വണ്ടിക്കും വേണം ഒരു ‘ഗെറ്റ്അപ്പ്’: ഖത്തറിൽ വിഐപി വാഹന നമ്പർ പ്ലേറ്റുകളുടെ ലേലം നാളെ

Published: Saturday, 4 July 2026, at 10:57 am| Dubai | Edited: Saturday, 4 July 2026, at 02:45 pm

ദോഹ: ഖത്തറിൽ സ്വന്തമായി ഒരു കാറുള്ള, അല്ലെങ്കിൽ പുതിയ വണ്ടി എടുക്കാൻ പ്ലാൻ ചെയ്യുന്ന പ്രവാസികൾക്ക് തങ്ങളുടെ വാഹനങ്ങൾക്ക് ഫാൻസി നമ്പറുകൾ സ്വന്തമാക്കാൻ ഗതാഗത വകുപ്പ് ലേലം പ്രഖ്യാപിച്ചു (Qatar Number plate). ലേല നടപടികളെക്കുറിച്ച് കൂടുതലറിയാം.

ALSO READ:

• പ്രവാസികൾക്ക് ആശ്വാസം: വേനലവധി നാട്ടിൽ ആഘോഷിക്കാൻ ടിക്കറ്റ് നിരക്കിൽ വൻ കുറവ്
• ഖത്തറിലെ ഇന്ത്യൻ പൗരന്മാർക്കുള്ള എംബസി സേവനങ്ങളും ഫാമിലി വിസ മാർഗ്ഗനിർദ്ദേശങ്ങളും: ഒരു സമഗ്ര അവലോകനം
• അമിത പിഴ ഒഴിവാക്കാം! ഖത്തറിലെ ട്രാഫിക് നിയമങ്ങളും Qatar Traffic Fine Check-ഉം അറിയേണ്ടതെല്ലാം!

ലേലം സൂം ആപ്പ് വഴി; സമയക്രമം അറിയാം

ഖത്തർ ഗതാഗത വകുപ്പിന്റെ ഔദ്യോഗിക ‘സൂം’ ആപ്ലിക്കേഷൻ വഴിയാണ് ഈ ലേലം നടക്കുന്നത്. നിങ്ങളുടെ ഇഷ്ട നമ്പർ സ്വന്തമാക്കാൻ ചെയ്യേണ്ട കാര്യങ്ങൾ കൂടി അറിയാം..

• താല്പര്യം അറിയിക്കേണ്ട സമയം: ജൂലൈ അഞ്ച് ഞായറാഴ്ച രാവിലെ 8 മണി വരെ ആപ്പിലെ നിശ്ചിത വിൻഡോ വഴി നിങ്ങൾക്ക് താല്പര്യമുള്ള നമ്പറുകൾ തിരഞ്ഞെടുക്കാം.
• സെക്യൂരിറ്റി ഡെപ്പോസിറ്റ്: ആവശ്യമുള്ള നമ്പറിനായി അപേക്ഷിച്ചതിന് ശേഷം 72 മണിക്കൂറിനകം നിശ്ചിത സെക്യൂരിറ്റി തുക അടച്ചിരിക്കണം.
• ലേല നടപടികൾ: അപേക്ഷിക്കാനുള്ള സമയപരിധി കഴിഞ്ഞാൽ, തൊട്ടടുത്ത 24 മണിക്കൂർ നീളുന്ന ലേല നടപടികളിലേക്ക് രാജ്യം കടക്കും.
• നമ്പർ ലഭിക്കുന്നത് എങ്ങനെ: നിങ്ങൾ തിരഞ്ഞെടുത്ത നമ്പറിനായി മറ്റാരും അപേക്ഷിച്ചിട്ടില്ലെങ്കിൽ പട്ടികയിലുള്ള അതേ വിലയ്ക്ക് അത് നിങ്ങൾക്ക് ലഭിക്കും. എന്നാൽ ഒന്നിലധികം പേർ ഒരേ നമ്പറിനായി രംഗത്തുണ്ടെങ്കിൽ, ലേലത്തിൽ ഏറ്റവും ഉയർന്ന തുക ബിഡ് ചെയ്യുന്നയാൾക്ക് നമ്പർ സ്വന്തമാക്കാം.

ഫാൻസി നമ്പർ എങ്ങനെ വാങ്ങാം?

