Published: Saturday, 1 August 2026, at 7:32 am| Dubai | Edited: Saturday, 1 August 2026, at 7:38 am
അബുദാബി: ഗൾഫിലെ ഓഗസ്റ്റ് മാസം എപ്പോഴും പ്രവാസികൾക്ക് ഒരു പ്രത്യേക ഘട്ടമാണ്. വേനലവധിയുടെ അവസാന ദിവസങ്ങൾ, കുട്ടികളുടെ സ്കൂൾ തുറക്കാനുള്ള ഓട്ടം, നാട്ടിലേക്ക് പോകുന്നവരും വരുന്നവരുമായ പ്രവാസികളുടെ യാത്രകൾ… അങ്ങനെ ഒരുപാട് കാര്യങ്ങൾ. ഈ ഓഗസ്റ്റ് മാസം നമ്മൾ ഒട്ടും പ്രതീക്ഷിക്കാത്ത ചില മാറ്റങ്ങളും സർപ്രൈസുകളുമാണ് യുഎഇയിൽ കാത്തിരിക്കുന്നത്(UAE August Guide 2026) . അവ എന്തൊക്കെയാണെന്ന് വിശദമായി നോക്കാം.
ALSO READ:
- ലോൺ അടവ് മുടങ്ങിയോ? പേടിക്കേണ്ട ആശ്വസിക്കാൻ വകയുണ്ട്, യുഎഇ സെൻട്രൽ ബാങ്കിന്റെ നിർണായക പ്രഖ്യാപനം- അറിയേണ്ടതെല്ലാം
- ദുബായ് സാലിക് ടോൾ നിരക്കുകൾ എങ്ങനെ കണക്കാക്കാം? പ്രവാസികൾക്കായൊരു സമ്പൂർണ ഗൈഡ്
- യുഎഇയിലെ പൊടിക്കാറ്റിൽ നിന്നും എങ്ങനെ സുരക്ഷിതമായി വാഹനമോടിക്കാം? പ്രവാസികൾക്കുള്ള നിർദേശങ്ങൾ ഇതാ…
ലോങ് വീക്കെൻഡ് വരുന്നു: പ്രവാചക ജന്മദിന അവധി (UAE public holiday August 2026)
ഓഗസ്റ്റ് മാസത്തിലെ കടുത്ത ചൂടിൽ ജോലി ചെയ്യുന്ന പ്രവാസികൾക്ക് വലിയൊരു ആശ്വാസവാർത്തയാണിത്. റബീഉൽ അവ്വൽ 12 പ്രമാണിച്ച് ഓഗസ്റ്റ് 25 ചൊവ്വാഴ്ചയാണ് പ്രവാചക ജന്മദിന ഔദ്യോഗിക അവധി പ്രതീക്ഷിക്കുന്നത് (മാസപ്പിറവി കാണുന്നതിനനുസരിച്ച് തീയതിയിൽ മാറ്റം വരാം).
യുഎഇയിലെ പതിവ് പൊതുഅവധി നിയമമനുസരിച്ച്, ചൊവ്വാഴ്ചത്തെ അവധി ഓഗസ്റ്റ് 24 തിങ്കളാഴ്ചയിലേക്ക് മാറ്റാൻ സാധ്യതയുണ്ട്. അങ്ങനെ വന്നാൽ ശനി, ഞായർ, തിങ്കൾ എന്നിങ്ങനെ തുടർച്ചയായി 3 ദിവസം പ്രവാസികൾക്ക് റൂമിൽ വിശ്രമിക്കാനോ ഫാമിലിയുമൊത്ത് പുറത്തുപോകാനോ പറ്റിയ അടിപൊളി ലോങ് വീക്കെൻഡ് ലഭിക്കും.
40 ഡിഗ്രി ചൂടിനിടയിലും അപ്രതീക്ഷിത മഴയും പൊടിക്കാറ്റും
ഗൾഫിലെ ഓഗസ്റ്റ് മാസം എന്ന് പറഞ്ഞാൽ കടുത്ത ചൂടിന്റെ സമയമാണ്. എന്നാൽ പുറത്തിറങ്ങി പണിടെടുക്കുന്ന പ്രവാസികളും ഡ്രൈവ് ചെയ്യുന്നവരും കാലാവസ്ഥയിലെ ഈ മാറ്റം പ്രത്യേകം ശ്രദ്ധിക്കണം. താപനില 40 ഡിഗ്രിക്ക് മുകളിൽ നിൽക്കുമ്പോഴും രാജ്യത്ത് അപ്രതീക്ഷിത മഴയ്ക്ക് സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം (NCM) അറിയിച്ചിട്ടുണ്ട്.
- എവിടെയൊക്കെ: രാജ്യത്തിന്റെ കിഴക്കൻ, പടിഞ്ഞാറൻ മേഖലകളിൽ.
