.

• ചുരുങ്ങിയ ദിവസത്തേക്ക് ദുബൈ സന്ദർശിക്കുന്ന ടൂറിസ്റ്റുകൾക്ക് ഏറ്റവും അനുയോജ്യമായ ഒരു ഓപ്ഷനാണിത്.​
• ഡിജിറ്റൽ സ്മാർട്ട് കാർഡുകൾക്ക് പകരമായി ഇതൊരു പേപ്പർ അധിഷ്ഠിത കാർഡായാണ് വരുന്നത്.
• ​90 ദിവസത്തെ കാലാവധിയുള്ള ഈ കാർഡിൽ പരമാവധി 10 സിംഗിൾ യാത്രകളോ അല്ലെങ്കിൽ 5 ഡെയ്‌ലി പാസുകളോ വരെ ലോഡ് ചെയ്ത് ഉപയോഗിക്കാൻ സാധിക്കും.

• വില: 2 ദിർഹം (യാത്രാ നിരക്ക് ഇതിന് പുറമെ റീചാർജ് ചെയ്യണം).
• കാലാവധി: 90 ദിവസങ്ങൾ (അല്ലെങ്കിൽ പരമാവധി 10 യാത്രകൾക്ക് മാത്രം ഉപയോഗിക്കാം).
• യാത്രാ ക്ലാസ്: റഗുലർ
• പ്രത്യേകത: ഇത് ഒരേസമയം മെട്രോയിലോ ബസിലോ മാത്രമായി (ഏതെങ്കിലും ഒരു ഗതാഗത സംവിധാനത്തിൽ മാത്രം) ഉപയോഗിക്കാൻ ഡിസൈൻ ചെയ്തിട്ടുള്ളതാണ്. സ്മാർട്ട് കാർഡുകൾ ആവശ്യമില്ലാത്തവർക്ക് ഇതൊരു താൽക്കാലിക പേപ്പർ ടിക്കറ്റായി ഉപയോഗിക്കാം.

5. നോൾ ബ്ലൂ കാർഡ് (Nol Blue Card /

ദുബൈയിലെ സ്ഥിരതാമസക്കാർക്കും (Residents), ദീർഘകാലം ദുബൈയിൽ തങ്ങുന്നവർക്കും, ദിവസേന പൊതുഗതാഗതം ഉപയോഗിക്കുന്ന യാത്രക്കാർക്കും വേണ്ടി പ്രത്യേകം തയ്യാറാക്കിയിട്ടുള്ള വ്യക്തിഗത സ്മാർട്ട് കാർഡാണിത്. സുരക്ഷയ്ക്കും കൂടുതൽ ഇളവുകൾക്കും മുൻഗണന നൽകുന്നവർക്കാണ് ഇത് അനുയോജ്യം.

ഈ കാർഡിന്റെ പ്രധാന സവിശേഷതകളും ആനുകൂല്യങ്ങളും:

• വിലയും പ്രാരംഭ ബാലൻസും: ഈ കാർഡിന്റെ ആകെ വില 70 ദിർഹം ആണ്. ഇതിൽ 50 ദിർഹം കാർഡ് ഇഷ്യൂ ചെയ്യുന്നതിനുള്ള ഫീസും, ബാക്കി 20 ദിർഹം യാത്രാ ബാലൻസായും ലഭിക്കും.
• സുരക്ഷിതത്വം: കാർഡ് ഉടമയുടെ ചിത്രവും വ്യക്തിഗത വിവരങ്ങളും പാസ്‌പോർട്ട്/എമിറേറ്റ്സ് ഐഡി നമ്പറും രേഖപ്പെടുത്തിയാണ് ഈ കാർഡ് നൽകുന്നത്. അതിനാൽ കാർഡ് നഷ്ടപ്പെട്ടാൽ അതിലുണ്ടായിരുന്ന ബാലൻസ് തുക പൂർണ്ണമായും സുരക്ഷിതമായിരിക്കും. യാത്രക്കാർക്ക് പുതിയൊരു ബ്ലൂ കാർഡിലേക്ക് ഈ തുക ബ്ലോക്ക് ചെയ്ത് മാറ്റാൻ സാധിക്കും.
• യാത്രാ നിരക്കുകൾ: സാധാരണ സിൽവർ കാർഡിന്റെ അതേ നിരക്കുകൾ തന്നെയാണ് (3 AED മുതൽ 7.50 AED വരെ) ബ്ലൂ കാർഡിലും ഈടാക്കുന്നത്.

