Published: Tuesday, 11 August 2026 , 1:09 pm| Dubai | Edited: Tuesday, 11 August 2026 , at 1:11 pm

അബുദാബി: ഒരു അവധി കിട്ടുക എന്നത് പ്രവാസികളെ സംബന്ധിച്ച് ഏറ്റവും സന്തോഷകരമായ കാര്യമാണ്. അങ്ങനെയെങ്കിൽ അടുത്ത വർഷം (2027) ലഭിക്കാൻ പോകുന്ന പൊതുഅവധികളെ കുറിച്ച് അറിഞ്ഞാലോ(UAE Holidays 2027). അടുത്ത വർഷത്തിൽ യുഎഇ പ്രവാസികളെ കാത്തിരിക്കുന്ന നീണ്ട അവധികളും അവ പരമാവധി പ്രയോജനപ്പെടുത്താനുള്ള വഴികളും ഇതിലൂടെ മനസ്സിലാക്കാം.

ALSO READ:

• പ്രവാസികൾക്ക് സുവർണ്ണാവസരം; ഗ്ലോബൽ വില്ലേജ് സീസൺ 31; ബിസിനസ്സ് ആരംഭിക്കാൻ അപേക്ഷകൾ ക്ഷണിച്ചു; അപേക്ഷിക്കേണ്ട രീതിയും നിബന്ധനകളും
• ഒരു രൂപ പോലും മുടക്കണ്ട, 1 ലക്ഷം ദിർഹം സമ്മാനമായി നേടാം: ബിഗ് ടിക്കറ്റിന്റെ വമ്പൻ സർപ്രൈസ്: പ്രവാസികളെ, ഈ അവസരം മിസ്സാക്കല്ലേ
• ബിസിനസ്സ് സ്ഥാപനങ്ങളുടെ നെയിം ബോർഡുകൾക്ക് പുതിയ നിയന്ത്രണവുമായി ദുബായ്; വീഴ്ച വരുത്തിയാൽ ‘മുട്ടൻ പണി’

2027 ലെ യുഎഇയിലെ പൊതുഅവധികൾ (UAE Holidays 2027)

യു.എ.ഇയിലെ പൊതുഅവധി ദിനങ്ങളിൽ ഭൂരിഭാഗവും ഇസ്ലാമിക് ഹിജ്റ കലണ്ടറിനെ അടിസ്ഥാനമാക്കിയുള്ളതാണ്. അതിനാൽ തന്നെ ഔദ്യോഗികമായി മാസം കാണുന്നതിനെ ആശ്രയിച്ചായിരിക്കും ഇതിൽ പല അവധികളും തീരുമാനിക്കപ്പെടുന്നത്. ഓരോ ഹിജ്റ മാസത്തിലും 29 അല്ലെങ്കിൽ 30 ദിവസങ്ങൾ ഉണ്ടാകും. മാസത്തിലെ 29-ാം ദിവസം വൈകുന്നേരം ചന്ദ്രദർശന സമിതി യോഗം ചേരുകയും മാസം കണ്ടാൽ തൊട്ടടുത്ത ദിവസം പുതിയ മാസം ആരംഭിക്കുകയും ചെയ്യും. മാസം കണ്ടില്ലെങ്കിൽ നിലവിലെ മാസം 30 ദിവസം പൂർത്തിയാക്കും.ജ്യോതിശാസ്ത്ര കണക്കുകൂട്ടലുകൾ പ്രകാരം 2027 ഫെബ്രുവരി 8 തിങ്കളാഴ്ച റമദാൻ വ്രതാരംഭം പ്രതീക്ഷിക്കുന്നു.ഈദുൽ ഫിത്തർ, ഈദുൽ അദ്ഹാ അവധികൾ ചന്ദ്രദർശനത്തിന് വിധേയമായിട്ടായിരിക്കും ഔദ്യോഗികമായി പ്രഖ്യാപിക്കുക.