- എന്തൊക്കെ ശ്രദ്ധിക്കണം: ഓഗസ്റ്റ് 3 തിങ്കളാഴ്ച വരെ ഉച്ചകഴിഞ്ഞ് മേഘാവൃതമായ അന്തരീക്ഷവും അപ്രതീക്ഷിത മഴയും പൊടിക്കാറ്റും ഉണ്ടാകാം. ദൂരയാത്ര ചെയ്യുന്നവർ ഡ്രൈവിംഗിൽ ശ്രദ്ധിക്കുക.
ALSO READ:
- നാട്ടിലേക്ക് ടിക്കെറ്റെടുത്തോ, എങ്കിൽ എയർ ഇന്ത്യയുടെ ഈ അറിയിപ്പ് കൂടി ശ്രദ്ധിക്കുക: അല്ലെങ്കിൽ ഫ്ളൈറ്റ് മിസ്സായേക്കാം
- വിദേശ സഞ്ചാരികൾക്ക് ആശ്വാസം, കറൻസി മാറ്റേണ്ട തലവേദന വേണ്ട; വിദേശത്ത് ഇനി യു.പി.ഐ വഴി എളുപ്പത്തിൽ പണമടയ്ക്കാം, എന്താണ് പുതിയ മാറ്റം?
ദുബായ് സമ്മർ സർപ്രൈസസ്: ഓഫറുകൾ തീരാൻ ഇനി ദിവസങ്ങൾ മാത്രം (Dubai Summer Surprises offers 2026)
റൂമിലേക്ക് ആവശ്യമായ സാധനങ്ങൾ വാങ്ങാനും, നാട്ടിൽ പോകുമ്പോൾ വീട്ടുകാർക്കും കൂട്ടുകാർക്കും കൊടുക്കാനുള്ള ഗിഫ്റ്റുകൾ വാങ്ങാനും കാത്തിരിക്കുന്നവർക്ക് ഇത് നല്ലൊരു അവസരമാണ്. ദുബായ് സമ്മർ സർപ്രൈസസ് നൽകുന്ന വൻ ഓഫറുകൾ അവസാന ഘട്ടത്തിലേക്ക് കടക്കുകയാണ്.
നാട്ടിൽ പോകുന്നതിന് മുൻപ് ഗ്രേറ്റ് ദുബായ് സമ്മർ സെയിലിലൂടെ 1,000-ത്തിലധികം പ്രമുഖ ബ്രാൻഡുകളിൽ നിന്ന് 80% മുതൽ 90% വരെ ഓഫറിൽ സാധനങ്ങൾ വാങ്ങാം. ഈ ഓഫറുകൾ ഓഗസ്റ്റ് 30 വരെ ഉണ്ടാകും. കൂടാതെ ഭക്ഷണപ്രിയർക്കായി നടക്കുന്ന ‘സമ്മർ റെസ്റ്റോറന്റ് വീക്ക്’ ഓഗസ്റ്റ് 2-ഓടെ അവസാനിക്കും.
വിമാന സർവീസുകളിൽ നിയന്ത്രണം: ടിക്കറ്റ് ബുക്ക് ചെയ്ത പ്രവാസികൾ ശ്രദ്ധിക്കുക (UAE flight disruptions August)
വേനലവധിക്ക് നാട്ടിൽ പോവാനും, അവധി കഴിഞ്ഞ് തിരികെ ഗൾഫിലേക്ക് വരാനും നിൽക്കുന്ന പ്രവാസികൾ വിമാന സർവീസുകളിലെ ഈ മാറ്റങ്ങൾ നിർബന്ധമായും അറിഞ്ഞിരിക്കണം. പ്രാദേശിക അനിശ്ചിതത്വങ്ങൾ കാരണം പല പ്രമുഖ വിദേശ എയർലൈനുകളും ദുബായിലേക്കുള്ള സർവീസുകൾ നിർത്തിവെച്ചിരിക്കുകയാണ്.
എന്നാൽ എമിറേറ്റ്സും ഇത്തിഹാദും ഭൂരിഭാഗം റൂട്ടുകളിലും പതിവുപോലെ തടസ്സമില്ലാതെ സർവീസ് നടത്തുന്നുണ്ട് എന്നത് വലിയൊരു ആശ്വാസമാണ്.
- എയർ ഫ്രാൻസ്: ദുബായ് സർവീസുകൾ ഓഗസ്റ്റ് 11-ന് പുനരാരംഭിക്കും.
- എയർ അസ്താന: അൽമാറ്റി, അസ്താന വിമാനങ്ങൾ ഓഗസ്റ്റ് 31 വരെ റദ്ദാക്കി.
- ഏജിയൻ എയർലൈൻസ്: ഓഗസ്റ്റ് 31 വരെ ദുബായിലേക്ക് വിമാനങ്ങളില്ല.
- കെഎൽഎം (KLM): സർവീസ് നിർത്തിവെച്ചത് ഈ മാസം മുഴുവൻ നീട്ടി.
- മറ്റ് എയർലൈനുകൾ: ബ്രിട്ടീഷ് എയർവേയ്സ്, സിംഗപ്പൂർ എയർലൈൻസ്, കാത്തേ പസഫിക്, ലുഫ്താൻസ എന്നിവ സെപ്റ്റംബർ, ഒക്ടോബർ മാസങ്ങളിലേക്കും റദ്ദാക്കൽ നീട്ടിയിട്ടുണ്ട്.
