Published: Tuesday, 21 July 2026, at 12:25 pm| Dubai | Edited: Tuesday, 21 July 2026, at 12:29 pm

അബുദാബി: അബുദാബിയിലെ ജീവിതത്തിൽ ഒഴിച്ച് കൂടാനാവാത്ത ഒന്നാണ് ഹാഫിലത്ത് (Hafilat) കാർഡ്. എന്നാൽ പലർക്കും ഈ കാർഡിനെ പറ്റിയുള്ള പല വിവരങ്ങളിലും വ്യക്തതക്കുറവുണ്ട്. ഹാഫിലത്ത് കാർഡ് എങ്ങനെ എടുക്കാം (How to Get Hafilat Card in Abu Dhabi?), എങ്ങനെ റീച്ചാർജ് ചെയ്യാം ((Hafilat card online recharge)) എന്നീ കാര്യങ്ങളൊക്കെ നമുക്കൊന്ന് പരിശോധിച്ചാലോ..

ALSO READ:

• നോൽ കാർഡ് എങ്ങനെ ഓൺലൈനായി റീചാർജ് ചെയ്യാം? പ്രവാസികൾ അറിയേണ്ടതും ശ്രദ്ധിക്കേണ്ടതും (സമ്പൂർണ ഗൈഡ് 2026)
• അബുദാബി സന്ദർശിക്കാൻ പ്ലാനുണ്ടോ? കാണേണ്ട കാഴ്ചകളും അറിയേണ്ട യാത്ര ടിപ്സും ഇതാ…
• അബുദാബിയിൽ ഇത്തിഹാദ് റെയിൽ ഫ്രീ ഷട്ടിൽ സർവീസ്: റൂട്ടുകളും സമയവും അറിയാം…

അബുദാബി ഹാഫിലത്ത് കാർഡ്

ഗൾഫിലെ പ്രവാസി ജീവിതത്തിൽ ഏറ്റവും പ്രധാനം യാത്രകൾ എളുപ്പമാക്കുക എന്നതാണ്. ദുബായിൽ വാടക മുറി എടുക്കുമ്പോൾ മെട്രോ അടുത്തുണ്ടോ എന്ന് നോക്കുന്നതുപോലെ തന്നെ, അബുദാബിയിൽ റൂം എടുക്കുമ്പോഴും ജോലിക്കുള്ള ഓട്ടത്തിനിടയിലും നമ്മൾ പ്രധാനമായും ആശ്രയിക്കുന്നത് ഇവിടുത്തെ സിറ്റി ബസുകളെയാണ്. അബുദാബിയിലെ ബസുകളിൽ ടിക്കറ്റിന് പകരം കയ്യിൽ കരുതേണ്ട സ്മാർട്ട് കാർഡാണ് ഹാഫിലത്ത്.

അൽ നഹ്യാനിലോ മുസഫയിലോ ഒക്കെ താമസിച്ച് ദിവസവും ബസിൽ പണിക്ക് പോകുന്ന പ്രവാസികൾക്ക് പോക്കറ്റിൽ കാശില്ലെങ്കിലും കാർഡിൽ ബാലൻസുണ്ടെങ്കിൽ ധൈര്യമായി യാത്ര ചെയ്യാം.

ഹാഫിലത്ത് കാർഡ് എവിടെ നിന്നൊക്കെ വാങ്ങാം?

അബുദാബിയിൽ എത്തിയ പുതിയ ആളുകൾക്കും കാർഡ് എടുക്കാൻ ആഗ്രഹിക്കുന്നവർക്കും താഴെ പറയുന്ന പ്രധാന ബസ് സ്റ്റേഷനുകളിലെ മെഷീനുകളിൽ (TVM) നിന്ന് കാർഡ് വാങ്ങാവുന്നതാണ്

• അബുദാബി ഇന്റർനാഷണൽ എയർപോർട്ട്
• അൽ ഐൻ ബസ് സ്റ്റേഷൻ
• അൽ സില ബസ് സ്റ്റേഷൻ
• ബനിയാസ് ബസ് സ്റ്റേഷൻ
• ഗയാത്തി ബസ് സ്റ്റേഷൻ
• മദീനത് സായിദ് ബസ് സ്റ്റേഷൻ
• മുസഫ ബസ് സ്റ്റേഷൻ
• ഷഹാമ ബസ് സ്റ്റേഷൻ

ഏതൊക്കെ തരം കാർഡുകളാണ് ലഭ്യമാകുന്നത്?