2027-ൽ പ്രതീക്ഷിക്കുന്ന പൊതുഅവധികൾ (UAE public holidays 2027)

മന്ത്രിസഭാ തീരുമാനങ്ങളും ജ്യോതിശാസ്ത്ര കണക്കുകൂട്ടലുകളും അടിസ്ഥാനമാക്കി പ്രതീക്ഷിക്കുന്ന അവധി ദിനങ്ങൾ താഴെ നൽകുന്നു

ALSO READ:

• സുവർണാവസരം: ഇന്ത്യക്കാർക്ക് സൗജന്യ ടൂറിസ്റ്റ് വിസ പ്രഖ്യാപിച്ച് അബുദാബി
• ദുബായിൽ ഗതാഗതക്കുരുക്കിന് വിരാമം; അൽ ഖുദ്റ റോഡിൽ പുതിയ നാലുവരി മേൽപ്പാലം തുറന്നു; സവിശേഷതകൾ നോക്കാം..

പ്രവാസികൾ അറിഞ്ഞിരിക്കേണ്ട ക്യാബിനറ്റ് നിയമങ്ങൾ (UAE Cabinet holiday rules)

പ്രവാസികൾക്ക് നീണ്ട വാരാന്ത്യങ്ങൾ ലഭിക്കുന്ന രീതിയിൽ അവധി ദിനങ്ങളിൽ മാറ്റം വരുത്താൻ യു.എ.ഇ ക്യാബിനറ്റിന് അധികാരമുണ്ട്. എന്നാൽ ഇതിൽ ചില കൃത്യമായ വ്യവസ്ഥകളും നിയന്ത്രണങ്ങളുമുണ്ട്.

വാരാന്ത്യത്തിന്റെ തുടക്കത്തിലേക്കോ ഒടുക്കത്തിലേക്കോ പൊതുഅവധികൾ മാറ്റാൻ ക്യാബിനറ്റിന് തീരുമാനമെടുക്കാം. എന്നാൽ ഈദുൽ ഫിത്തർ, ഈദുൽ അദ്ഹാ എന്നീ പ്രധാന മതപരമായ അവധികൾ മാറ്റാൻ സാധിക്കില്ല. 2024-ലെ കാബിനറ്റ് റെസൊല്യൂഷൻ 27-ലെ ആർട്ടിക്കിൾ 3 പ്രകാരം, ഒരു പൊതുഅവധി മറ്റൊരു പൊതുഅവധിയുടെ അതേ ദിവസം തന്നെ വരികയാണെങ്കിൽ അവധി മറ്റൊരു ദിവസത്തേക്ക് മാറ്റില്ല. കൂടാതെ, ഔദ്യോഗിക വാരാന്ത്യ ദിനങ്ങളായ ശനി, ഞായർ ദിവസങ്ങളിൽ വരുന്ന പൊതുഅവധികൾ സാധാരണ പ്രവർത്തിദിവസങ്ങളിലേക്ക് മാറ്റി നൽകാറുമില്ല.

പ്രവാസികൾക്ക് അവധികൾ നീട്ടിയെടുക്കാനുള്ള സ്മാർട്ട് പ്ലാനിംഗ് വഴികൾ (UAE long weekends 2027)

പ്രവാസികൾക്ക് നാട്ടിൽ പോകാനും കുടുംബത്തോടൊപ്പം സമയം ചിലവഴിക്കാനും ലീവുകൾ കൃത്യമായി ആസൂത്രണം ചെയ്യുന്നത് വഴി സാധിക്കും.

പുതുവർഷത്തിന്റെ തുടക്കത്തിൽ 5 ദിവസം വാർഷിക ലീവ് എടുത്താൽ മൊത്തം 10 ദിവസത്തെ നീണ്ട അവധി ആസ്വദിക്കാം. ഈദുൽ ഫിത്തറിന് മാർച്ച് 8 തിങ്കളാഴ്ച ലീവ് എടുത്താൽ, റമദാൻ മാസത്തിന്റെ ദൈർഘ്യമനുസരിച്ച് 6 ദിവസത്തെ അല്ലെങ്കിൽ 9 ദിവസത്തെ (മാർച്ച് 6 മുതൽ മാർച്ച് 14 വരെ) വലിയ അവധി ലഭിക്കും. അറഫാ ദിനത്തിനും ബലിപെരുന്നാളിനും ഒപ്പം മേയ് 19, 20, 21 തീയതികളിൽ ലീവ് അപ്ലൈ ചെയ്താൽ മേയ് 15 മുതൽ മേയ് 23 വരെ തുടർച്ചയായി 9 ദിവസത്തെ ലീവ് ലഭിക്കും. ഡിസംബറിലെ ഈദ് അൽ ഇത്തിഹാദ് അവധിക്കൊപ്പം ഡിസംബർ 1 ബുധനാഴ്ച ലീവ് എടുത്താൽ അവധി 5 ദിവസമായി നീട്ടിയെടുക്കാൻ സാധിക്കും.