ബ്ലൂ കാർഡിന്റെ പ്രത്യേക ഇളവുകൾ

മറ്റ് കാർഡുകളിൽ നിന്ന് വ്യത്യസ്തമായി സമൂഹത്തിലെ ചില പ്രത്യേക വിഭാഗങ്ങൾക്ക് യാത്രാ നിരക്കിൽ 50% മുതൽ 100% വരെ ഇളവുകൾ നൽകാൻ ബ്ലൂ കാർഡിലൂടെ മാത്രമേ സാധിക്കൂ:

1. വിദ്യാർത്ഥികൾ: സ്കൂൾ/കോളേജ് വിദ്യാർത്ഥികൾക്ക് ഏത് സോണിലേക്കുള്ള യാത്രയ്ക്കും 50% ഇളവ് ലഭിക്കും.
2. മുതിർന്ന പൗരന്മാർ: യുഎഇ പൗരന്മാരായ മുതിർന്നവർക്കും സ്ഥിരതാമസക്കാർക്കും യാത്രകൾ പൂർണ്ണമായും സൗജന്യമാണ്.
3. ഭിന്നശേഷിക്കാർ: ഭിന്നശേഷിക്കാർക്ക് ദുബൈ മെട്രോയിലും പൊതു ബസുകളിലും യാത്ര പൂർണ്ണമായും സൗജന്യമാണ്.
4. സാമൂഹിക ആനുകൂല്യങ്ങൾ ലഭിക്കുന്ന സ്വദേശികൾ: ഇവർക്കും യാത്രാ നിരക്കിൽ 50% ഇളവ് ലഭിക്കും.

കാർഡ് എങ്ങനെ സ്വന്തമാക്കാം?

ഇതൊരു വ്യക്തിഗത കാർഡായതിനാൽ സാധാരണ സ്റ്റേഷനുകളിൽ നിന്ന് നേരിട്ട് വാങ്ങി ഉപയോഗിക്കാൻ സാധിക്കില്ല. ആർടിഎയുടെ ഔദ്യോഗിക വെബ്‌സൈറ്റ് വഴിയോ, ‘nol Pay’ ആപ്പ് വഴിയോ എമിറേറ്റ്സ് ഐഡി/പാസ്‌പോർട്ട്, വ്യക്തിഗത ഫോട്ടോ എന്നിവ സബ്മിറ്റ് ചെയ്ത് ഓൺലൈനായി അപേക്ഷിക്കണം. അപേക്ഷ അംഗീകരിച്ച ശേഷം കാർഡ് യാത്രക്കാരുടെ വിലാസത്തിലേക്ക് കൊറിയർ വഴി എത്തിക്കുകയാണ് ചെയ്യുന്നത്.

സോൺ അടിസ്ഥാനമാക്കിയുള്ള യാത്രാ നിരക്കുകൾ

ദുബൈ നഗരത്തെ ആകെ 7 പൊതുഗതാഗത സോണുകളായി (7 Zones) തിരിച്ചിട്ടാണ് റോഡ്‌സ് ആൻഡ് ട്രാൻസ്‌പോർട്ട് അതോറിറ്റി (RTA) യാത്രാ നിരക്കുകൾ നിശ്ചയിച്ചിരിക്കുന്നത്. യാത്രക്കാർ സഞ്ചരിക്കുന്ന സോണുകളുടെ എണ്ണത്തെ അടിസ്ഥാനമാക്കിയാണ് നോൾ കാർഡുകളിൽ നിന്ന് തുക ഈടാക്കുന്നത്. പൊതുഗതാഗത സംവിധാനങ്ങളിലെ യാത്രകളെ പ്രധാനമായും മൂന്ന് വിഭാഗങ്ങളായി തരംതിരിച്ചിരിക്കുന്നു:

• ഒരു സോണിനുള്ളിലെ യാത്ര (Within 1 Zone): യാത്ര ആരംഭിക്കുന്നതും അവസാനിക്കുന്നതും ഒരേ സോണിൽ തന്നെയുള്ള സ്റ്റേഷനുകളിലാണെങ്കിൽ.
• രണ്ട് സോണുകൾക്കിടയിലെ യാത്ര: തൊട്ടടുത്തുള്ള മറ്റൊരു സോണിലേക്ക് കടന്ന് യാത്ര ചെയ്യുമ്പോൾ.
• മൂന്നോ അതിലധികമോ സോണുകളിലൂടെയുള്ള യാത്ര (3+ Zones): രണ്ടിലധികം സോണുകൾ കടന്ന് ദൂരപ്രദേശങ്ങളിലേക്ക് യാത്ര ചെയ്യുമ്പോൾ.

