Published: Sunday, 12 July 2026 , at 5:59 am| Dubai | Edited: Sunday, 12 July 2026 , at 6:07 am
ദുബായ്: പ്രവാസികളായ നമ്മുടെ മൊബൈലുകളിൽ നിരവധി ആപ്പുകൾ ഉണ്ടാവും. എന്നാൽ ഈ ആപ്പുകൾ നമ്മുടെ സമ്പത്തിന് തന്നെ ഭീഷണിയാവുമെന്ന മുന്നറിയിപ്പ് നൽകിയിരിക്കുകയാണ് ദുബായ് പോലീസ് (Dubai Police warning). ദുബായ് പൊലീസ് പുറപ്പെടുവിച്ച സുപ്രധാന സുരക്ഷാ നിർദ്ദേശങ്ങളെക്കുറിച്ചും ട്ടിപ്പ് രീതികളെക്കുറിച്ചും സ്വീകരിക്കേണ്ട മുൻകരുതലുകളെക്കുറിച്ചും അറിയാം.
ALSO READ:
- പ്രവാസികൾക്ക് താൽക്കാലിക ആശ്വാസം: യുഎഇയിൽ നിന്ന് കേരളത്തിലേക്ക് വിമാന നിരക്കുകൾ കുറഞ്ഞു: നിലവിലെ ടിക്കറ്റ് നിരക്കുകളും ബുക്കിങ് ടിപ്പുകളും അറിയാം..
- ദുബായ് വിമാനത്താവളത്തിൽ ഇനി പരിശോധനകൾ മിന്നൽ വേഗത്തിൽ; കസ്റ്റംസ് പരിശോധന വെറും 7 സെക്കൻഡിൽ!
- യുഎഇയിൽ പാസ്പോർട്ട്, വിസ സേവനങ്ങൾ: വ്യാജ ഏജന്റുമാരെ സൂക്ഷിക്കണമെന്ന് ഇന്ത്യൻ എംബസി
ഫോണിൽ ഈ ആപ്പുകളുണ്ടോ? അക്കൗണ്ട് കാലിയാകും
ഔദ്യോഗികമല്ലാത്ത ഇടങ്ങളിൽ നിന്ന് മൊബൈൽ ആപ്ലിക്കേഷനുകൾ ഡൗൺലോഡ് ചെയ്യുന്നതിനെതിരെ കടുത്ത മുന്നറിയിപ്പുമായി ദുബായ് പൊലീസ് രംഗത്തെത്തിയിട്ടുണ്ട്. ഉപഭോക്താക്കളുടെ ആവശ്യങ്ങളും താൽപ്പര്യങ്ങളും മുൻനിർത്തിയാണ് തട്ടിപ്പുകാർ കെണികൾ ഒരുക്കുന്നത്. ബാങ്കിങ്, നിക്ഷേപം, ഓൺലൈൻ ഡെലിവറി, സുരക്ഷാ അപ്ഡേറ്റുകൾ തുടങ്ങിയ പല മേഖലകളുമായി ബന്ധപ്പെട്ട വ്യാജ ആപ്പുകളാണ് ഇവർ ഇതിനായി നിർമ്മിക്കുന്നത്. ഇത്തരം ആപ്പുകളുടെ പരസ്യങ്ങളിൽ വീണുപോകുന്ന ഉപഭോക്താക്കൾ ലിങ്കുകളിൽ ക്ലിക്ക് ചെയ്ത് ഇവ ഫോണിലേക്ക് ഇൻസ്റ്റാൾ ചെയ്യുന്നതോടെയാണ് തട്ടിപ്പുകാരുടെ വലയിലാകുന്നത്.
പണം നഷ്ടപ്പെടുന്നതും വിവരങ്ങൾ ചോരുന്നതും എങ്ങനെ?
ദുബായ് പൊലീസ് ക്രിമിനൽ ഇൻവെസ്റ്റിഗേഷൻ ഡിപ്പാർട്ട്മെന്റിന് കീഴിലുള്ള ഇ-ക്രൈംസ് ആൻഡ് സൈബർ സെക്യൂരിറ്റി വിഭാഗം തട്ടിപ്പിന്റെ വ്യാപ്തി വ്യക്തമാക്കുന്ന ഒരു ബോധവൽക്കരണ വീഡിയോയും പുറത്തുവിട്ടിട്ടുണ്ട്. വിശ്വസനീയമല്ലാത്ത സ്രോതസ്സുകളിൽ നിന്ന് ആപ്പുകൾ ഡൗൺലോഡ് ചെയ്യുന്ന നിമിഷം തന്നെ, തട്ടിപ്പുകാർക്ക് ഫോണിന്റെ പൂർണ്ണ നിയന്ത്രണം ലഭിക്കും.