നമ്മുടെ യാത്രാ ആവശ്യത്തിന് അനുസരിച്ച് രണ്ടു തരം കാർഡുകൾ തിരഞ്ഞെടുക്കാം. ഒമാനിലെ മസാർ കാർഡ് പോലെ തന്നെയാണ് ഇവിടുത്തെ ഹാഫിലത്ത് കാർഡും പ്രവർത്തിക്കുന്നത്.

കാർഡ് സ്വന്തമാക്കാൻ എന്താണ് ചെയ്യേണ്ടത്?

നിങ്ങൾക്ക് ഏത് ടൈപ്പ് കാർഡാണ് വേണ്ടത് എന്നതിനെ ആശ്രയിച്ചാണ് അത് എവിടെ നിന്ന് വാങ്ങണമെന്ന് തീരുമാനിക്കുന്നത്.

ലളിതമായ വഴികൾ ഇതാ..

• സാധാരണ അനോണിമസ് കാർഡ്: പ്രധാന ബസ് സ്റ്റേഷനുകളിലെ മെഷീനുകളിൽ (TVM) നിന്നോ അല്ലെങ്കിൽ നമ്മൾ സാധാരണ സാധനങ്ങൾ വാങ്ങാൻ പോകുന്ന ലുലു ഹൈപ്പർമാർക്കറ്റുകളിൽ നിന്നോ നേരിട്ട് വാങ്ങാം.
• പേര് വച്ച പേഴ്സണലൈസ്ഡ് കാർഡ്: ഫോട്ടോയുള്ള ഇത്തരം കാർഡുകൾ ലഭിക്കാൻ കസ്റ്റമർ ഹാപ്പിനസ് സെന്ററുകളിൽ പോയി എമിറേറ്റ്സ് ഐഡി കാണിക്കേണ്ടതുണ്ട്.

ALSO READ:

• ഷാർജയിൽ ബസ് നിരക്കുകൾ വർദ്ധിപ്പിച്ചു: ജൂലൈ 10 മുതൽ പ്രാബല്യത്തിൽ; പുതിയ നിരക്കുകൾ അറിയാം
• ഒമാൻ – യുഎഇ മുവാസലാത്ത് ബസ് സമയക്രമം പുതുക്കി: പുതിയ സമയങ്ങൾ അറിയാം

പ്രവാസികൾ അറിയേണ്ട കാർഡ് റീച്ചാർജ് രീതികൾ (Hafilat card online recharge)

രാവിലെ ഡ്യൂട്ടിക്ക് പോകുന്ന തിരക്കിൽ ബസ് സ്റ്റാൻഡിലെ മെഷീനിൽ ക്യൂ നിൽക്കാൻ നമുക്ക് സമയമുണ്ടാകില്ല. അതുകൊണ്ട് തന്നെ മൊബൈൽ വഴി ഓൺലൈനായി കാർഡ് റീച്ചാർജ് ചെയ്യുന്നതാണ് പ്രവാസികൾക്ക് ഏറ്റവും സൗകര്യം.

മൊബൈൽ വഴി ഓൺലൈനായി റീച്ചാർജ് ചെയ്യുന്ന വിധം (Hafilat card online recharge)

• ഫോണിൽ ദർബി വെബ്‌സൈറ്റ് (hafilat.darb.ae) തുറന്ന് പേയ്മെന്റ് ഓപ്ഷൻ എടുക്കുക.
• നിങ്ങളുടെ ഹാഫിലത്ത് കാർഡിന്റെ പുറകിലുള്ള നമ്പർ ടൈപ്പ് ചെയ്യുക.
• 10 ദിർഹം മുതൽ 100 ദിർഹം വരെ ആവശ്യമുള്ള തുക തിരഞ്ഞെടുക്കുക.
• ‘Add to Basket’ നൽകി പേയ്മെന്റ് പേജിലേക്ക് പോവുക.
• നിങ്ങളുടെ എടിഎം കാർഡ് വിവരങ്ങൾ നൽകി കാശ് അടയ്ക്കുക.
• തുക ഉടൻ തന്നെയോ അല്ലെങ്കിൽ അടുത്ത തവണ ബസിൽ കയറി കാർഡ് പഞ്ചുചെയ്യുമ്പോഴോ അപ്‌ഡേറ്റ് ആകും.