വിവിധ നോൾ കാർഡുകളുടെ നിരക്കുകൾ

വിനോദസഞ്ചാരികൾക്കായുള്ള പുതിയ ‘നോൾ ട്രാവൽ കാർഡിൽ’ സാധാരണ സിൽവർ കാർഡിന് തുല്യമായ യാത്രാ നിരക്കുകൾ മാത്രമാണ് ആർടിഎ ഈടാക്കുന്നത്.

ആർടിഎയുടെ ’30-മിനിറ്റ് നിയമം’ (Intermodal Transfer System)

ദുബൈയിലെ പൊതുഗതാഗത സംവിധാനങ്ങളായ മെട്രോ, പൊതു ബസുകൾ, ട്രാം എന്നിവ മാറി മാറി ഉപയോഗിക്കുന്ന യാത്രക്കാർക്ക് വലിയ സാമ്പത്തിക ലാഭം നൽകുന്ന ഒന്നാണ് ആർടിഎയുടെ ’30-മിനിറ്റ് നിയമം’. ഒരു വാഹനത്തിൽ നിന്ന് ഇറങ്ങി നിശ്ചിത സമയത്തിനുള്ളിൽ അടുത്ത വാഹനത്തിൽ കയറുമ്പോൾ പുതിയൊരു ടിക്കറ്റ് നിരക്ക് ഈടാക്കുന്നതിന് പകരം, മുഴുവൻ യാത്രയെയും ഒരൊറ്റ യാത്രയായി കണക്കാക്കുന്ന സ്മാർട്ട് പേയ്‌മെന്റ് രീതിയാണിത്.

ഈ ആനുകൂല്യം ലഭിക്കുന്നതിനുള്ള പ്രധാന നിബന്ധനകൾ

• 30 മിനിറ്റ് സമയപരിധി: ഒരു പൊതുഗതാഗത വാഹനത്തിൽ നിന്ന് പുറത്തിറങ്ങി കാർഡ് പഞ്ച് (Check-out) ചെയ്ത് കൃത്യം 30 മിനിറ്റിനുള്ളിൽ അടുത്ത വാഹനത്തിൽ കയറി കാർഡ് പഞ്ച് (Check-in) ചെയ്തിരിക്കണം.
• പരമാവധി 3 കണക്ഷനുകൾ: ഒരൊറ്റ യാത്രയുടെ ഭാഗമായി യാത്രക്കാർക്ക് പരമാവധി 3 തവണ വരെ ഇങ്ങനെ വാഹനങ്ങൾ മാറി കയറാവുന്നതാണ് (ബസ് -> മെട്രോ -> ട്രാം).
• യാത്രാ സമയപരിധി: വാഹനങ്ങൾ മാറി കയറുന്ന ഈ മുഴുവൻ യാത്രയും പരമാവധി 180 മിനിറ്റിനുള്ളിൽ (3 മണിക്കൂർ) പൂർത്തിയായിരിക്കണം.
• സോൺ അടിസ്ഥാനമാക്കിയുള്ള നിരക്ക്: ഈ നിയമപ്രകാരം വാഹനങ്ങൾ മാറുമ്പോഴെല്ലാം പ്രത്യേകം തുക ഈടാക്കില്ല. പകരം, യാത്ര ആരംഭിച്ച സ്റ്റേഷൻ മുതൽ അവസാനിച്ച സ്റ്റേഷൻ വരെ ആകെ എത്ര സോണുകൾ കടന്നു എന്ന് മാത്രം കണക്കാക്കി, അതിന് തുല്യമായ ഒറ്റ നിരക്ക് മാത്രമേ നോൾ കാർഡിൽ നിന്ന് കുറയ്ക്കുകയുള്ളൂ.

നോൾ കാർഡുകളിലെ മിനിമം ബാലൻസ് നിയമം

ദുബൈയിലെ പൊതുഗതാഗത സംവിധാനങ്ങളായ മെട്രോ, പൊതു ബസുകൾ, ട്രാം എന്നിവയിലൂടെയുള്ള യാത്രകൾ തടസ്സമില്ലാതെ പൂർത്തിയാക്കുന്നതിന് നോൾ കാർഡുകളിൽ കൃത്യമായ മിനിമം ബാലൻസ് ഉണ്ടായിരിക്കണമെന്ന് ആർടിഎ നിർദ്ദേശിക്കുന്നു. യാത്ര ആരംഭിക്കുന്നതിന് മുൻപ് തന്നെ കാർഡിൽ ആവശ്യത്തിന് തുകയുണ്ടെന്ന് ഉറപ്പാക്കേണ്ടത് അത്യാവശ്യമാണ്.

