Published: Friday, 21 August 2026,at 1:32 pm| Dubai | Edited: Friday, 21 August 2026, at 1:36 pm

കൊച്ചി: ബോക്സ്ഓഫിസിൽ വീണ്ടും വിജയക്കൊടി പാറിച്ച് നിവിൻ പോളിയുടെ തേരോട്ടം. ഓണം റിലീസായി തിയേറ്ററുകളിലെത്തിയ ‘ബത്‌ലഹേം കുടുംബ യൂണിറ്റ്’ ആദ്യ ഷോ കഴിയുമ്പോൾ പ്രേക്ഷകരിൽ നിന്നും ഗംഭീര പ്രതികരണമാണ് നേടുന്നത്. നിവിൻ പോളി–മമിത ബൈജു കൂട്ടുകെട്ടിന്റെ കെമിസ്ട്രിയും ചിത്രത്തിന്റെ കൂടുതൽ വിശേഷങ്ങളും വായിക്കാം(Bethlehem Kudumba Unit Review)..

ALSO READ:

• പ്രതീക്ഷയ്‌ക്കൊത്തുയർന്നോ ‘ഖലീഫ’: റിവ്യൂ വായിക്കാം…
• വിശ്വനാഥ് & സൺസ്: സൂര്യയുടെ പുതിയ പടം എങ്ങനെയുണ്ട്? റിവ്യൂ വായിക്കാം
• ഒരു രൂപ പോലും മുടക്കണ്ട, 1 ലക്ഷം ദിർഹം സമ്മാനമായി നേടാം: ബിഗ് ടിക്കറ്റിന്റെ വമ്പൻ സർപ്രൈസ്: പ്രവാസികളെ, ഈ അവസരം മിസ്സാക്കല്ലേ

പ്രണയവും ചിരിയും നിറഞ്ഞ ഓണം എന്റർടെയ്‌നർ

‘തണ്ണീർമത്തൻ ദിനങ്ങൾ’, ‘സൂപ്പർ ശരണ്യ’, ‘പ്രേമലു’ എന്നീ സൂപ്പർഹിറ്റുകൾക്ക് ശേഷം ഗിരീഷ് എ.ഡി. സംവിധാനം ചെയ്ത ചിത്രമാണ് ‘ബെത്‌ലഹേം കുടുംബ യൂണിറ്റ്’. കഴിഞ്ഞ ക്രിസ്മസിന് ‘സർവം മായ’യിലൂടെ 100 കോടി വാരിയ നിവിൻ പോളി, ഈ ഓണക്കാലത്തും കോടി ക്ലബ്ബിലെത്തുമെന്ന പ്രതീക്ഷയിലാണ് ആരാധകർ.

ഭാവന സ്റ്റുഡിയോസിന്റെ ബാനറിൽ ദിലീഷ് പോത്തൻ, ഫഹദ് ഫാസിൽ, ശ്യാം പുഷ്കരൻ എന്നിവർ ചേർന്ന് നിർമ്മിക്കുന്ന ആറാമത്തെ ചിത്രമാണിത്. മലയാളത്തിലെ ശ്രദ്ധേയ ബാനറായ ഭാവന സ്റ്റുഡിയോസും നിവിൻ പോളിയും ആദ്യമായി ഒരുമിക്കുന്ന ചിത്രം കൂടിയാണിത്.

കഥാപശ്ചാത്തലവും പ്രമേയവും

വളരെ ലളിതമായ ഒരു കഥാതന്തുവിനെ എൻഗേജിംഗായി അവതരിപ്പിക്കുകയാണ് ചിത്രത്തിൽ ചെയ്തിരിക്കുന്നത്. പ്രണയത്തിനും കോമഡിക്കും പ്രാധാന്യം നൽകിയാണ് ചിത്രം ഒരുക്കിയിരിക്കുന്നത്.

അങ്കമാലി-കറുകുറ്റി പശ്ചാത്തലത്തിലാണ് സിനിമ സംഭവിക്കുന്നത്. മുണ്ടക്കയത്തു നിന്നും കുടുംബത്തോടൊപ്പം അങ്കമാലിയിലേക്ക് താമസം മാറുന്ന ‘ആഷ്‌ലി’ എന്ന കോളേജ് വിദ്യാർത്ഥിനിയിലൂടെയാണ് കഥ മുന്നോട്ട് പോകുന്നത്. അയൽപക്കത്തെ വീട്ടിൽ താമസിക്കുന്ന, കാറ്ററിങ് സർവീസ് നടത്തുന്ന അവിവാഹിതനായ ‘ജസ്റ്റിൻ’ എന്ന കഥാപാത്രമായി നിവിൻ പോളിയും ആഷ്‌ലിയായി മമിത ബൈജുവും എത്തുന്നു. തന്നേക്കാൾ 12 വയസ്സിലേറെ പ്രായ വ്യത്യാസമുള്ള അയൽക്കാർ തമ്മിലുള്ള സൗഹൃദവും പ്രണയവും, തുടർന്ന് ഇവർ നേരിടുന്ന ബുദ്ധിമുട്ടുകളുമാണ് ചിത്രം പറയുന്നത്.