പുതിയ കമ്മ്യൂണിറ്റി മാൾ: ‘ദി ഗ്രാൻഡ്’ ഓഗസ്റ്റ് 19-ന് തുറക്കുന്നു
വീക്കെൻഡുകളിൽ ഫാമിലിയുമൊത്ത് സമയം ചെലവഴിക്കാനും പർച്ചേസിംഗിനും പുതിയൊരു ഇടം കൂടി ദുബായിൽ വരികയാണ്. നാദ് അൽ ഷെബ ഗാർഡൻസിൽ സ്ഥിതി ചെയ്യുന്ന ‘ദി ഗ്രാൻഡ്’ കമ്മ്യൂണിറ്റി മാൾ ഓഗസ്റ്റ് 19-ന് പ്രവർത്തനം ആരംഭിക്കും.
പ്രവാസികളുടെ ദൈനംദിന ആവശ്യങ്ങൾക്കുള്ള ഗ്രോസറികളും സൂപ്പർമാർക്കറ്റുകളും, കഫേകളും റെസ്റ്റോറന്റുകളും, ഹെൽത്ത് & വെൽനസ് സെന്ററുകളുമെല്ലാം ഈ പുതിയ മാളിൽ ഒരുക്കിയിട്ടുണ്ട്.
സ്കൂൾ തുറക്കുന്നു: നാട്ടിൽ പോയ ഫാമിലികൾ തിരിച്ചെത്താൻ സമയമായി (UAE school reopening date 2026)
വേനലവധിക്ക് കുട്ടികളെയുമെടുത്ത് നാട്ടിൽ പോയ പ്രവാസി കുടുംബങ്ങൾക്ക് ഇനി മടങ്ങിവരാനുള്ള സമയമായി. നീണ്ട അവധിക്കാലത്തിന് ശേഷം യുഎഇയിലെ സ്കൂളുകൾ ഓഗസ്റ്റ് 31 തിങ്കളാഴ്ച പുതിയ അധ്യയന വർഷത്തിനായി തുറക്കുകയാണ്.
യുഎഇ വിദ്യാഭ്യാസ മന്ത്രാലയം പുറത്തിറക്കിയ മൂന്ന് വർഷത്തെ (2026-2029) ഏകീകൃത അക്കാദമിക് കലണ്ടർ പ്രകാരമാണ് പൊതു, സ്വകാര്യ സ്കൂളുകൾ ഒരേ ദിവസം തുറക്കുന്നത്. വിമാന ടിക്കറ്റ് നിരക്ക് ഉയരുന്നതിന് മുൻപും, കുട്ടികളുടെ സ്കൂൾ തുറക്കുന്നതിന് മുൻപും ഓഗസ്റ്റ് 31-ന് മുൻപായി തിരിച്ചെത്താൻ പ്ലാൻ ചെയ്യുക.
ALSO READ:
- ചക്കപഴം, കസ്കസ്, ഇതൊന്നും കൊണ്ട് ദുബായിലേക്ക് പോകല്ലേ: ദുബായ് എയർപോർട്ടിൽ നിരോധനമുള്ള വസ്തുക്കളുടെ ലിസ്റ്റ് അറിയാം..
- ദുബായിൽ പാസ്പോർട്ട് കോപ്പി എങ്ങനെ അറ്റസ്റ്റ് ചെയ്യാം? അറ്റസ്റ്റേഷൻ ഘട്ടങ്ങൾ, ഫീസ്, ആവശ്യമായ രേഖകൾ, എല്ലാം അറിയാം
FAQ
നബിദിന അവധി പ്രമാണിച്ച് ലോങ് വീക്കെൻഡ് കിട്ടുമോ?
അതെ, ഓഗസ്റ്റ് 24 തിങ്കളാഴ്ച അവധി ലഭിച്ചാൽ തുടർച്ചയായി 3 ദിവസം ലോങ് വീക്കെൻഡ് ലഭിക്കും.
ഡിഎസ്എസ് (DSS) ഷോപ്പിംഗ് ഓഫറുകൾ എന്ന് വരെ ഉണ്ടാകും?
ഓഗസ്റ്റ് 30 വരെ 80% മുതൽ 90% വരെ ഡിസ്കൗണ്ടിൽ സാധനങ്ങൾ വാങ്ങാം.
വേനലവധി കഴിഞ്ഞ് സ്കൂളുകൾ എന്ന് തുറക്കും?
യുഎഇയിലെ എല്ലാ സ്കൂളുകളും ഓഗസ്റ്റ് 31 തിങ്കളാഴ്ച തുറക്കും.
English Summary: The UAE August Guide 2026 highlights seven essential updates for residents, including anticipated public holidays, changing summer weather, extended airline suspensions, and final shopping sales. It also covers the opening of a new community mall and the official school reopening on August 31.