നിങ്ങളുടെ പ്രിയപ്പെട്ട നമ്പർ സ്വന്തമാക്കാൻ ഈ ഘട്ടങ്ങൾ പിന്തുടരുക

• ആപ്പ് ഡൗൺലോഡ് ചെയ്യുക: ആദ്യം നിങ്ങളുടെ സ്മാർട്ട്ഫോണിൽ ‘Sooum’ ആപ്പ് ഇൻസ്റ്റാൾ ചെയ്യുക.
• നമ്പർ തിരഞ്ഞെടുക്കുക: ആപ്പിലെ നിശ്ചിത വിൻഡോ വഴി ലേലത്തിന് ലഭ്യമായ നമ്പറുകളുടെ ലിസ്റ്റിൽ നിന്ന് നിങ്ങൾക്ക് ആവശ്യമുള്ളത് സെലക്ട് ചെയ്യുക.
• ഡെപ്പോസിറ്റ് അടയ്ക്കുക: അപേക്ഷിച്ച് 72 മണിക്കൂറിനുള്ളിൽ സെക്യൂരിറ്റി ഡെപ്പോസിറ്റ് തുക ഓൺലൈനായി അടയ്ക്കുക.
• ലേലത്തിൽ പങ്കെടുക്കുക: നിശ്ചിത സമയത്ത് ആരംഭിക്കുന്ന 24 മണിക്കൂർ ലേലത്തിൽ പങ്കെടുത്തു തുക ബിഡ് ചെയ്യുക.

ഫാൻസി നമ്പറുകൾ വാങ്ങിയാലുള്ള ഉപകാരങ്ങൾ എന്തൊക്കെ?

ഖത്തർ പോലുള്ള ഗൾഫ് രാജ്യങ്ങളിൽ വിഐപി നമ്പർ പ്ലേറ്റുകൾ വെറുമൊരു ഫാഷൻ മാത്രമല്ല, അതിനപ്പുറം ചില പ്രായോഗിക ഗുണങ്ങൾ കൂടിയുണ്ട്. അവ എന്തൊക്കൊയെന്ന് പരിശോധിക്കാം..

• യൂണിക് ഐഡന്റിറ്റി : റോഡിൽ നിങ്ങളുടെ വാഹനത്തിന് ഇതൊരു പ്രത്യേക അന്തസ്സും ശ്രദ്ധയും തരുന്നു.
• ഉയർന്ന റീസെയിൽ വാല്യൂ : സാധാരണ വാഹനങ്ങളുടെ വില കാലക്രമേണ കുറയുമ്പോൾ, ഇത്തരം വിഐപി നമ്പറുകളുടെ മൂല്യം ഭാവിയിൽ വർദ്ധിക്കുകയേ ഉള്ളൂ.
• ലാഭകരമായ നിക്ഷേപം: പിന്നീട് എപ്പോഴെങ്കിലും ഈ നമ്പർ മറ്റൊരാൾക്ക് മറിച്ചു വിൽക്കാൻ സാധിക്കും എന്നത് പ്രവാസികൾക്ക് ഇതൊരു മികച്ച ബിസിനസ്സ് നിക്ഷേപം കൂടിയാക്കി മാറ്റുന്നു.

ALSO READ: ​

• ഖത്തർ വിസ സ്റ്റാറ്റസ് ഇനി എളുപ്പത്തിൽ അറിയാം; ഔദ്യോഗിക വെബ്സൈറ്റുകൾ വഴി പരിശോധിക്കേണ്ട രീതി (സ്റ്റെപ്പ്-ബൈ-സ്റ്റെപ്പ് ഗൈഡ്)
• ഖത്തറിൽ എങ്ങനെ ഡ്രൈവിംഗ് ലൈസൻസ് എടുക്കാം? നടപടിക്രമങ്ങളും നിബന്ധനകളും (2026 Guide)
• ഖത്തർ സർക്കാർ സേവനങ്ങൾ ഇനി നിങ്ങളുടെ വിരൽത്തുമ്പിൽ! മെട്രാഷ്-2 രജിസ്ട്രേഷൻ മുതൽ സേവനങ്ങൾ വരെ അറിയേണ്ടതെല്ലാം

English Summary: The Traffic Department has launched an online auction for premium Qatar number plate options via the Sooum app. Expats and citizens can bid for their favorite VIP numbers by registering before July 5 and completing the required security deposit.