പൊതുഅവധി ദിനങ്ങളിലെ ജോലിയും ജീവനക്കാരുടെ ആനുകൂല്യങ്ങളും

പൊതുഅവധി ദിനങ്ങളിൽ ജീവനക്കാർക്ക് വേതനത്തോടുകൂടിയ അവധിക്ക് അർഹതയുണ്ട്. എന്നാൽ സ്ഥാപനത്തിന്റെ ആവശ്യങ്ങൾക്കായി ഈ ദിവസങ്ങളിൽ ജീവനക്കാരോട് ജോലി ചെയ്യാൻ തൊഴിലുടമയ്ക്ക് ആവശ്യപ്പെടാം.

പൊതുഅവധിയിൽ ജോലി ചെയ്യേണ്ടി വരുന്ന ജീവനക്കാർക്ക് പകരം മറ്റൊരു ദിവസം കോമ്പൻസേറ്ററി ലീവ് (നൽകണം. അല്ലെങ്കിൽ അന്നത്തെ സാധാരണ ശമ്പളത്തോടൊപ്പം അടിസ്ഥാന ശമ്പളത്തിന്റെ കുറഞ്ഞത് 50 ശതമാനം അധിക ശമ്പളമായി നൽകാൻ കമ്പനികൾ ബാധ്യസ്ഥരാണ്. യു.എ.ഇ തൊഴിൽ നിയമത്തിലെ ആർട്ടിക്കിൾ 28(2) അടിസ്ഥാനമാക്കിയാണ് ഈ ആനുകൂല്യങ്ങൾ തീരുമാനിക്കുന്നത്.

ALSO READ:

• ദുബൈയിലെ യാത്രകൾ ഇനി പോക്കറ്റ് ഫ്രണ്ട്‌ലിയാക്കാം; വിനോദസഞ്ചാരികൾക്കായി ആർടിഎയുടെ നോൾ ട്രാവൽ കാർഡ്- അറിയേണ്ടതെല്ലാം
• യുഎഇയിൽ നബിദിന പൊതു അവധി പ്രഖ്യാപിച്ചു: വരുന്നത് നീണ്ട വാരാന്ത്യം

FAQs

യു.എ.ഇയിൽ പൊതുഅവധി ദിവസങ്ങൾ മറ്റ് ദിവസങ്ങളിലേക്ക് മാറ്റാറുണ്ടോ?
ഈദ് അവധികൾ ഒഴികെയുള്ള മറ്റു പൊതുഅവധികൾ നീണ്ട വീക്കെൻഡ് ലഭിക്കാനായി ക്യാബിനറ്റ് മാറ്റാറുണ്ട്.

2027 റമദാൻ 30 ദിവസം പൂർത്തിയായാൽ ഈദ് അവധി എത്ര ദിവസമായിരിക്കും?
റമദാൻ 30 പൂർത്തിയായാൽ ഓഫാഷ്യൽ അവധി 4 ദിവസമാകുകയും വീക്കെൻഡ് ചേർത്ത് 6 ദിവസത്തെ അവധി ലഭിക്കുകയും ചെയ്യും.

പൊതുഅവധി ദിവസം ജോലി ചെയ്താൽ ജീവനക്കാർക്ക് ലഭിക്കുന്ന അധിക ആനുകൂല്യം എന്താണ്?
പകരം ലീവോ അല്ലെങ്കിൽ സാധാരണ ശമ്പളത്തിന് പുറമെ അടിസ്ഥാന ശമ്പളത്തിന്റെ 50% അധിക തുകയോ ലഭിക്കും.

2027-ലെ യു.എ.ഇ ദേശീയദിനത്തിന് എത്ര ദിവസം അവധി ലഭിക്കും?
ഡിസംബർ 2, 3 തീയതികളിലെ പൊതുഅവധി വീക്കെൻഡിനോടൊപ്പം ചേർന്ന് 4 ദിവസത്തെ നീണ്ട അവധി ലഭിക്കും.

English Summary: Planning for UAE Holidays 2027 helps residents and expatriates optimize their annual leaves for extended trips or family visits. With major events like Eid Al Fitr and Eid Al Etihad expected to offer multiple long weekends, early planning ensures maximum time off and better travel deals.