- രഹസ്യവിവരങ്ങൾ ചോർത്തുന്നു: ഫോണിലുള്ള വ്യക്തിഗത വിവരങ്ങളും ബാങ്ക് അക്കൗണ്ട് രേഖകളും ഉടമ അറിയാതെ തന്നെ ഇവർ ചോർത്തിയെടുക്കുന്നു.
- അക്കൗണ്ടുകൾ കാലിയാക്കുന്നു: ഫോൺ സ്ക്രീൻ മിറർ ചെയ്യാനും ബാങ്ക് ഒടിപി (OTP) ഉൾപ്പെടെയുള്ള രഹസ്യ കോഡുകൾ കൈക്കലാക്കാനും സാധിക്കുന്ന മലിഷ്യസ് സോഫ്റ്റ്വെയറുകൾ ഈ ആപ്പുകളിൽ അടങ്ങിയിട്ടുണ്ട്.
- റിമോട്ട് ആക്സസ് ഭീഷണി: ഔദ്യോഗിക കൺസ്യൂമർ പ്രൊട്ടക്ഷൻ എന്ന വ്യാജേന ലിങ്കുകൾ അയച്ച്, റിമോട്ട് ആക്സസ് സോഫ്റ്റ്വെയറുകൾ ഇൻസ്റ്റാൾ ചെയ്യിപ്പിച്ചും പണം തട്ടുന്നു.
ALSO READ:
- ഇത്തിഹാദ് റെയിൽ ടിക്കറ്റ് ഉപയോഗിച്ച് ഫുജൈറയിലെ ഹോട്ടലുകളിൽ 25% ഇളവുകൾ നേടാം: ഹോട്ടലുകളുടെ ലിസ്റ്റും ആനുകൂല്യങ്ങളും അറിയാം..
- എമിറേറ്റ്സ് ഐഡി കാലാവധി കഴിഞ്ഞോ? ഐഡി പുതുക്കാൻ ഇനി ഓഫീസുകൾ കയറിയിറങ്ങേണ്ട: ഓൺലൈനായി വീട്ടിലിരുന്ന് പുതുക്കാം!
ഏതൊക്കെയാണ് ആപ്പുകൾ?
ദുബായ് പൊലീസ് ഔദ്യോഗിക മുന്നറിയിപ്പിൽ ഏതെങ്കിലും പ്രത്യേക ആപ്പുകളുടെ പേരുകൾ എടുത്തു പറഞ്ഞിട്ടില്ലെങ്കിലും, സാധാരണയായി സൈബർ തട്ടിപ്പുകാർ പ്രവാസികളെ ചതിയിൽ വീഴ്ത്താൻ ഉപയോഗിക്കുന്ന പ്രധാനപ്പെട്ട വ്യാജ ആപ്പ് വിഭാഗങ്ങൾ താഴെ പറയുന്നവയാണ്
- വ്യാജ കൊറിയർ/ഡെലിവറി ആപ്പുകൾ: അരാമെക്സ് (Aramex), ഡിഎച്ച്എൽ (DHL), എമിറേറ്റ്സ് പോസ്റ്റ് (Emirates Post) എന്നിവയുടെ പേരിൽ വ്യാജ ലിങ്കുകൾ അയച്ച്, പാർസൽ ഡെലിവറി ചെയ്യാനെന്ന വ്യാജേന ഇൻസ്റ്റാൾ ചെയ്യിക്കുന്ന ആപ്പുകൾ.
- വ്യാജ നിക്ഷേപ/ക്രിപ്റ്റോ ആപ്പുകൾ : കുറഞ്ഞ തുക നിക്ഷേപിച്ചാൽ വലിയ ലാഭം വാഗ്ദാനം ചെയ്യുന്നതും, പ്രമുഖ കമ്പനികളുടെ ലോഗോ വ്യാജമായി ഉപയോഗിക്കുന്നതുമായ ട്രേഡിങ് ആപ്പുകൾ.
- റിമോട്ട് ആക്സസ് ആപ്പുകൾ : ബാങ്ക് ജീവനക്കാരെന്നോ കസ്റ്റമർ കെയർ എന്നോ വ്യാജേന വിളിച്ച് ഫോണിലെ പ്രശ്നം പരിഹരിക്കാൻ എന്ന പേരിൽ ഇൻസ്റ്റാൾ ചെയ്യിക്കുന്ന AnyDesk, TeamViewer പോലുള്ള ആപ്പുകളുടെ വ്യാജ പതിപ്പുകൾ. (ഇവ വഴി തട്ടിപ്പുകാർക്ക് നിങ്ങളുടെ ഫോൺ സ്ക്രീൻ നേരിട്ട് കാണാൻ സാധിക്കും).