കാർഡിലെ ബാലൻസ് എങ്ങനെ പരിശോധിക്കാം? (Hafilat card balance check)

യാത്രയ്ക്കിടയിൽ കാർഡിൽ കാശില്ലാതെ വന്ന് അനാവശ്യ പെനാൽറ്റി അടയ്ക്കേണ്ട സാഹചര്യം ഒഴിവാക്കാൻ ബാലൻസ് മുൻകൂട്ടി പരിശോധിക്കാം.

ബാലൻസ് നോക്കാനുള്ള പ്രധാന വഴികൾ (Hafilat card balance check)

• നേരിട്ടുള്ള പരിശോധന: ബസ് സ്റ്റേഷനുകളിലെ മെഷീനിലോ അല്ലെങ്കിൽ നമ്മൾ കയറുന്ന ബസിനുള്ളിലെ ബോർഡിങ് മെഷീനിലോ കാർഡ് വെച്ചാൽ ബാക്കി തുക കാണാം.
• മൊബൈൽ വഴി: hafilat.darb.ae വെബ്‌സൈറ്റിൽ പോയി ‘Recharge Card’ എന്ന ഭാഗത്ത് കാർഡ് നമ്പർ കൊടുത്താൽ എത്ര രൂപ ബാക്കിയുണ്ടെന്ന് കൃത്യമായി അറിയാം.

പ്രവാസികൾക്ക് പണം ലാഭിക്കാൻ പാസുകൾ (Hafilat card price and pass)

ദിവസവും ജോലി സ്ഥലത്തേക്ക് ബസിൽ പോയിവരുന്നവർക്ക് ടിക്കറ്റ് നിരക്കിൽ വൻ തുക ലാഭിക്കാൻ സഹായിക്കുന്ന പാസുകൾ ലഭ്യമാണ്.

പ്രധാന പാസുകളുടെ വിവരങ്ങൾ (Hafilat card price and pass)

NOTE: വിദ്യാർത്ഥികൾക്കും മുതിർന്നവർക്കുമുള്ള പ്രത്യേക പാസുകൾ എമിറേറ്റ്സ് ഐഡി നൽകി എടുക്കുന്ന പേഴ്സണലൈസ്ഡ് കാർഡിൽ മാത്രമേ ആക്റ്റിവേറ്റ് ചെയ്യാൻ പറ്റൂ.

അബുദാബിയിലെ ബസ് ചാർജും ടാപ്പിങ് നിയമവും (Abu Dhabi bus card rules)

ചെറിയൊരു അശ്രദ്ധ കാരണം ഫൈൻ അടക്കാതിരിക്കാൻ ഇവിടുത്തെ യാത്രാ നിയമങ്ങൾ അറിഞ്ഞിരിക്കണം. ബസിൽ കയറുമ്പോഴും ഇറങ്ങുമ്പോഴും കാർഡ് മെഷീനിൽ കാണിക്കേണ്ടത് നിർബന്ധമാണ്.

ശ്രദ്ധിക്കേണ്ട കാര്യങ്ങൾ (Abu Dhabi bus card rules)

• സാധാരണ സിറ്റി ബസുകൾ: കയറുമ്പോൾ 2 ദിർഹം ചാർജ് ചെയ്യും. പിന്നീട് പോകുന്ന ഓരോ കിലോമീറ്ററിനും 5 ഫിൽസ് വെച്ച് കൂടും.
• ഇന്റർസിറ്റി ബസുകൾ: കയറുമ്പോൾ 2 ദിർഹമും തുടർന്ന് ഓരോ കിലോമീറ്ററിനും 10 ഫിൽസ് വെച്ചുമാണ് നിരക്ക്.
• ടാപ്പ് ഇൻ, ടാപ്പ് ഔട്ട് (Tap In & Tap Out): ബസിൽ കയറുമ്പോൾ വാതിലിന് അടുത്തുള്ള മെഷീനിൽ കാർഡ് ടാപ്പ് ചെയ്യണം (Tap In). ഇറങ്ങുമ്പോഴും ഇത് തന്നെ ആവർത്തിക്കണം (Tap Out). ഇറങ്ങുമ്പോൾ ടാപ്പ് ചെയ്തില്ലെങ്കിൽ ആ ബസ് പോകുന്ന ഏറ്റവും അവസാനത്തെ സ്റ്റോപ്പ് വരെയുള്ള ചാർജ് നിങ്ങളുടെ കാർഡിൽ നിന്ന് നഷ്ടപ്പെടും.