മിനിമം ബാലൻസുമായി ബന്ധപ്പെട്ട പ്രധാന വിവരങ്ങൾ

• 7.50 ദിർഹം മിനിമം ബാലൻസ്: ദുബൈ മെട്രോയിലോ പൊതു ബസുകളിലോ യാത്ര ആരംഭിക്കണമെങ്കിൽ നോൾ കാർഡിൽ കുറഞ്ഞത് 7.50 ദിർഹം എങ്കിലും ബാലൻസ് ഉണ്ടായിരിക്കണം.
• പ്രവേശന വിലക്ക്: കാർഡിലെ തുക 7.50 ദിർഹത്തിൽ താഴെയാണെങ്കിൽ മെട്രോ സ്റ്റേഷനുകളിലെ ഓട്ടോമാറ്റിക് ഗേറ്റുകൾ തുറക്കുകയോ ബസുകളിലെ സ്മാർട്ട് മെഷീനുകൾ കാർഡ് സ്വീകരിക്കുകയോ ഇല്ല.
• കാരണം: ദുബൈയിലെ ഏറ്റവും കൂടിയ ഒറ്റത്തവണ യാത്രാ നിരക്ക് (3 സോണുകളിൽ കൂടുതലുള്ള യാത്രയ്ക്ക് സിൽവർ കാർഡിന് ഈടാക്കുന്നത്) 7.50 ദിർഹം ആയതിനാലാണ് യാത്രക്കാരുടെ സുഗമമായ യാത്രയ്ക്കായി ഈ തുക മിനിമം ബാലൻസായി നിശ്ചയിച്ചിരിക്കുന്നത്.
• റെഡ് ടിക്കറ്റുകളുടെ വ്യവസ്ഥ: താൽക്കാലിക പേപ്പർ ടിക്കറ്റുകളായ ‘നോൾ റെഡ് ടിക്കറ്റുകൾ’ ഉപയോഗിക്കുന്നവർ യാത്രയ്ക്കുള്ള കൃത്യമായ തുക മുൻകൂട്ടി റീചാർജ് ചെയ്ത് ടിക്കറ്റ് ഉറപ്പാക്കേണ്ടതാണ്.

നോൾ കാർഡുകളിലെ പ്രതിദിന യാത്രാ പരിധി (Daily Fare Cap)

ദുബൈയിലെ പൊതുഗതാഗത സംവിധാനങ്ങൾ ഒരു ദിവസം തന്നെ ഒന്നിലധികം തവണ ഉപയോഗിക്കുന്ന യാത്രക്കാർക്കായി വലിയ സാമ്പത്തിക ഇളവാണ് റോഡ്‌സ് ആൻഡ് ട്രാൻസ്‌പോർട്ട് അതോറിറ്റി (RTA) ഒരുക്കിയിരിക്കുന്നത്. ഒരു ദിവസത്തെ യാത്രാച്ചെലവിന് പരമാവധി പരിധി നിശ്ചയിക്കുന്ന ‘ഡെയ്‌ലി ഫെയർ ക്യാപ്’ സംവിധാനമാണിത്.

ഈ ആനുകൂല്യത്തിന്റെ പ്രധാന സവിശേഷതകൾ

• 14 ദിർഹം പരിധി: സിൽവർ കാർഡും വിനോദസഞ്ചാരികൾക്കായുള്ള പുതിയ ട്രാവൽ കാർഡും ഉപയോഗിക്കുന്നവർക്ക് ഒരു ദിവസത്തെ പരമാവധി യാത്രാ നിരക്ക് 14 ദിർഹമായി നിജപ്പെടുത്തിയിരിക്കുന്നു.
• അൺലിമിറ്റഡ് സൗജന്യ യാത്ര: ഒരു ദിവസത്തെ വിവിധ യാത്രകളിലൂടെ നോൾ കാർഡിൽ നിന്ന് ഈടാക്കുന്ന ആകെ തുക 14 ദിർഹത്തിൽ എത്തിക്കഴിഞ്ഞാൽ, അന്നത്തെ ബാക്കി യാത്രകൾ പൂർണ്ണമായും സൗജന്യമായിരിക്കും. അതിനുശേഷം മെട്രോയിലോ ബസിലോ എത്ര തവണ ദീർഘദൂര യാത്രകൾ നടത്തിയാലും കാർഡിൽ നിന്ന് പണം ഈടാക്കില്ല.
• ഓട്ടോമാറ്റിക് സിസ്റ്റം: ഇതിനായി യാത്രക്കാർ പ്രത്യേകം അപേക്ഷിക്കുകയോ മറ്റ് ടിക്കറ്റുകൾ എടുക്കുകയോ വേണ്ടതില്ല. ഒരു ദിവസത്തെ യാത്രാ നിരക്കുകൾ 14 ദിർഹത്തിൽ എത്തുമ്പോൾ നോൾ കാർഡ് സിസ്റ്റം സ്വയം ഈ പരിധി ആക്ടിവേറ്റ് ചെയ്യുന്നതാണ്.
• ബാധകമായ വാഹനങ്ങൾ: ദുബൈ മെട്രോ, പൊതു ബസുകൾ, ദുബൈ ട്രാം എന്നിവയിൽ മാറി മാറി നടത്തുന്ന യാത്രകൾക്കെല്ലാം ഈ പ്രതിദിന പരിധി ആനുകൂല്യം ബാധകമാണ്.