- വ്യാജ ബാങ്കിങ് അപ്ഡേറ്റുകൾ (mobile banking fraud UAE): പ്രമുഖ യുഎഇ ബാങ്കുകളുടെ സുരക്ഷാ അപ്ഡേറ്റ് എന്ന വ്യാജേന ഇമെയിൽ വഴിയോ വാട്സാപ്പ് വഴിയോ ലിങ്കുകളായി എത്തുന്ന ആപ്പുകൾ.
പ്രവാസികൾ പ്രത്യേകമായി ശ്രദ്ധിക്കേണ്ട കാര്യങ്ങൾ (cybersecurity tips for expats)
യുഎഇയിലെ ബാങ്കിങ് സംവിധാനങ്ങളും ഓൺലൈൻ സേവനങ്ങളും പരമാവധി ഉപയോഗിക്കുന്ന പ്രവാസികളായ വായനക്കാർ ഈ വിഷയത്തിൽ അതീവ ജാഗ്രത പുലർത്തേണ്ടതുണ്ട്. നിസ്സാരമായ ഒരു അശ്രദ്ധ നിങ്ങളുടെ കഷ്ടപ്പാടിന്റെ സമ്പാദ്യം മുഴുവൻ നഷ്ടപ്പെടുത്താൻ കാരണമായേക്കാം.
- അംഗീകൃത സ്റ്റോറുകൾ മാത്രം: ഗൂഗിൾ പ്ലേ സ്റ്റോർ, ആപ്പിൾ ആപ്പ് സ്റ്റോർ പോലുള്ള ഔദ്യോഗിക പ്ലാറ്റ്ഫോമുകളിൽ നിന്ന് മാത്രം ആപ്പുകൾ ഇൻസ്റ്റാൾ ചെയ്യുക.
- രഹസ്യ കോഡുകൾ പങ്കുവെക്കരുത്: ബാങ്കിങ് ആക്സസ് കോഡുകളോ പാസ്വേഡുകളോ ഒടിപിയോ മറ്റാരുമായും ഒരു കാരണവശാലും പങ്കുവെക്കരുത്.
- ബാങ്ക് അലേർട്ടുകൾ ആക്ടിവേറ്റ് ചെയ്യുക: ബാങ്ക് അക്കൗണ്ടുകളിലെ ഇടപാടുകൾ തത്സമയം അറിയാൻ ‘ബാങ്കിങ് അലേർട്ടുകൾ’ എപ്പോഴും ഫോണിൽ സജീവമാക്കി വെക്കുക.
- ലിങ്കുകൾ ഒഴിവാക്കുക: അപരിചിതമായ നമ്പറുകളിൽ നിന്നും ഇമെയിലുകളിൽ നിന്നും വരുന്ന സംശയാസ്പദമായ ലിങ്കുകളിൽ ക്ലിക്ക് ചെയ്യാതിരിക്കുക.
- സുരക്ഷാ സോഫ്റ്റ്വെയർ: സ്മാർട്ട്ഫോണുകളിൽ വിശ്വസനീയമായ ആന്റി-വൈറസ് അല്ലെങ്കിൽ സെക്യൂരിറ്റി സോഫ്റ്റ്വെയറുകൾ ഉപയോഗിക്കുക.
തട്ടിപ്പിനിരയായാൽ എവിടെ റിപ്പോർട്ട് ചെയ്യണം?
ഡിജിറ്റൽ അവബോധം മാത്രമാണ് ഇത്തരം സൈബർ കുറ്റകൃത്യങ്ങൾക്കെതിരെയുള്ള ഏറ്റവും വലിയ പ്രതിരോധം എന്ന് ദുബായ് പൊലീസ് ഓർമ്മിപ്പിക്കുന്നു. എന്തെങ്കിലും തരത്തിലുള്ള തട്ടിപ്പ് ശ്രമങ്ങൾ ശ്രദ്ധയിൽപ്പെടുകയോ പണം നഷ്ടപ്പെടുകയോ ചെയ്താൽ ഒട്ടും സമയം കളയാതെ അധികൃതരെ വിവരമറിയിക്കണം.
- ഹെൽപ്പ് ലൈൻ നമ്പർ: ദുബായ് പൊലീസിന്റെ ഔദ്യോഗിക നമ്പറായ 901 എന്നതിൽ വിളിച്ച് പരാതിപ്പെടാം.
- സ്മാർട്ട് ആപ്പ്: ദുബായ് പൊലീസിന്റെ ഔദ്യോഗിക സ്മാർട്ട് ആപ്ലിക്കേഷൻ വഴിയും വിവരങ്ങൾ കൈമാറാം.