പ്രവാസികൾ ഓർത്തിരിക്കേണ്ട കാര്യങ്ങൾ

ഗൾഫിലെ യാത്രാവേളകളിൽ പണി കിട്ടാതിരിക്കാൻ ചില കാര്യങ്ങൾ പ്രത്യേകം ശ്രദ്ധിക്കാം.

പ്രധാന നിർദേശങ്ങൾ

• ഫൈൻ ഒഴിവാക്കാൻ: ബസ് കയറുന്നതിന് മുൻപ് കാർഡിൽ കുറഞ്ഞത് 10 ദിർഹം ബാലൻസ് ഉണ്ടെന്ന് ഉറപ്പാക്കുക. ഇല്ലെങ്കിൽ 200 ദിർഹം വരെ ഫൈൻ അടക്കേണ്ടി വരും.
• കാർഡ് കേടാകാതെ സൂക്ഷിക്കുക: കാർഡ് വളയ്ക്കുകയോ പോക്കറ്റിൽ വെച്ച് അമർത്തുകയോ ചെയ്യരുത്. ഇതിനുള്ളിലെ ചിപ്പ് കേടായാൽ റീഡർ മെഷീനിൽ കാർഡ് വർക്കാവില്ല.
• കാർഡ് പോയാൽ പേടിക്കണ്ട: നിങ്ങളുടെ ഫോട്ടോയുള്ള പേഴ്സണലൈസ്ഡ് കാർഡാണ് നഷ്ടപ്പെട്ടതെങ്കിൽ ഐ.ടി.സിയെ വിവരമറിയിച്ചാൽ ആ തുക പുതിയ കാർഡിലേക്ക് മാറ്റിത്തരും.

അബുദാബിയിൽ കുറഞ്ഞ ചെലവിൽ ടെൻഷനില്ലാതെ യാത്ര ചെയ്യാൻ ഹാഫിലത്ത് കാർഡ് പ്രവാസികൾക്ക് വലിയൊരു ആശ്വാസമാണ്.

ALSO READ:

• Dubai Smart Bus Station Malayalam: ദുബായിലെ 1 ഹൈടെക് ബസ് സ്റ്റേഷൻ; അറിയേണ്ട 5 കാര്യങ്ങൾ!
• ​അബുദാബിയിൽ ബിസിനസ്സ് തുടങ്ങാൻ അവസരമൊരുക്കി അധികൃതർ; പ്രവാസികൾക്ക് സുവർണ്ണാവസരം

FAQs

സൗജന്യമായി ഹാഫിലത്ത് കാർഡ് എങ്ങനെ ലഭിക്കും (How to Get Hafilat Card in Abu Dhabi?)?

പേഴ്സണലൈസ്ഡ് കാർഡ് സൗജന്യമായി കിട്ടുമെങ്കിലും ഉപയോഗിക്കാൻ മിനിമം ബാലൻസ് ടോപ്പ് അപ്പ് ചെയ്യണം.

ഹാഫിലത്ത് കാർഡ് ഓൺലൈനായി എവിടെ റീച്ചാർജ് ചെയ്യാം (Hafilat card online recharge)?

hafilat.darb.ae എന്ന ഔദ്യോഗിക വെബ്‌സൈറ്റിലൂടെ വീട്ടിലിരുന്ന് തന്നെ റീച്ചാർജ് ചെയ്യാം.

ബാലൻസ് ഇല്ലാതെ യാത്ര ചെയ്താൽ ഉണ്ടാകുന്ന പിഴ എന്താണ്?

ആവശ്യത്തിന് ബാലൻസില്ലാതെ ബസിൽ യാത്ര ചെയ്താൽ 200 ദിർഹം ഫൈൻ ലഭിക്കും.

ഒരു കാർഡ് ഉപയോഗിച്ച് ഒന്നിലധികം ആളുകൾക്ക് യാത്ര ചെയ്യാമോ?

ഇല്ല, ബസിൽ കയറുമ്പോൾ ടാപ്പ് ഇൻ ചെയ്യാൻ ഓരോ ആളുടെ കയ്യിലും സ്വന്തമായി കാർഡ് വേണം.

English Summary: Wondering how to get Hafilat card in Abu Dhabi? This complete guide covers buying physical or personalized bus passes, easy online recharge methods, balance checks, monthly pass fares, and essential tapping rules to help commuters travel smoothly across Abu Dhabi without facing fines.