നോൾ പേ ആപ്പും ഡിജിറ്റൽ സേവനങ്ങളും

ദുബൈയിലെ പൊതുഗതാഗത യാത്രകൾ കൂടുതൽ ഡിജിറ്റൽവൽക്കരിക്കുന്നതിന്റെ ഭാഗമായി അത്യാധുനിക സൗകര്യങ്ങളുള്ള ‘nol Pay’ ഔദ്യോഗിക മൊബൈൽ ആപ്ലിക്കേഷൻ ആർടിഎ ലഭ്യമാക്കിയിട്ടുണ്ട്. സ്മാർട്ട്‌ഫോണുകൾ വഴി യാത്രാ കാർഡുകൾ നിയന്ത്രിക്കാൻ സഹായിക്കുന്ന ഇതിന്റെ പ്രധാന ഡിജിറ്റൽ സേവനങ്ങൾ നോക്കാം.

• ഫോൺ വാലറ്റ് സംവിധാനം: പ്ലാസ്റ്റിക് കാർഡുകൾ കൈയ്യിൽ കരുതുന്നതിന് പകരം വിനോദസഞ്ചാരികൾക്കും യാത്രക്കാർക്കും സ്മാർട്ട്‌ഫോണുകളിൽ തന്നെ ഡിജിറ്റൽ നോൾ കാർഡുകൾ ക്രിയേറ്റ് ചെയ്ത് സൂക്ഷിക്കാവുന്നതാണ്.
• എൻഎഫ്സി ടാപ്പ് ആൻഡ് ഗോ: ആപ്പിലെ ഡിജിറ്റൽ കാർഡ് ഉപയോഗിച്ച് എൻഎഫ്സി (NFC) സൗകര്യമുള്ള സ്മാർട്ട്‌ഫോണുകൾ അല്ലെങ്കിൽ സ്മാർട്ട് വാച്ചുകൾ മെട്രോ ഗേറ്റുകളിലോ ബസുകളിലോ നേരിട്ട് ടാപ്പ് ചെയ്തുകൊണ്ട് യാത്രക്കാർക്ക് പ്രവേശനം സാധ്യമാകും.
• തത്സമയ ബാലൻസ് പരിശോധന: കാർഡിൽ എത്ര തുക ബാക്കിയുണ്ടെന്ന് അറിയാൻ സ്റ്റേഷനുകളിൽ പോകേണ്ടതില്ല. ഫോണിലെ എൻഎഫ്സി ഓൺ ചെയ്ത് നോൾ കാർഡ് ഫോണിന്റെ പിൻഭാഗത്ത് വെച്ചാൽ ആപ്പിലൂടെ ബാലൻസും യാത്രാ ഹിസ്റ്ററിയും തൽക്ഷണം പരിശോധിക്കാൻ സാധിക്കും.

​നോൾ കാർഡുകൾ എവിടെ നിന്ന് വാങ്ങാം?

ദുബൈ സന്ദർശിക്കുന്നവർക്കും നഗരത്തിൽ യാത്ര ചെയ്യുന്നവർക്കും വളരെ എളുപ്പത്തിൽ Dubai Nol Travel Card സ്വന്തമാക്കാൻ കഴിയുന്ന പ്രധാന ഇടങ്ങൾ:

• ആർടിഎ ടിക്കറ്റ് കൗണ്ടറുകൾ: ദുബൈയിലെ എല്ലാ മെട്രോ സ്റ്റേഷനുകളിലും ബസ് സ്റ്റേഷനുകളിലുമുള്ള ഔദ്യോഗിക ആർടിഎ (RTA) ടിക്കറ്റ് കൗണ്ടറുകളിൽ നിന്നും കസ്റ്റമർ ഹാപ്പിനസ് സെന്ററുകളിൽ നിന്നും ഈ കാർഡ് നേരിട്ട് വാങ്ങാം.
• വിമാനത്താവളങ്ങൾ: ദുബൈ അന്താരാഷ്ട്ര വിമാനത്താവളത്തിലെ ടെർമിനലുകളിൽ തന്നെയുള്ള യൂറോപ്കാർ കൗണ്ടറുകളിൽ നിന്നും റെയ്ന ടൂഴ്സ് ഓഫീസുകളിൽ നിന്നും സഞ്ചാരികൾക്ക് എത്തുമ്പോൾ തന്നെ കാർഡ് സ്വന്തമാക്കാം.
• അംഗീകൃത ഏജന്റുമാർ: നഗരത്തിലെ വിവിധ സൂപ്പർമാർക്കറ്റുകൾ പോലുള്ള അംഗീകൃത സെയിൽസ് ഏജന്റുകൾ വഴിയും നോൾ കാർഡുകൾ എളുപ്പത്തിൽ വാങ്ങാവുന്നതാണ്.
• സൂം (ZOOM) സ്റ്റോറുകൾ: മെട്രോ സ്റ്റേഷനുകളിലും നഗരത്തിന്റെ വിവിധ ഭാഗങ്ങളിലുമുള്ള പ്രമുഖ കൺവീനിയൻസ് സ്റ്റോർ ശൃംഖലയായ ‘സൂം’ ഔട്ട്‌ലെറ്റുകൾ വഴി ഈ കാർഡുകൾ വിൽപനയ്ക്ക് വെച്ചിട്ടുണ്ട്.
• അൽ അൻസാരി എക്സ്ചേഞ്ച്: യുഎഇയിലുടനീളമുള്ള അൽ അൻസാരി എക്സ്ചേഞ്ചിന്റെ പ്രമുഖ ശാഖകൾ വഴിയും യാത്രക്കാർക്ക് ഈ പ്രത്യേക ട്രാവൽ കാർഡ് വാങ്ങാവുന്നതാണ്.

കാർഡ് റീചാർജ് ചെയ്യേണ്ട വിവിധ വഴികൾ (How to Recharge)

യാത്രക്കാരുടെ സൗകര്യാർത്ഥം നോൾ കാർഡുകൾ റീചാർജ് ചെയ്യുന്നതിനായി ഓൺലൈൻ, ഓഫ്ലൈൻ സംവിധാനങ്ങൾ ആർടിഎ വിപുലീകരിച്ചിട്ടുണ്ട്.

• ആപ്പുകളും ഓൺലൈൻ വെബ്‌സൈറ്റും: ‘nol Pay’ ആപ്പ്, ‘RTA Dubai’ ആപ്പ് അല്ലെങ്കിൽ ആർടിഎയുടെ ഔദ്യോഗിക വെബ്‌സൈറ്റ് വഴി ക്രെഡിറ്റ്/ഡെബിറ്റ് കാർഡുകൾ ഉപയോഗിച്ച് എവിടെയിരുന്നും കാർഡുകൾ ഓൺലൈനായി റീചാർജ് ചെയ്യാം.
• ടിക്കറ്റ് വെൻഡിംഗ് മെഷീനുകൾ: എല്ലാ ദുബൈ മെട്രോ, ട്രാം സ്റ്റേഷനുകളിലും സ്ഥാപിച്ചിട്ടുള്ള ഓട്ടോമാറ്റിക് വെൻഡിംഗ് മെഷീനുകൾ വഴി പണമായോ കാർഡുകൾ ഉപയോഗിച്ചോ സ്വയം റീചാർജ് ചെയ്യാവുന്നതാണ്.
• സൂം (ZOOM) സ്റ്റോറുകൾ: മെട്രോ സ്റ്റേഷനുകളിലും നഗരത്തിന്റെ വിവിധ ഭാഗങ്ങളിലുമുള്ള ‘സൂം’ കൺവീനിയൻസ് സ്റ്റോറുകളിലെ കൗണ്ടറുകൾ വഴി നേരിട്ട് പണമടച്ച് കാർഡുകൾ ടോപ്പ്-അപ്പ് ചെയ്യാം.
• അൽ അൻസാരി എക്സ്ചേഞ്ച്: യുഎഇയിലുടനീളമുള്ള അൽ അൻസാരി എക്സ്ചേഞ്ച് ശാഖകൾ വഴിയും യാത്രക്കാർക്ക് നോൾ കാർഡുകളിലേക്ക് തുക റീചാർജ് ചെയ്യാനുള്ള സൗകര്യമുണ്ട്.