- ഇ-ക്രൈം പ്ലാറ്റ്ഫോം (Dubai Police eCrime platform): സൈബർ കുറ്റകൃത്യങ്ങൾ ഓൺലൈനായി റിപ്പോർട്ട് ചെയ്യാൻ ദുബായ് പൊലീസിന്റെ eCrime പ്ലാറ്റ്ഫോം പ്രയോജനപ്പെടുത്തുക.
ഏതുതരം ആപ്പുകൾ ഡൗൺലോഡ് ചെയ്യുമ്പോഴും ഔദ്യോഗിക സ്രോതസ്സുകൾ മാത്രം ആശ്രയിക്കുകയും ഡിജിറ്റൽ സുരക്ഷാ നിർദ്ദേശങ്ങൾ കർശനമായി പാലിക്കുകയും ചെയ്യുക. സുരക്ഷിതമായ ബാങ്കിങ് ശീലങ്ങളിലൂടെയും കൃത്യമായ ബോധവൽക്കരണത്തിലൂടെയും മാത്രമേ ഇത്തരം ഓൺലൈൻ തട്ടിപ്പുകളെ തടയാൻ സാധിക്കൂ.
ALSO READ:
- വണ്ടി വാങ്ങാൻ പ്ലാനുണ്ടോ? 100K ബജറ്റിൽ യുഎഇയിൽ സ്വന്തമാക്കാൻ കഴിയുന്ന മികച്ച കാറുകൾ ഇതാ…
- മിഡിൽ ഈസ്റ്റ് യുദ്ധക്കളവും ഗൾഫ് രാജ്യങ്ങളുടെ സാമ്പത്തിക ഭാവിയും: ഗൾഫ് മലയാളികളെ ഇതെങ്ങനെ ബാധിക്കും?
FAQs
ദുബായ് പൊലീസ് മുന്നറിയിപ്പ് നൽകുന്ന ഇത്തരം വ്യാജ ആപ്പുകൾ എങ്ങനെയാണ് ഫോണിൽ എത്തുന്നത്?
വാട്സാപ്പ്, ഇമെയിൽ അല്ലെങ്കിൽ സോഷ്യൽ മീഡിയ വഴി വരുന്ന സംശയാസ്പദമായ ലിങ്കുകളിൽ ക്ലിക്ക് ചെയ്യുമ്പോഴാണ് ഇവ ഫോണിൽ ഇൻസ്റ്റാൾ ആകുന്നത്.
എന്റെ ഫോണിൽ വ്യാജ ആപ്പുകൾ ഉണ്ടോ എന്ന് എങ്ങനെ കണ്ടെത്താം?
അമിതമായി പരസ്യങ്ങൾ വരിക, ഫോൺ പെട്ടെന്ന് ചൂടാവുക, ബാറ്റിങ് ചാർജ് വേഗത്തിൽ തീരുക എന്നിവ വ്യാജ ആപ്പുകളുടെ ലക്ഷണങ്ങളാണ്.
അബദ്ധത്തിൽ ഒരു വ്യാജ ആപ്പ് ഇൻസ്റ്റാൾ ചെയ്താൽ ആദ്യം എന്താണ് ചെയ്യേണ്ടത്?
ഉടൻ തന്നെ ഫോണിന്റെ ഇന്റർനെറ്റ് കണക്ഷൻ വിച്ഛേദിച്ച ശേഷം ആപ്പ് പൂർണ്ണമായും അൺഇൻസ്റ്റാൾ ചെയ്യുക.
ബാങ്കിങ് വിവരങ്ങൾ സുരക്ഷിതമാക്കാൻ പ്രവാസികൾ എന്താണ് ചെയ്യേണ്ടത്?
ഔദ്യോഗിക ബാങ്ക് ആപ്പുകൾ മാത്രം ഉപയോഗിക്കുക, ബാങ്കിൽ നിന്നുള്ള ഒടിപി (OTP) ആരുമായും പങ്കുവെക്കരുത്.
യുഎഇയിൽ വെച്ച് സൈബർ തട്ടിപ്പിനിരയായാൽ എവിടെയാണ് പരാതി നൽകേണ്ടത്?
ദുബായ് പൊലീസിന്റെ 901 എന്ന നമ്പറിലോ അല്ലെങ്കിൽ അവരുടെ eCrime പോർട്ടൽ വഴിയോ ഉടൻ പരാതി നൽകാം.
English Summary: Dubai Police issued a critical warning urging smartphone users to avoid downloading apps from unverified sources. Fraudulent applications can infiltrate phones to steal personal data and financial credentials, enabling scammers to drain bank accounts. Authorities advise using official stores, enabling bank alerts, and reporting threats via the eCrime platform.