ALSO READ:

• ആഘോഷിക്കാൻ തയ്യാറായിക്കോളൂ! ​യു.എ.ഇയിലെ മലയാളികൾക്ക് ഇതാ ആഘോഷരാവുകൾ; ഓഗസ്റ്റ്-സെപ്റ്റംബർ മാസങ്ങളിലെ മസ്റ്റ്-അറ്റൻഡ് പരിപാടികൾ..
• ആരും പറയാൻ മടിക്കുന്ന സത്യങ്ങൾ: മോളിവുഡ് ടൈംസ്, മലയാള സിനിമയുടെ മുഖംമൂടി അഴിച്ചുമാറ്റുന്ന സത്യങ്ങൾ ( റിവ്യൂ)

താരനിര

ഓണക്കാലത്ത് കുടുംബപ്രേക്ഷകരെയും ചെറുപ്പക്കാരെയും ഒന്നാകെ തിയറ്ററുകളിലേക്ക് ആകർഷിക്കാനുള്ള എല്ലാ ചേരുവകളും നിറച്ചാണ് ചിത്രം ഒരുക്കിയിരിക്കുന്നത്. താരങ്ങളുടെ മികച്ച പ്രകടനമാണ് ചിത്രത്തിന്റെ കരുത്ത്.

• പ്രധാന കഥാപാത്രങ്ങൾ: നിവിൻ പോളി , മമിത ബൈജു എന്നിവർക്കൊപ്പം സംഗീത പ്രതാപ്, സുരേഷ് കൃഷ്ണ എന്നിവരും പ്രധാന വേഷങ്ങളിലെത്തുന്നു.
• മറ്റു താരങ്ങൾ: ബിന്ദു പണിക്കർ, വിനയ് ഫോർട്ട്, റോഷൻ ഷാനവാസ്, ശ്യാം മോഹൻ, ഷമീർ ഖാൻ, ശ്രിന്ദ , മീനാക്ഷി രവീന്ദ്രൻ , പാർവതി അയ്യപ്പദാസ്, ജയശങ്കർ കരിമുട്ടം, തങ്കം മോഹൻ, വെട്ടുകിളി പ്രകാശ്, ജാസർ, ചെമ്പിൽ അശോകൻ തുടങ്ങിയവർ അഭിനയിക്കുന്നു. നിർമ്മാതാവ് ശ്യാം പുഷ്കരൻ അതിഥിവേഷത്തിലുമുണ്ട്.
• അണിയറപ്രവർത്തകർ: ഗിരീഷ് എ.ഡിയും കിരൺ ജോസിയും ചേർന്ന് രചന നിർവ്വഹിച്ച ചിത്രത്തിന്റെ ഛായാഗ്രഹണം അജ്‌മൽ സാബുവും, സംഗീതം വിഷ്ണു വിജയിയും, എഡിറ്റിംഗ് ആകാശ് ജോസഫ് വർഗ്ഗീസും കൈകാര്യം ചെയ്തു.

ഗിരീഷ് എ.ഡിയുടെ തനത് കോമഡി ശൈലി ഭാഗികമായി മിസ്സ് ആയെന്ന് ചിലർക്ക് തോന്നാമെങ്കിലും, രണ്ടര മണിക്കൂറിലേറെ പ്രേക്ഷകരെ മടുപ്പില്ലാതെ തിയേറ്ററിൽ ഇരുത്താൻ ചിത്രത്തിന് സാധിക്കുന്നുണ്ട്. ക്ലീൻ കോമഡികളും മികച്ച ഫീൽഗുഡ് വൈബും സമ്മാനിക്കുന്ന ‘ബെത്‌ലഹേം കുടുംബ യൂണിറ്റ്’ ധൈര്യമായി ടിക്കറ്റെടുക്കാവുന്ന ഒരു കംപ്ലീറ്റ് ഫാമിലി എന്റർടെയ്‌നറാണ്.

ALSO READ:

• കുഴിനിലത്തെ രഹസ്യങ്ങൾ തേടി ഷെയിൻ നിഗം: ‘ദൃഢം’ പ്രേക്ഷകനെ പിടിച്ചിരുത്തുന്ന കുറ്റാന്വേഷണം
• സ്ത്രീകൾ വാഴാത്ത തറവാട്ടിലേക്ക് മൂന്ന് കല്യാണങ്ങൾ! ഷറഫുദ്ധീൻറെ ‘മധുവിധു’

FAQs

‘ബെത്‌ലഹേം കുടുംബ യൂണിറ്റ്’ ചിത്രത്തിന്റെ സംവിധായകൻ ആരാണ്?
ഗിരീഷ് എ.ഡി. ആണ് ഈ ചിത്രം സംവിധാനം ചെയ്തിരിക്കുന്നത്.

ചിത്രത്തിൽ നിവിൻ പോളിയും മമിത ബൈജുവും അവതരിപ്പിക്കുന്ന കഥാപാത്രങ്ങൾ ഏതൊക്കെയാണ്?
നിവിൻ പോളി കാറ്ററിങ് നടത്തുന്ന ജസ്റ്റിനായും, മമിത ബൈജു കോളേജ് വിദ്യാർത്ഥിയായ ആഷ്‌ലിയായും എത്തുന്നു.

ഭാവന സ്റ്റുഡിയോസിന്റെ എത്രമത്തെ ചിത്രമാണിത്?
ഭാവന സ്റ്റുഡിയോസ് നിർമ്മിക്കുന്ന ആറാമത്തെ ചിത്രമാണിത്.

ചിത്രത്തിന്റെ കഥ സംഭവിക്കുന്നത് ഏത് സ്ഥലത്തിന്റെ പശ്ചാത്തലത്തിലാണ്?
അങ്കമാലി-കറുകുറ്റി ഭാഗത്തെ പശ്ചാത്തലമാക്കിയാണ് ചിത്രം ഒരുക്കിയിരിക്കുന്നത്.

English Summary:The Bethlehem Kudumba Unit review highlights Girish A.D.’s hilarious rom-com featuring Nivin Pauly and Mamitha Baiju. Packed with family entertainment, sharp comedy timing, and brilliant performances, this Bhavana Studios production delivers an engaging theatrical experience for Onam moviegoers.