Also Read: ഒമാനിലേക്ക് സാധനങ്ങൾ കൊണ്ടുപോകുന്നവർക്ക് നികുതിയിളവ് ലഭിക്കാൻ പുതിയ നിബന്ധനകൾ എന്തൊക്കെ? ഡ്യൂട്ടി ഫ്രീ സാധനങ്ങളുടെ പുതിയ നിയമങ്ങൾ അറിയാം

കുവൈറ്റിൽ നഴ്സുമാർക്ക് വമ്പൻ ആനുകൂല്യങ്ങൾ; അലവൻസും ബോണസും വർധിപ്പിച്ച് പുതിയ ഉത്തരവ് പുറത്തിറക്കി, പ്രധാന വിവരങ്ങൾ-

കുവൈത്ത് വിസ ചട്ടങ്ങൾ കർശനം: സന്ദർശക വിസയിൽ നിന്ന് റെസിഡൻസിയിലേക്ക് മാറാൻ പ്രത്യേക അനുമതി വേണം

Conclusion

ചുരുക്കത്തിൽ, ദുബൈ സന്ദർശിക്കുന്ന വിനോദസഞ്ചാരികൾക്ക് നഗരത്തിലെ അത്യാധുനിക പൊതുഗതാഗത സംവിധാനങ്ങൾ ഏറ്റവും കുറഞ്ഞ ചെലവിൽ ഉപയോഗപ്പെടുത്താൻ സഹായിക്കുന്ന മികച്ചൊരു ചുവടുവെപ്പാണ് ആർടിഎയുടെ പുതിയ നോൾ ട്രാവൽ കാർഡ്. യാത്രകൾക്ക് പുറമെ ലഭ്യമാകുന്ന വിപുലമായ ഡിസ്‌കൗണ്ടുകളും ഡിജിറ്റൽ പേയ്‌മെന്റ് സൗകര്യങ്ങളും ഇതിലുണ്ട്. പേപ്പർ ടിക്കറ്റുകളുടെ ബുദ്ധിമുട്ടുകൾ ഒഴിവാക്കി, നഗരത്തിലെ മെട്രോ, ബസ്, ട്രാം തുടങ്ങിയ വിവിധ പൊതുഗതാഗത മാർഗ്ഗങ്ങളിൽ ഒറ്റ ടാപ്പിലൂടെ സഞ്ചരിക്കാൻ ഈ സ്മാർട്ട് കാർഡ് സഹായിക്കുന്നു. സഞ്ചാരികളുടെ ആവശ്യാനുസരണം തിരഞ്ഞെടുക്കാൻ റെഡ് ടിക്കറ്റ്, സിൽവർ കാർഡ്, ഗോൾഡ് കാർഡ് എന്നിങ്ങനെ വിവിധ ഓപ്ഷനുകൾ ലഭ്യമാണെന്നതും ഇതിന്റെ വലിയൊരു നേട്ടമാണ്. കൃത്യമായ യാത്രാ സോൺ സിസ്റ്റവും ഡിസ്‌കൗണ്ട് അനുകൂല്യങ്ങളും പ്രയോജനപ്പെടുത്തി ദുബൈയിലെ കാഴ്ചകൾ കൂടുതൽ പോക്കറ്റ് ഫ്രണ്ട്‌ലിയായി ആസ്വദിക്കാൻ ഈ കാർഡ് സഹായിക്കും.

FAQs-

എന്താണ് നോൾ കാർഡ് ?​

ദുബൈയിലെ പൊതുഗതാഗത സംവിധാനങ്ങൾക്കായി റോഡ്‌സ് ആൻഡ് ട്രാൻസ്‌പോർട്ട് അതോറിറ്റി (RTA) പുറത്തിറക്കിയ റീചാർജ് ചെയ്യാവുന്ന സ്മാർട്ട് കാർഡാണ് ഇത്. മെട്രോ, ബസുകൾ, ട്രാം, മറൈൻ ട്രാൻസ്‌പോർട്ട് എന്നിവയിലെല്ലാം ഇത് ഉപയോഗിക്കാം.

ഈ പുതിയ നോൾ ട്രാവൽ കാർഡ് വിനോദസഞ്ചാരികൾക്ക് മാത്രമേ വാങ്ങാൻ സാധിക്കൂ?

അതെ, പ്രധാനമായും ദുബൈ സന്ദർശിക്കുന്ന വിനോദസഞ്ചാരികളെയും താൽക്കാലികമായി എത്തുന്ന സന്ദർശകരെയും ലക്ഷ്യമിട്ടാണ് ആർടിഎ ഈ പ്രത്യേക പാക്കേജ് അവതരിപ്പിച്ചിരിക്കുന്നത്. എന്നാൽ ദുബൈയിലെ സ്ഥിരതാമസക്കാർക്കും ദിവസേന യാത്ര ചെയ്യുന്നവർക്കും ഏറ്റവും അനുയോജ്യം വ്യക്തിഗത സുരക്ഷയും വിദ്യാർത്ഥികൾക്കും മുതിർന്നവർക്കും വൻ ഇളവുകളും നൽകുന്ന ‘നോൾ ബ്ലൂ കാർഡാണ്’

പുതിയ നോൾ ട്രാവൽ കാർഡ് വാങ്ങുമ്പോൾ ലഭിക്കുന്ന ഡിസ്‌കൗണ്ടുകൾ എങ്ങനെയാണ് ഉപയോഗിക്കേണ്ടത്?

കാർഡിൽ അടങ്ങിയിരിക്കുന്ന പ്രത്യേക ക്യുആർ കോഡ് സ്കാൻ ചെയ്തുകൊണ്ടോ, നിശ്ചിത ഔട്ട്‌ലെറ്റുകളിൽ പെയ്‌മെന്റ് നടത്തുമ്പോൾ നോൾ ട്രാവൽ കാർഡ് കാണിച്ചുകൊണ്ടോ വിനോദസഞ്ചാരികൾക്ക് 10% മുതൽ 50% വരെയുള്ള വൻ കിഴിവുകൾ നേരിട്ട് സ്വന്തമാക്കാവുന്നതാണ്.

കാർഡിലെ 19 ദിർഹം ബാലൻസ് തീർന്നാൽ യാത്രകൾ എങ്ങനെ തുടരും?

കാർഡിലെ പ്രാരംഭ ബാലൻസ് തീർന്നാലും ‘nol Pay’ ആപ്പ് വഴിയോ മെട്രോ സ്റ്റേഷനുകളിലെ വെൻഡിംഗ് മെഷീനുകൾ വഴിയോ ക്രെഡിറ്റ്/ഡെബിറ്റ് കാർഡുകൾ ഉപയോഗിച്ച് എളുപ്പത്തിൽ റീചാർജ് ചെയ്ത് യാത്രകൾ തുടരാവുന്നതാണ്.

ഒരു വിനോദസഞ്ചാരിക്ക് ഒന്നിലധികം നോൾ കാർഡുകൾ ഒരേസമയം കൈവശം വെക്കാമോ?

അതെ, വ്യക്തിഗത വിവരങ്ങൾ നൽകാത്ത അനോണിമസ് കാർഡുകൾ ആണെങ്കിൽ ഒരാൾക്ക് ഒന്നിലധികം കാർഡുകൾ വാങ്ങാം. എന്നാൽ ഒരേ യാത്രയിൽ ഒരു കാർഡ് ഉപയോഗിച്ച് ഒരാൾക്ക് മാത്രമേ മെട്രോ ഗേറ്റുകൾ കടക്കാൻ സാധിക്കൂ.

വിനോദസഞ്ചാരികൾക്ക് ഏത് നോൾ കാർഡാണ് ഏറ്റവും അനുയോജ്യം?

ചുരുങ്ങിയ ദിവസത്തേക്ക് വരുന്നവർക്ക് പേപ്പർ അധിഷ്ഠിത നോൾ റെഡ് കാർഡ് ഉപയോഗിക്കാം. എന്നാൽ കൂടുതൽ ദിവസങ്ങളിലേക്കും സ്ഥിരമായ യാത്രകൾക്കും നോൾ സിൽവർ കാർഡ് ആണ് ഏറ്റവും ജനപ്രിയവും പ്രായോഗികവുമായ ഓപ്ഷൻ.

ദുബൈയിൽ നിന്ന് തിരിച്ചുപോകുമ്പോൾ കാർഡിൽ ബാക്കിയുള്ള പണം തിരികെ ലഭിക്കുമോ?

മെട്രോ സ്റ്റേഷനുകളിലെ ടിക്കറ്റ് കൗണ്ടറുകളിൽ കാർഡ് ഏൽപ്പിച്ചാൽ ചെറിയൊരു പ്രൊസസിംഗ് ഫീസ് ഈടാക്കിയ ശേഷം ബാക്കി തുക റീഫണ്ട് ആയി ലഭിക്കുന്നതാണ്. എന്നാൽ കാർഡിന് 5 വർഷത്തെ കാലാവധി ഉള്ളതിനാൽ അടുത്ത സന്ദർശന വേളയിലും ഇതേ കാർഡ് ഉപയോഗിക്കാവുന്നതാണ്.